Ndongamu wa Bisangilu bia Mudimu

Lumingu lua dia 8 Kabitende

Musambu 10

Min. 10: Mamanyisha a mu tshisumbu ne makuabu makanyine a mu Mudimu wetu wa Bukalenge. Kankamija bonso bua kutangilulabu note ivuabu bangate mu mpuilu wa tshijengu wa tshidimu tshishale bua kudilongolola ku Tshisangilu tshia Mudimu tshia lumingu lualonda. Ku diambuluisha dia ngenyi idi mu dibeji 4, enzayi manaya a tshilejilu abidi a malu malelela pa mushindu wa kufila Tshibumba tshia Nsentedi tshia 15 Kabitende ne Réveillez-vous! wa 22 Kabitende (bikala bibejibeji ebi bikaleku, kadi bikalabi kabiyiku, nuangate bia ngondo mishale). Mu dinaya dimue, muana mulongi anyi muledi ayishe mulongeshi.

Min. 10: Mukanda mufumine ku filiale wetu. Diyukidilangana pankatshi pa mumanyishi ukadi ne matuku a bungi mu bulelela (mbimpe umue ikale mukulu) ne mukuabu mumanyishi utshidi mupuekele. Mumanyishi utshidi mupuekele eu udi webeja wa kale eu bua kumanya ni ukavuaku mubale mukanda udi mufumine ku filiale udi mu Mudimu wetu wa Bukalenge. Mumanyi muenzenze mudimu eu udi umumvuija ne: mu bidimu bia 1960 ne bia 1970, mukanda wa ku filiale wa nunku uvua upatuka pa tshibidilu mu Mudimu wetu wa Bukalenge. Pashishe badi bakonkonona mukanda au udi mu dibeji dia ntuadijilu, bashindamena pa malu manene adimu.

Min. 25: “Bansonga wetu, asayi tshishimikidi tshimpe bua matuku enu atshilualua.”a Wenzabu kudi mukulu, ukuata mudimu ne nkonko idibu bele. Panudi nukonkonona tshikoso 5, nuleje patoke masanka ne mabenesha a mudimu wa ku dîba ne ku dîba.

Musambu 170 ne disambila dia nkomenu.

Lumingu lua dia 15 Kabitende

Musambu 199

Min. 10: Mamanyisha a mu tshisumbu. Luapolo lua konte.

Min. 10: “Tulongayi mukanda wa Tutendelelayi Nzambi.” Muyuki wenzabu kudi mutangidi kampanda wa kasumbu ka dilonga dia mukanda. Koka ntema ya bana betu ku ndongamu wa dilonga. Panudi nukonkonona tshikoso tshinayi, buejamu ngenyi ya mu mukanda wetu wa Kalasa ka mudimu, dibeji 28, tshikoso 1, ne dibeji 70.

Min. 25: “Eyemena Yehowa ne enza malu mimpe.” (Mus. 37:3) Diyukidilangana ne bateleji dishindamene pa nkonko idi ilonda eyi idi ileja patoke malu manene atuvua bateleje mu mpuilu wa tshijengu wa tshidimu tshia mudimu tshishale. Lomba bateleji bua bumvuije mushindu uvuabu bafike ku ditumikila malu manene aa muntu pa nkayende anyi mu dîku. Shindamena pa bitupa bia programe ebi: (1) “Tueyemenayi Yehowa.” Bua tshinyi tudi ne bua kueyemena Yehowa mu malu etu onso? (it-2-F dib. 428) Mmunyi mudi mukanda wa Index des publications de la Société Watch Tower mua kutuambuluisha? (2) “Dilamayi ku malu a tshianana.” (Muam. 2:4-8, 11) Mmidimu ya patupu kayi itudi ne bua kuepuka, ne mmunyi mutudi mua kufika ku diyepuka? (3) “Epukayi malu mabi ne nuikale benji ba malu mimpe.” Bua tshinyi tudi ne bua kulamata mikenji ya Yehowa? (Yesh. 5:20) Mmidimu kayi mimpe itudi ne bua kuenza bikole? (4) “Tushalayi beyemene Yehowa.” Ntshinyi tshiatuambuluisha bua kushala ne lulamatu patudi mu mateta? Bua tshinyi tudi ne bua kushiya amue malu mu bianza bia Yehowa? (5) “Nebakubaleku pebe mu bantu badi bakanyine bua kubuela mu Bukalenge bua Nzambi anyi?” (Kolos. 1:10) Mbilejilu kayi bia mu Bible bidi bitusaka bua kutungunuka ne kuenda bilondeshile disua dia Yehowa? (6) “Eyemena malu adi Yehowa mulaye.” Mmunyi mudi kuenza muanda eu mua kulua kulenga nsombelu wetu?

Musambu 58 ne disambila dia nkomenu.

Lumingu lua dia 22 Kabitende

Musambu 7

Min. 10: Mamanyisha a mu tshisumbu. Ku diambuluisha dia ngenyi idi mu dibeji 4, enzayi manaya a tshilejilu abidi pa mushindu wa kufila Tshibumba tshia Nsentedi tshia 15 Kasuamansense ne Réveillez-vous! wa 22 Kasuamansense (bikala bibejibeji ebi bikaleku, kadi bikalabi kabiyiku, nuangate bia ngondo mishale). Leja mukulu kampanda ne muambi wa lumu luimpe muikale mulema bayishila ku telefone pikala telefone mikale muaba unudi.

Min. 15: Ntshinyi tshituvua benze tshidimu tshishale? Mutangidi wa mudimu udi ukonkonona malu manene a mu luapolo lua tshisumbu bua tshidimu tshia mudimu tshia 2003. Ela bena mu tshisumbu kalumbandi bua malu mimpe adibu benze. Udi mua kuelamu kabidi manga malu adi makumbanyine a mu luapolo lua mutangidi wa tshijengu ne kuakula bua bipatshila bibidi binudi nukeba bua kukumbaja bua tshidimu tshialua.

Min. 20: Nzambi udi wanyisha bitendelelu bionso anyi? Diyukidilangana ne bateleji dishindamene pa mukanda wa Comment raisonner. Yukilayi bua mushindu unudi mua kuelangana meji ne muntu kampanda pa bualu ebu. (rs-F dib. 310-311) Leja patoke mishindu mishilashilangane idi mua kuambuluisha bantu bua kumanya ntendelelu udi muakane. (rs-F dib. 315-317) Mudimu wetu wa buambi udi wambuluisha bantu bua kusungula ntendelelu udi Nzambi wanyisha.​—Kolos. 1:9, 10.

Musambu 39 ne disambila dia nkomenu.

Lumingu lua dia 29 Kabitende

Musambu 194

Min. 10: Mamanyisha a mu tshisumbu. Uvuluije bambi ba lumu luimpe bua kufilabu luapolo luabu lua ngondo wa tshitema. Manyisha mikanda ya kufila mu ngondo wa dikumi. Enzeja dinaya dia tshilejilu dîpi pa mushindu wa kutuadija dilonga dia Bible ne broshire wa Utulomba.

Min. 15: Majinga a tshisumbu.

Min. 20: “Tudiluatshishayi ne budipuekeshi.”b Ambila bateleji bua baleje mushindu udibu mua kutumikila mvese idi mu tshiena-bualu etshi.

Musambu 224 ne disambila dia nkomenu.

Lumingu lua dia 6 Kasuamansense

Musambu 170

Min. 10: Mamanyisha a mu tshisumbu. Ngondo eu netuenze muetu muonso bua kutuadija malonga a Bible a bungi. Mu tshikoso konkononayi malu adi mu Mudimu wetu wa Bukalenge wa Lumungulu 2002, dibeji 1, tshikoso 1.

Min. 15: “Ushindike ne: udi muteke malu a mushinga pa muaba wa kumpala!” Muyuki ne diyukidilangana ne bateleji bishindamene pa tshiena-bualu tshidi mu Tshibumba tshia Nsentedi tshia 1 Kabitende 1998, dibeji 19-21. Fila matuku a ngondo a imue midimu yetu ya bena Kristo milongolola bua ngondo yalua kumpala eku, ne kankamija muntu yonso bua kufundaye matuku a ngondo aa mu kalandriye kende. Lomba bateleji bua baleje tshidibu benza bua kabapangi kupeta tshintu tshia mu nyuma tshidibu balongolole nansha tshimuepele.

Min. 20: Badi bakandamena malu mabi adi bena mulongo nabu babasaka bua kuenza. Ela mukulu kampanda anyi musadidi wa midimu nkonko uvua mukolele mu dîku dia bena Kristo. Angatshila malu aa mu Tshibumba tshia Nsentedi tshia 15 Tshisanga 2003. Mmalu kayi mabi avuaye mutuilangane nawu mu kalasa? (dib. 24 tshik. 3; dib. 25 tshik. 4-5) Mmututakene ne malu mabi a kudi bantu bakuabu anyi? (dib. 26 tshik. 4-6) Nansha ku bukulumpe bena mulongo nende batshidi anu bamusaka bua kuenza malu mabi anyi? Tshidi tshimuambuluishe ntshinyi bua kukandamena malu mabi aa bua kushala ne lulamatu ku mikenji ya Nzambi? Muyuki muîpi wa kukomesha nawu mushindamene pa malu a mu Tshibumba tshia Nsentedi tshia 1 Tshimungu 1999, mu dibeji dia 24-25, leja bua tshinyi bidi bimpe bua kuikala ne balunda ba bikadilu bimpe.

Musambu 26 ne disambila dia nkomenu.

[Mêyi adi kuinshi]