Ndongamu wa Bisangilu bia Mudimu

Lumingu lua dia 13 Kasuamansense

Musambu 215

Min. 10: Mamanyisha a mu tshisumbu ne makuabu makumbanyine a mu Mudimu wetu wa Bukalenge. Kankamija bantu bonso bua kuenza mudimu ne nkonko idi mu dibeji dia 1 bua kutangilula note yabu ivuabu bangate bua kudilongolola ku diyukidilangana dia programe wa Mpungilu wa: “Tutumbishayi Nzambi” dienzeka mu Tshisangilu tshia Mudimu tshialonda. Ku diambuluisha dia ngenyi idi mu dibeji dia 8a, enzayi manaya a tshilejilu abidi pa mushindu wa kufila Tshibumba tshia Nsentedi tshia dia 15 Kasuamansense ne Réveillez-vous! wa dia 22 Kasuamansense. Mu dinaya dionso, nufile bibejibeji ebi bionso bibidi nansha nuenu nuakuila malu adi mu tshimue. Mu dimue dia ku manaya aa, nuenze bu nudi nupinganyina muntu unutu ne tshibidilu tshia kushila bibejibeji dîba dionso didibi bipatuka. Asa tshishimikidi bua dikumbula dialonda pa kuleja muntu eu kazubu ka ne: “Mu nimero wetu udi ulonda.”​—Tangila Mudimu wetu wa Bukalenge wa Kabalashipu 1998, dib. 8, tshik. 1-2, 7.

Min. 20: “Nukuatshile Yehowa mudimu ne disanka.”b (Bamanyishi bonso badi ne bua kuikala ne tshisakidila tshia Mudimu wetu wa Bukalenge wa Tshiongo 2002 dituku adi bua diyukidilangana edi.) Kunyima kua dikonkonona tshikoso 4, manyisha ne: mu ngondo wa dikumi ne umue netufile broshire wa Utulomba ne mukanda wa Dimanya. Nukonkonone mu tshikoso mishindu ya dileja idi mu tshisakidila tshia Mudimu wetu wa Bukalenge wa Tshiongo 2002. Pashishe leja tshitupa tshidibu baleje dileja edi. Kankamija bantu bonso bua badilongolole bimpe bua mudimu wa buambi.

Min. 15: Kulombola malonga a Bible kudi kutuala difutu. Muyuki ne diyukidilangana ne bateleji. Londa mu tshikoso malu mamonamona a mu mikanda yetu ne makuabu adi atangila dilombola dia malonga a Bible adi enda aya kumpala bimpe. (w00 1/3 dib. 6; yb98-F dib. 55-60) Lomba bateleji bua baleje mushindu udi malu mamonamona atulongesha ne mudi dilonga Bible ne bantu dituambuluisha.

Musambu 172 ne disambila dia nkomenu.

Lumingu lua dia 20 Kasuamansense

Musambu 86

Min.  5: Mamanyisha a mu tshisumbu.

Min. 40: “Mpungilu ya Distrike ne ya bantu bafumine mu matunga a bungi idi itusaka bua kutumbisha Nzambi!” Kudi mukulu. Mbuelelu webe kapitshi pa munite mujima to, pashishe utungunuke ne diyukidilangana ne bateleji dia programe wa mpungilu, wenze mudimu ne nkonko idi mu tshiena-bualu. Kosolola dîba bimpe bua upete mushindu wa kuela ne kujikija nkonko yonso, pamu’apa udi mua kuanyisha anu diandamuna dimuepele bua imue nkonko. Kabiena bikengela kubala mvese yonso idibu bafila mu dîba dikukosela to; mvese eyi mmifila bua kukuleja patupu muaba uudi mua kupetela mandamuna. Mandamuna adi ne bua kuleja patoke buimpe bua kutumikila malu atuvua tulonga.

Musambu 112 ne disambila dia nkomenu.

Lumingu lua dia 27 Kasuamansense

Musambu 64

Min. 12: Mamanyisha a mu tshisumbu. Luapolo lua konte. Vuluija bamanyishi bua bafile luapolo luabu lua buambi lua ngondo wa dikumi. Kankamija bantu bonso bua batangilule tshiakabidi note yabu ivuabu bangate mu mpuilu wa pa buende wa dituku dimue wa tshidimu tshia mudimu tshishale bua kudilongololabu bua Tshisangilu tshia Mudimu tshia lumingu lualonda. Ku diambuluisha dia ngenyi idi mu dibeji dia 8c, enzayi manaya a tshilejilu abidi pa mushindu wa kufila Tshibumba tshia Nsentedi tshia dia 1 Kasuabanga ne Réveillez-vous! wa dia 18 Kasuabanga. Mu dinaya dionso, nufile bibejibeji ebi bionso bibidi nansha nuenu nuakuila pa malu adi mu tshimue patupu. Mu dimue dia ku manaya aa, nuleje mushindu wa kuandamuna padi muntu ujinga kukosesha muyuki wamba ne: “Kabiena binsankisha to.”​—Tangila kakanda ka Mua kutuadija, dib. 8 anyi mukanda wa Comment raisonner, dib. 16.

Min. 20: Tuenze mudimu ne muele wa nyuma. (Ef. 6:17) Diyukidilangana ne bateleji diashila pa mukanda wa Kalasa ka mudimu, dibeji 143-144. Lomba bantu bua bandamune nkonko eyi: (1) Bua tshinyi bidi bikengela kuandamuna nkonko ne Bible? (2) Buetu tuetu dîna dia Bantemu ba Yehowa didi dileja tshinyi? (3) Yezu wakatushila tshilejilu kayi ne mmunyi mutudi mua kumuidikija? (4) Nngimue mishindu kayi mimpe itudi mua kubueja malu a mu Bible mu mayuki etu ne bantu mu teritware wetu? (5) Bua tshinyi mbimpe kubala buludiludi mu Bible padiku mushindu? (6) Mmunyi mudi bakulu mua kukankamija bamanyishi bakuabu bua kuenza mudimu bimpe ne Bible? Enzeja dinaya dilongolola bimpe bilondeshile malu adi mu dibeji dia 144, mu dinaya edi, mumanyishi mukumbane afile mvese umue anyi mivule padiye wandamuna lukonko ludibu bamuele. Kankamija bamanyishi bonso bua kudifundila tshipatshila tshia kuenza mudimu ne Bible misangu yonso idibu bayisha.

Min. 13: Malu mamonamona a mu tshisumbu tshienu. Lomba bateleji bua balonde malu avuabu bamone mu buambi tshikondo tshia mpungilu wa distrike anyi pavuabu bayishe dîba divua mpunga mumueneke ku mudimu wabu, mu kalasa anyi muaba mukuabu.

Musambu 52 ne disambila dia nkomenu.

Lumingu luatuadija mu dia 3 Kasuabanga

Musambu 147

Min. 5: Mamanyisha a mu tshisumbu.

Min. 15: Majinga a tshisumbu.

Min. 25: Tuikalayi babanji mu midimu mimpe. (1 Tim. 6:18) Mukulu kampanda enza mudimu eu ne nkonko itudi bafile eyi bua kulombola diyukidilangana ne bateleji dia programe wa mpuilu wa pa buende wa dituku dimue uvua muenzeke mu tshidimu tshia mudimu tshishale. Lomba bena mu tshisumbu bua baleje muvuabu bafike ku ditumikila malu avuabu balonge. (Udi mua kudianjila kupesha bantu bitupa bienzabu kumpala kua dîba.) Ushindamene pa bitupa bia programe bidi bilonda ebi: (1) “Midimu mimpe idi ipetesha difutu dinene.” (Muam. 2:11) Bua tshinyi basadidi ba Nzambi badi batungunuka ne kuenza midimu mimpe mileja mu Dîyi dia Nzambi pa mutu pa kutungunuka ne kuenza midimu ya tshianana ya panu? (2) “Ikala mubanji ku mêsu kua Nzambi.” (Mat. 6:20) Mmunyi mudi bamue ‘badilamine biuma mu diulu,’ ne mbipeta kayi bidibu bapete? (3) “Ikala ne dilonga dia Bible bua mudimu webe wa buambi ulengele.” (om-F dib. 91) Ntshinyi tshidi mua kutuambuluisha bua kutuadija ne kulombola dilonga dia Bible? (4) “Midimu mimpe mu tshikondo tshia dinowa etshi.” (Mat. 13:37-39) Ntshilejilu kayi tshia midimu mimpe tshidi bena Kristo ba kumpala batushile, ne mmunyi mudi midimu ya Bukalenge midiunde mu matuku etu aa? (5) “Midimu yebe mimpe itumbishe Yehowa.” (Mat. 5:14-16) Mmunyi mudi bamue ‘bakenkeshe butoke buabu’? (6) “Tudi tuela bansonga kalumbandi bua midimu mimpe idibu benza bua kutumbisha Yehowa.” (Mus. 148:12, 13) Mmunyi mudi bansonga bena Kristo ba mu tshijengu tshietu batumbisha Yehowa? (7) “Yehowa udi utubenesha patudi tutungunuka ne kuenza midimu mimpe.” (Nsu. 10:22) Patudi tutungunuka ne kuikala ne midimu mimpe ya bungi, mbipeta kayi bimpe bidi muntu mua kupeta pa nkayende, mu dîku, munda mua tshisumbu ne mu bulongolodi buetu bua pa buloba bujima?

Musambu 180 ne disambila dia nkomenu.

[Mêyi adi kuinshi]