Programe wa Kalasa ka Mudimu wa Nzambi bua Tshidimu tshia 2004
Mamanyisha
Mu tshidimu tshia 2004 Kalasa ka Mudimu wa Nzambi nekenzeke bilondeshile malu adi alonda aa:
MIKANDA: Les Saintes Écritures—Traduction du monde nouveau [bi12], Tshibumba tshia Nsentedi [w], Kalasa ka Mudimu wa Nzambi kadi kakuambuluisha [be], “Toute Écriture est inspirée de Dieu et utile” (mupatula mu 1997) [si-F], ne Comment raisonner à partir des Écritures (mupatula mu 1989) [rs-F].
Kalasa kadi ne bua kutuadija PA DÎBA ne musambu ne disambila ne mêyi a dijingila bantu difika dilenga, pashishe kutungunuka mushindu eu:
NGIKADILU WA BUNGAMBA-MALU: Minite 5. Mutangidi wa Kalasa, nansha mufidi wa mibelu muambuluishi peshi mukulu mukuabu mukumbane, neenze muyuki muangatshila mu mukanda wa Kalasa ka mudimu umvuija ngikadilu kampanda wa bungamba-malu. (Mu bisumbu mudi bakulu bakese, badi mua kupesha musadidi wa mudimu udi mukumbane mudimu eu.) Mu muyuki eu neabuejamu malu a mu tuzubu tudi mu mabeji adi ne bitupa bidibu bamupeshe bua kuenza, amba anu bobu bafile dimanyisha dia kuwenza mushindu mukuabu. Midimu ya kuenza idi kuinshi kua imue nshapita ki nya kubueja mu muyuki eu to. Midimu eyi nya muntu kudienzelaye yeye nkayende, wenda ulonda mibelu idibu bafilamu.
MUDIMU NO. 1: Minite 10. Mudimu eu nebawenze kudi mukulu anyi musadidi wa mudimu. Nebawangatshile mu Tshibumba tshia Nsentedi, mu mukanda wa Kalasa ka Mudimu wa Nzambi kadi kakuambuluisha, anyi mu “Toute Écriture est inspirée de Dieu et utile.” Mudimu eu ngwa kuenza bu muyuki wa ndongeshilu mu minite 10 kakuyi diela dia bateleji nkonko to. Tshipatshila katshiena anu tshia kuamba mu tshikoso malu onso a mu tshitupa atshi kuajikija to, kadi ntshia kukoka ntema ya bantu ku mushinga anyi dikuatshisha didi nadi malu adiye ukonkonona, pa kuleja patoke aa adi mua kuambuluisha tshisumbu. Bana betu bawupeshabu nebenze mudimu anu ne tshiena-bualu tshidibu bafile. Tudi batekemene se: bana betu badibu bapesha mudimu eu nebadienzeje bua kunemeka dîba dibakosela. Badi mua kubapesha mibelu pa nkayabu padibi bikengedibua.
MALU MANENE A MU DIBALA DIA BIBLE: Minite 10. Mu minite isambombo ya ntuadijilu, mukulu anyi musadidi wa mudimu mukumbane nealongeshe malu aa bilondeshile majinga a tshisumbu. Udi mua kumvuija tshitupa kayi tshionso tshiasungulaye tshia mu dibala dia Bible dia lumingu alu. Mudimu eu kawena ne bua kuikala anu tshikepeshilu patupu tshia nshapita eyi mifila bua kubala to. Tshipatshila tshinene ntshia kuambuluisha bateleji bua kujingululabu bua tshinyi ne mmushindu kayi udi malu mine a mu dibala edi aa mikale ne mushinga kutudi. Ngamba-malu udi ne bua kuenza muende muonso bua kapitshishi pa minite isambombo padiye wenza tshitupa tshia kumpala tshia mudimu wende eu to. Udi ne bua kuenza bua se: kushale minite inayi ikala bateleji mua kuakula pabu. Nealombe bateleji bua kufilabu pabu abu mumvuija mu tshikoso (sekonde kayipitshi pa 30) pa malu adi mabasankishe mu dibala diabu dia tshitupa tshia Bible atshi ne mushindu udiwu abambuluisha. Padi tshitupa etshi tshijika, mutangidi wa kalasa neatume balongi ba mu tulasa tukuabu mu tulasa tuabu.
MUDIMU NO. 2: Minite 4. Ndibala dienzabu kudi muanetu wa balume. Pa tshibidilu dibala edi nedikale nangananga dia kubala Bible. Kadi musangu umue ku ngondo, mudimu eu newikale wa dibala dia malu kampanda mangatshila mu Tshibumba tshia Nsentedi. Mulongi neabale malu adibu bamupeshe aa kakuyi mêyi a mbangilu anyi a nkomenu to. Bungi bua malu a kubala nebuikale bushilanganaku kakese ku lumingu ne ku lumingu, kadi dibala nedikale ne bua kuangata minite inayi anyi mishadile ku inayi. Mutangidi wa kalasa udi ne bua kuanji kutapa dîsu mu malu ikalabu ne bua kubala kumpala kua kuabanyina balongi bitupa biabalabu bua kumona mua kubapesha midimu eyi bilondeshile bidimu biabu ne mamanya adibu nawu. Mutangidi wa kalasa neenze muende muonso nangananga bua kuambuluisha balongi bua kufikabu ku dibala malu mumvuike bimpe, mabala bipepele menemene, ne dishindika dimpe dia miaku minene, ne dishintulula dia dîyi, ne dikisha dikumbanyine, ne bua kubalabu anu bu pa tshibidilu kabiyi bu bia ku makolela.
MUDIMU NO. 3: Minite 5. Nebaupeshe muanetu wa bakaji. Balongi badibu bapesha mudimu eu nebasungule kadre (nsombelu) kampanda kenzelabu mudimu eu peshi mutangidi wa kalasa neabasunguile kamue mu tudibu baleje mu dibeji dia 82 mu mukanda wa Kalasa ka mudimu. Mulongi udi ne bua kuangata anu tshiena-bualu tshidibu bamupeshe, nenku neatshienze biumvuangane ne mushindu kampanda wa mudimu wa buambi utubu benza udi muakanyine bua teritware wa tshisumbu tshiabu. Padiku kakuyi mukanda kampanda musunguluke udibu bafile bua mulongi eu kuangatshila malu adiye ne bua kulongesha mu mudimu wende, dîba adi neikale ne bua kuenza makebulula mu mikanda mipatula kudi kasumbu ka mupika wa lulamatu ne wa budimu bua kupeta ngenyi idi mua kumuambuluisha bua kuenza mudimu wende eu. Balongi bapiabapia badi ne bua kubapesha bobu midimu idi ne miaba ya kuangatshila malu akulabu mileja mu mikanda kampanda misunguluke. Mutangidi wa kalasa neatambe kulondesha mushindu udi mulongi wenza mudimu wende ne mudiye wambuluisha udibu bayikila nende bua kuelanganaye meji pa Mifundu ne kumvuaye ngenyi minene ya malu adibu bayikila. Balongi badibu bapesha mudimu wa nunku badi ne bua kuikala bamanye kubala. Mutangidi wa kalasa neasunguile mulongi eu muanetu wayukilabu nende.
MUDIMU NO. 4: Minite 5. Mulongi udi ne bua kuashila mudimu wende pa tshiena-bualu tshifila. Padibu kabayi bafile mukanda musunguluke wa kuangatshila malu a kuamba mu mudimu eu, mulongi neikale ne bua kuenza makebulula mu mikanda mipatula kudi kasumbu ka mupika wa lulamatu ne wa budimu bua kumonaye mua kuenza mudimu wende. Padibu baupesha muanetu wa balume, udi mua kuwenza bu mutubu benza muyuki, muikale ne bateleji badi mu Nzubu wa Bukalenge mu lungenyi. Padibu baupesha muanetu wa bakaji, udi ne bua kuwenza bilondeshile mibelu mifila bua Mudimu No. 3. Mutangidi wa kalasa udi mua kupesha muanetu wa balume mudimu wa No. 4 padiye umona ne: mbikumbane bua kumupeshawu. Numanye ne: biena-bualu bidi ne kamanyinu ka mutoto kafunda ku luseke mbia kupesha bana betu ba balume bua kubienzabu bu miyuki.
DÎBA: Mudimu nansha umue kaupitshishi dîba dikosa to, nansha mibelu idi mutangidi ufila kayena ne bua kuya dia muamua dia dîba nansha. Bua muntu udi wenza Mudimu No. 2, 3 ne 4, mutangidi wa kalasa neamuimanyike ne bukalanga padi dîba dikumbana. Padi muanetu wa balume udibu bapeshe muyuki wa mbangilu pa ngikadilu wa bungamba-malu, Mudimu No. 1 peshi malu manene a mu dibala dia Bible upitshisha dîba dimukosela, badi ne bua kumupesha mibelu pa nkayende. Balongi bonso badi ne bua kutabalela dîba didibu babakosele ne muoyo mujima. Programe mujima wa tshisangilu etshi udi ne bua kuangata minite 45 pa kumusha musambu ne disambila.
MIBELU: Munite 1. Mutangidi wa kalasa neenze anu munite umue kunyima kua mudimu wonso bua kuamba amue malu mimpe adi mulongi mukumbaje mu mudimu wende a kumuelela kalumbandi. Dijinga diende ki ndia kuamba anu patupu ne: “Udi muenze bimpe,” kadi udi ne bua kukoka ntema ya bantu pa malu masunguluke adi menzeje bua mudimu eu kuikalawu muimpe. Kunyima kua bisangilu anyi dîba dikuabu, badi mua kupesha mulongi ne mulongi yonso mibelu mikuabu idi imukengela pa nkayende ya kumuambuluisha nayi.
MUFIDI WA MIBELU MUAMBULUISHI: Kasumbu ka bakulu kadi mua kusungula mukulu umue mukumbane pikalaye kuoku bua kuikalaye ukuatshisha mutangidi wa kalasa mu mudimu wa dipesha bantu mibelu. Pikalaku bakulu ba bungi mu tshisumbu, badi mua kuenza bua ku tshidimu tshionso mukulu mukuabu udi mukumbane kuenzaye pende mudimu eu. Mudimu wende newikale wa kupesha bana betu ba balume badi benza Mudimu No. 1 ne malu manene a mu dibala dia Bible mibelu pa nkayabu padibi bikengela kuenza nanku. Kabiena bikengela bua kuikalaye ufila mibelu panyima pa mudimu wonso wa nunku padibu bawenza kudi mukulu nende anyi musadidi wa mudimu to. Ngenzelu wa kalasa eu neatungunuke mushindu eu mu tshidimu tshia 2004, ne pamuapa badi mua kulua kumuakajilula kabidi pashishe.
DIBEJI DIA MIBELU: Mu mukanda.
DIAMBULULA DIA MUKANA: Minite 30. Kunyima kua ngondo ibidi yonso, mutangidi wa kalasa neenzeje diambulula dia mukana. Kumpala kua diambulula edi nebenze muyuki wa mbangilu pa ngikadilu wa bungamba-malu ne malu manene a mu dibala dia Bible anu mudibu baleje ku mutu eku. Diambulula dia mukana edi nedikale diashila pa malu malonga mu kalasa mu ngondo ibidi mipite, kusangisha ne malu a mu lumingu luine ludi diambulula edi dienzeka.
PROGRAME
5 Tshio. Dibala dia Bible: Genese 1-5 Musambu wa No. 154
Ngikadilu wa bungamba-malu: Dileja bimpe dikuatshisha didi nadi malu (be dib. 157 tshik. 1–dib. 158 tshik. 1)
No. 1: Mua kuenza plan wa muyuki (be dib. 39-42)
No. 2: Genese 2:7-25
No. 3: Bualu bua Mparadizu wa pa buloba wa matuku atshidi kumpala mbabuakule pabu mu ‘Dipungila dipia-dipia’ anyi peshi anu mu ‘Dipungila Dikulukulu’? (rs-F dib. 274 tshik. 7-dib. 275 tshik. 2)
No. 4: aTshidi bilejilu bia mu Bible bia bantu bakabenga bua kuenza tshidi tshiakane bitulongesha
12 Tshio. Dibala dia Bible: Genese 6-10 Musambu wa No. 215
Ngikadilu wa bungamba-malu: Dileja dikuatshisha didi nadi malu (be dib. 158 tshik. 2-4)
No. 1: Mankenda adi umvuija tshinyi menemene? (w02 1/2 dib. 4-7)
No. 2: Genese 8:1-17
No. 3: Bua tshinyi mafi mmabi?
No. 4: Bua tshinyi ‘Mparadizu’ udibu batele mu Luka 23:43 kêna tshitupa tshia Hadès anyi tshia diulu? (rs-F dib. 276 tshik. 1–dib. 277 tshik. 1)
19 Tshio. Dibala dia Bible: Genese 11-16 Musambu wa No. 218
Ngikadilu wa bungamba-malu: Ambuluisha bakuabu bua bamone mudi muyuki mua kubakuatshisha (be dib. 159 tshik. 1-4)
No. 1: Mêyi adi Nzambi muele adi mua kukukuatshisha (w02 15/2 dib. 4-7)
No. 2: Genese 13:1-18
No. 3: Ntshinyi tshidi tshileja ne: Mparadizu udibu batele mu Luka 23:43 ngua pa buloba? (rs-F dib. 277 tshik. 2–dib. 278 tshik. 2)
No. 4: Bua tshinyi Bantemu ba Yehowa badi bambila bantu bualu bua ditekemena diabu?
26 Tshio. Dibala dia Bible: Genese 17-20 Musambu wa No. 106
Ngikadilu wa bungamba-malu: Disungula dia miaku (be dib. 160 tshik. 1-3)
No. 1: Diditeka pa muaba wa bakuabu ke didi difikisha ku dilejangana bulenga ne luse (w02 15/4 dib. 24-27)
No. 2: w02 1/1 dib. 10-11 tshik. 9-11
No. 3: Mêyi a Yezu adi mu Luka 13:24 adi umvuija tshinyi?
No. 4: Mmunyi mutudi mua kupeta dimanya dilelela ne meji a bushuwa? (rs-F dib. 282 tshik. 5–dib. 283 tshik. 2)
2 Lui. Dibala dia Bible: Genese 21-24 Musambu wa No. 64
Ngikadilu wa bungamba-malu: Ngakuilu udi bantu bumvua ne lukasa (be dib. 161 tshik. 1-4)
No. 1: Mua kulongolola midimu ya mu kalasa (be dib. 43 tshik. 1–dib. 44 tshik. 3)
No. 2: Genese 21:1-21
No. 3: Nkindi ya bantu mmifume penyi? (rs-F dib. 283 tshik. 3–dib. 284 tshik. 2)
No. 4: bBua tshinyi dibangilangana bua dibaka mbualu bua kunemeka bikole?
9 Lui. Dibala dia Bible: Genese 25-28 Musambu wa No. 9
Ngikadilu wa bungamba-malu: Diakula ne miaku mishilashilangane ne mijalame (be dib. 161 tshik. 5–dib. 163 tshik. 1)
No. 1: Tshiena-bualu ne Kadre (be dib. 44 tshik. 4–dib. 46 tshik. 2)
No. 2: Genese 28:1-15
No. 3: Mushindu wa kupeta ditalala dia mu mutshima mu buloba ebu bua ndululu
No. 4: Bua tshinyi kulonga malongesha a Yezu Kristo pamutu pa kulonga nkindi ya bantu nkuikala ne lungenyi luimpe? (rs-F dib. 284 tshik. 3–dib. 285 tshik. 2)
16 Lui. Dibala dia Bible: Genese 29-31 Musambu wa No. 160
Ngikadilu wa bungamba-malu: Miaku idi ileja bukole, ilenga mutshima, ilengeja bintu (be dib. 163 tshik. 2–dib. 164 tshik. 3)
No. 1: Muoyo-mutoke udi ulombola bantu bakane (w02 15/5 dib. 24-27)
No. 2: w02 1/2 dib. 15-16 tshik. 6-10
No. 3: Mmasambila a nganyi adi Nzambi umvua? (rs-F dib. 286 tshik. 1–dib. 287 tshik. 1)
No. 4: Bua tshinyi buimpe budi ne mushinga wa bungi kudi bena Kristo?
23 Lui. Dibala dia Bible: Genese 32-35 Musambu wa No. 1
Ngikadilu wa bungamba-malu: Ngakuilu udi ulonda mikenji ya muakulu (be dib. 164 tshik. 4–dib. 165 tshik. 1)
Diambulula dia mukana
1 Luab. Dibala dia Bible: Genese 36-39 Musambu wa No. 49
Ngikadilu wa bungamba-malu: Dienza mudimu ne plan (be dib. 166 tshik. 1–dib. 167 tshik. 1)
No. 1: Mushindu wa kulongolola miyuki (be dib. 47 tshik. 1–dib. 49 tshik. 1)
No. 2: Genese 37:12-28
No. 3: Bua tshinyi tudi ne bua kulamakaja dinanukila ku ditabuja dietu?
No. 4: cNtshinyi tshidi mua kufikisha Nzambi ku dibenga kuteleja masambila a muntu? (rs-F dib. 287 tshik. 2–dib. 288 tshik. 1)
8 Luab. Dibala dia Bible: Genese 40-42 Musambu wa No. 205
Ngikadilu wa bungamba-malu: Longolola ngenyi yebe (be dib. 167 tshik. 2–dib. 168 tshik. 2)
No. 1: Mua kulongolola Tshisangilu tshia Mudimu ne miyuki mikuabu (be dib. 49 tshik. 2–dib. 51 tshik. 1)
No. 2: Genese 42:1-20
No. 3: Tshia kuenza bua kudia malanda mimpe ne Yehowa
No. 4: dMmalu kayi adi makumbane kulomba mu disambila? (rs-F dib. 288 tshik. 2-9)
15 Luab. Dibala dia Bible: Genese 43-46 Musambu wa No. 67
Ngikadilu wa bungamba-malu: Plan webe ikale mupepele (be dib. 168 tshik. 3–dib. 169 tshik. 6)
No. 1: Ndîba kayi ditu Yehowa ubenesha muntu padiye udienzeja ne muoyo mujima? (w02 1/8 dib. 29-31)
No. 2: Genese 43:1-18
No. 3: eBu muntu mua kuamba ne: ‘Anji sambila kumpala, kadi ushishe kunyisha’ (rs-F dib. 289 tshik. 1-2)
No. 4: Munyi mutudi mua kudienzela balunda ne mamona mabi?
22 Luab. Dibala dia Bible: Genese 47-50 Musambu wa No. 187
Ngikadilu wa bungamba-malu: Malu malondangane biakane (be dib. 170 tshik. 1–dib. 171 tshik. 2)
No. 1: Bua tshinyi Yehowa wakanyisha mulambu wa Abele ne kubenga wa Kayina? (w02 1/8 dib. 28)
No. 2: Genese 47:1-17
No. 3: Ngimue milayi kayi minene ya mu Bible idi kayiyi mianji kukumbana? (rs-F dib. 290 tshik. 1–dib. 291 tshik. 1)
No. 4: Bua tshinyi ditshina dia Yehowa ke tshibangidilu tshia lungenyi?
29 Luab. Dibala dia Bible: Ekesode 1-6 Musambu wa No. 52
Ngikadilu wa bungamba-malu: Kuamba malu bilondangane bimpe (be dib. 171 tshik. 3–dib. 172 tshik. 6)
No. 1: Mmunyi mudi bukole bua kupangadija malu mua kukukuba? (w02 15/8 dib. 21-24)
No. 2: w02 15/2 dib. 19-20 tshik. 7-11
No. 3: Mushindu udi Yehowa umona lutambishi
No. 4: Bua tshinyi bena Kristo badi ne bua kuteka meji abu onso ku milayi ya mu Bible? (rs-F dib. 291 tshik. 2-6)
5 Tshisa. Dibala dia Bible: Ekesode 7-10 Musambu wa No. 61
Ngikadilu wa bungamba-malu: Kuamba anu malu adi makanyine (be dib. 173 tshik. 1-4)
No. 1: Mushindu wa kulongolola muyuki wa patoke (be dib. 52 tshik. 1–dib. 54 tshik. 1)
No. 2: Ekesode 8:1-19
No. 3: fBu muntu mua kuamba ne: ‘Nudi muangata milayi ne mushinga mupitshidile’ (rs-F dib. 291 tshik. 7–dib. 292 tshik. 1)
No. 4: Bua tshinyi ditekemena didi bu “luongo lua muoyo wetu”?
12 Tshisa. Dibala dia Bible: Ekesode 11-14 Musambu wa No. 87
Ngikadilu wa bungamba-malu: Kuakula kuyi wenda ubala (be dib. 174 tshik. 1–dib. 175 tshik. 5)
No. 1: Mapangadika a ngamba-malu (be dib. 54 tshik. 2-4; dib. 55, kazubu)
No. 2: Ekesode 12:1-16
No. 3: Bua tshinyi bidi bikengela kuitaba dinyoka dia Yehowa ne disanka?
No. 4: Dilongesha dia Mpurgatoriyo ndishindamena pa tshinyi? (rs-F dib. 292 tshik. 2–dib. 293 tshik. 4)
19 Tshisa. Dibala dia Bible: Ekesode 15-18 Musambu wa No. 171
Ngikadilu wa bungamba-malu: Mua kuepuka mateyi a paudi wakula kuyi wenda ubala (be dib. 175 tshik. 6–dib. 177 tshik. 1)
No. 1: Mmushindu kayi utudi ne bua kumona mateta? (w02 1/9 dib. 29-31)
No. 2: w02 1/3 dib. 15-16 tshik. 8-11
No. 3: Kudiku dinyoka dikuabu bua muntu panyima pa lufu luende anyi? (rs-F dib. 293 tshik. 6–dib. 294 tshik. 3)
No. 4: gBua tshinyi badi mu dibaka badi ne bua kushalamu matuku abu onso muoyo?
26 Tshisa. Dibala dia Bible: Ekesode 19-22 Musambu wa No. 59
Ngikadilu wa bungamba-malu: Padi bantu batulomba diumvuija (be dib. 177 tshik. 2–dib. 178 tshik. 3)
Diambulula dia mukana
3 Lum. Dibala dia Bible: Ekesode 23-26 Musambu wa No. 13
Ngikadilu wa bungamba-malu: Kuakula bu udi uyikila (be dib. 179-180)
No. 1: Mua kulua mulongeshi mulenga (be dib. 56 tshik. 1–dib. 57 tshik. 2)
No. 2: Ekesode 23:1-17
No. 3: Mmunyi mudi Yehowa mua kuambuluisha muntu bua kutshimuna bikadilu bibi?
No. 4: Nkuepi kuakafuma makoba mashilashilangane a bantu? (rs-F dib. 294 tshik. 4–dib. 295 tshik. 2)
10 Lum. Dibala dia Bible: Ekesode 27-29 Musambu wa No. 28
Ngikadilu wa bungamba-malu: Ngikadilu wa dîyi (be dib. 181 tshik. 1-4)
No. 1: ‘Nusunguluje’ (be dib. 57 tshik. 3–dib. 58 tshik. 2)
No. 2: Ekesode 28:29-43
No. 3: Bu kuoku kuikale anu dîku dimue dia bantu ku tshibangidilu, nkuepi kuvua Kayina mupetele mukajende? (rs-F dib. 295 tshik. 3-5)
No. 4: Bua tshinyi kansungasunga ka makoba nkabi?
17 Lum. Dibala dia Bible: Ekesode 30-33 Musambu wa No. 93
Ngikadilu wa bungamba-malu: Upuyakane biakane (be dib. 181 tshik. 5–dib. 184 tshik. 1; dib. 182, kazubu)
No. 1: Ambuluisha bantu bua kuelabu meji (be dib. 58 tshik. 3–dib. 59 tshik. 3)
No. 2: Ekesode 30:1-21
No. 3: Bua tshinyi kuikala mupole malu?
No. 4: Mmunyi mutudi mua kumvuija dishilangana dia makoba a bantu? (rs-F dib. 296 tshik. 1-dib. 297 tshik. 2)
24 Lum. Dibala dia Bible: Ekesode 34-37 Musambu wa No. 86
Ngikadilu wa bungamba-malu: Ditekesha mifungu idi mitandabale (be dib. 184 tshik. 2–dib. 185 tshik. 3; dib. 184, kazubu)
No. 1: Leja mushindu wa kutumikila malu ne ufile tshilejilu tshilenga (be dib. 60 tshik. 1–dib. 61 tshik. 3)
No. 2: Ekesode 36:1-18
No. 3: Bantu bonso mbana ba Nzambi anyi? (rs-F dib. 297 tshik. 3–dib. 298 tshik. 1)
No. 4: Bua tshinyi kuikala muena lulamatu ne mu tu-malu tukese?
31 Lum. Dibala dia Bible: Ekesode 38-40 Musambu wa No. 202
Ngikadilu wa bungamba-malu: Ditabalela bakuabu (be dib. 186 tshik. 1-4)
No. 1: Mushindu wa kuyikila bimpe ne bantu (be dib. 62 tshik. 1–dib. 63 tshik. 6)
No. 2: w02 1/5 dib. 19-20 tshik. 3-6
No. 3: Mmunyi mudi lumvu luimpe lua 1 Yone 3:19, 20 mua kusamba muntu?
No. 4: Bantu bonso nebasombaku dimue dituku mu buobumue bu bana ba muntu anyi? (rs-F dib. 298 tshik. 2–dib. 299 tshik. 1)
7 Kabal. Dibala dia Bible: Lewitiki 1-5 Musambu wa No. 123
Ngikadilu wa bungamba-malu: Uteleje ne ntema yonso (be dib. 187 tshik. 1-5)
No. 1: Mushindu wa kutungunuka ne muyuki (be dib. 64 tshik. 1–dib. 65 tshik. 4)
No. 2: Lewitiki 3:1-17
No. 3: Bua tshinyi lufu lua Yezu ndushilangane ne lua bantu bakuabu buonso bavua bafuile ditabuja? (rs-F dib. 299 tshik. 2–dib. 300 tshik. 2)
No. 4: Bua tshinyi mbibi bua kubuelakana mu malu a mîdima?
14 Kabal. Dibala dia Bible: Lewitiki 6-9 Musambu wa No. 121
Ngikadilu wa bungamba-malu: Ambuluisha bakuabu bua baye kumpala (be dib. 188 tshik. 1-4)
No. 1: Ujingulule tshidi muedi wa lukonko ukeba (be dib. 66 tshik. 1–dib. 68 tshik. 1)
No. 2: Lewitiki 7:1-19
No. 3: Mmunyi mutudi mua kulonga mua kukina malu mabi?
No. 4: Bua tshinyi bivua bikengela bua mulambu wa kupikula nawu bantu kufidibuawu anu mushindu uvuabu baufile au? (rs-F dib. 300 tshik. 4-6)
21 Kabal. Dibala dia Bible: Lewitiki 10-13 Musambu wa No. 183
Ngikadilu wa bungamba-malu: Mua kukuatshishangana biakane (be dib. 188 tshik. 5–dib. 189 tshik. 4)
No. 1: Umanye mua kuandamuna (be dib. 68 tshik. 2–dib. 70 tshik. 4)
No. 2: Lewitiki 11:1-25
No. 3: Bua tshinyi Nzambi kavua mua kuamba anu ne: muntu yonso udi untumikila udi ushala ne muoyo tshiendelele? (rs-F dib. 301 tshik. 1-4)
No. 4: Mmunyi mudi Yehowa umona dibila?
28 Kabal. Dibala dia Bible: Lewitiki 14-16 Musambu wa No. 216
Ngikadilu wa bungamba-malu: Dileja bantu kanemu (be dib. 190 tshik. 1–dib. 191 tshik. 1)
Diambulula dia mukana
5 Kash. Dibala dia Bible: Lewitiki 17-20 Musambu wa No. 54
Ngikadilu wa bungamba-malu: Kanemu paudi umona muntu (be dib. 191 tshik. 2–dib. 192 tshik. 1)
No. 1: Difundilangana mikanda (be dib. 71-73)
No. 2: Lewitiki 17:1-16
No. 3: Tueyemene Bulongolodi bua Yehowa
No. 4: Mulambu udi utupikula ku mpekatu wa Yezu bakanji kuenza nawu mudimu kumpala bua banganyi, ne mbua tshinyi? (rs-F dib. 302 tshik. 1-2)
12 Kash. Dibala dia Bible: Lewitiki 21-24 Musambu wa No. 138
Ngikadilu wa bungamba-malu: Kuyisha ne kanemu (be dib. 192 tshik. 2–dib. 193 tshik. 2)
No. 1: Ndaku anu kumpala! (be dib. 74 tshik. 1–dib. 75 tshik. 3)
No. 2: Lewitiki 22:1-16
No. 3: Mbantu kayi bakuabu badi mulambu wa Yezu wambuluisha mu matuku etu aa? (rs-F dib. 302 tshik. 3–dib. 303 tshik. 2)
No. 4: Yehowa n’Nzambi wa bena Yuda nkayabu udi usunguluja bisamba anyi?
19 Kash. Dibala dia Bible: Lewitiki 25-27 Musambu wa No. 7
Ngikadilu wa bungamba-malu: Kuakula ne muoyo mujima (be dib. 194 tshik. 1–dib. 195 tshik. 2)
No. 1: Kuata mudimu ne tshipedi tshiudi natshi (be dib. 75 tshik. 4–dib. 77 tshik. 2)
No. 2: Lewitiki 25:1-19
No. 3: Mushindu wajika terorisme (ngenzelu ya tshikisu)
No. 4: Mmabenesha kayi atudi batekemena matuku adi alua atutuadila mulambu wa Yezu? (rs-F dib. 303 tshik. 3–dib. 304 tshik. 2)
26 Kash. Dibala dia Bible: Nomba 1-3 Musambu wa No. 30
Ngikadilu wa bungamba-malu: Mushindu udibi mua kumueneka ne: udi wakula ne muoyo mujima (be dib. 195 tshik. 3–dib. 196 tshik. 4)
No. 1: Bena Kristo badi mua kuikala ne mukawu anyi? (w02 15/10 dib. 28-31)
No. 2: w02 15/6 dib. 18-19 tshik. 6-9
No. 3: Ntshinyi tshitudi ne bua kuenza bituikala basue bua mulambu wa Yezu kutupetesha masanka? (rs-F dib. 304 tshik. 3-6)
No. 4: Mbibi bua kudila munanga wetu udi mufue anyi?
2 Tshim. Dibala dia Bible: Nomba 4-6 Musambu wa No. 128
Ngikadilu wa bungamba-malu: Kuakula ne bukalanga, kadi ne muoyo umue (be dib. 197 tshik. 1-3)
No. 1: Mmunyi mutudi mua kuvuija matuku etu ne mushinga kumpala kua Yehowa? (w02 15/11 dib. 20-23)
No. 2: Nomba 6:1-17
No. 3: Mmunyi mudi Bible mua kuambuluisha bantu bua kulekela dikinangana?
No. 4: Mulambu wa Yezu udi upikula bantu udi ne bua kutusaka bua kuenza tshinyi ne mioyo yetu? (rs-F dib. 304 tshik. 1-3)
9 Tshim. Dibala dia Bible: Nomba 7-9 Musambu wa No. 35
Ngikadilu wa bungamba-malu: Tuikalayi ne bukalanga patudi tuyisha (be dib. 197 tshik. 4–dib. 199 tshik. 1)
No. 1: Kudiku mushindu wa bantu kusomba kakuyi disungulujangana anyi? (w02 1/1 dib. 4-7)
No. 2: Nomba 8:1-19
No. 3: Padi mupostolo Paulo wamba ne: bena Kristo bavua mua ‘kuambuibua’ bua kuya kudi Mukalenge, uvua wakula bua bualu kayi? (rs-F dib. 130 tshik. 2–dib. 131 tshik. 1)
No. 4: Muluishi wa Kristo nnganyi?
16 Tshim. Dibala dia Bible: Nomba 10-13 Musambu wa No. 203
Ngikadilu wa bungamba-malu: Mêyi makane mamba mu tshikondo tshiakane (be dib. 199 tshik. 2–dib. 200 tshik. 1)
No. 1: Eyemena Yehowa, Nzambi udi mulelela (w02 15/1 dib. 5-7)
No. 2: Nomba 12:1-16
No. 3: Didisombuela dia Nzambi didi dipetangana ne dinanga diende anyi?
No. 4: Mêsu a bantu neamone Kristo pa matutu ulua bua kuangata bena Kristo ba lulamatu kuya nabu mu diulu anyi? (rs-F dib. 131 tshik. 2–dib. 132 tshik. 1)
23 Tshim. Dibala dia Bible: Nomba 14-16 Musambu wa No. 207
Ngikadilu wa bungamba-malu: Kuakula ne bukalanga ne dîku dietu ne bena Kristo netu (be dib. 200 tshik. 2–dib. 201 tshik. 2)
No. 1: Bana ba muntu bakaleja ngikadilu mishilangane (w02 15/1 dib. 21-23)
No. 2: w02 15/7 dib. 23-24 tshik. 15-19
No. 3: Bena Kristo badi mua kubanda mu diulu ne mibidi yabu ya bu-muntu anyi? (rs-F dib. 132 tshik. 2-3)
No. 4: hBua tshinyi manaya a ku video adi aleja malu a tshikisu ki mimpe bua bena Kristo?
30 Tshim. Dibala dia Bible: Nomba 17-21 Musambu wa No. 150
Ngikadilu wa bungamba-malu: Malu mimpe adi akoleshangana ku muoyo (be dib. 202 tshik. 1–dib. 203 tshik. 2)
Diambulula dia mukana
6 Kabit. Dibala dia Bible: Nomba 22-25 Musambu wa No. 22
Ngikadilu wa bungamba-malu: Lama ngakuilu muimpe (be dib. 203 tshik. 3–dib. 204 tshik. 1)
No. 1: Bua tshinyi bantu ba kale abu bakabutuka? (w02 1/3 dib. 5-7)
No. 2: Nomba 22:1-19
No. 3: Bena Kristo ba lulamatu nebambuibue e kuya mu diulu mu musokoko kabayi bafue anyi? (rs-F dib. 133 tshik. 1-4)
No. 4: iTshidi baledi bena Kristo ne bua kuikala babadila bana babu malu adi mu mikanda
13 Kabit. Dibala dia Bible: Nomba 26-29 Musambu wa No. 71
Ngikadilu wa bungamba-malu: Paudi uyikila ne bena Kristo nebe (be dib. 204 tshik. 2–dib. 205 tshik. 4)
No. 1: Mushindu wajika bulema (w02 1/5 dib. 4-7)
No. 2: Nomba 29:1-19
No. 3: Mbukubi kayi buikala bena Kristo balelela nabu mu tshikondo tshia dikenga dinene? (rs-F dib. 134 tshik. 1-5)
No. 4: Mmunyi mudi malaya onso a Nzambi malue bualu bulelela mu dîna dia Yezu Kristo?
20 Kabit. Dibala dia Bible: Nomba 30-32 Musambu wa No. 51
Ngikadilu wa bungamba-malu: Diambulula malu bua kuashindika (be dib. 206 tshik. 1-4)
No. 1: Kuna buakane bua upuole luse lujalame lua Nzambi (w02 15/7 dib. 28-31)
No. 2: Nomba 30:1-16
No. 3: Bua tshinyi bamue bena Kristo badi baya mu diulu bua kuikala pabuipi ne Kristo? (rs-F dib. 134 tshik. 7–dib. 135 tshik. 1)
No. 4: jBua tshinyi tudi ne bua kuepuka dibala anyi dimona bintu bia malu a busenji anyi pornografi
27 Kabit. Dibala dia Bible: Nomba 33-36 Musambu wa No. 100
Ngikadilu wa bungamba-malu: Diambulula mu mudimu wetu wa budimi ne paudi wenza muyuki (be dib. 207 tshik. 1–dib. 208 tshik. 4)
No. 1: Mmushindu kayi udi bansantu balelela mua kukuambuluisha? (w02 15/9 dib. 4-7)
No. 2: w02 1/8 dib. 18-19 tshik. 15-19
No. 3: k‘Utu witaba diambuibua dia ekeleziya anyi?’ (rs-F dib. 135 tshik. 2-4)
No. 4: Bua tshinyi tudi ne bua kuepuka disankidila dia manaya a luonji?
4 Kasuam. Dibala dia Bible: Dutelonome 1-3 Musambu wa No. 191
Ngikadilu wa bungamba-malu: Disulakaja dia tshiena-bualu (be dib. 209 tshik. 1-3)
No. 1: Dimanya dilelela dia Nzambi didi disamba bantu (w02 1/10 dib. 5-7)
No. 2: Dutelonome 1:1-18
No. 3: Kuenza bua bulelela buikale munda muebe kudi kumvuija tshinyi?
No. 4: Didiumvua bu ukavua mumanyangane ne muntu kampanda anyi bu ukavua mu musoko kansanga pabi bikale musangu wa kumpala wa kupetangana nende anyi kuikalamu didiku dileja ne: tukavua ne muoyo muaba mukuabu kumpala kua kuledibua anyi? (rs-F dib. 305 tshik. 4–dib. 307 tshik. 2)
11 Kasuam. Dibala dia Bible: Dutelonome 4-6 Musambu wa No. 181
Ngikadilu wa bungamba-malu: Dikeba tshiena-bualu tshiakanyine (be dib. 210 tshik. 1–dib. 211 tshik. 1; dib. 211, kazubu)
No. 1: Mua kubala matuku kumukila ku tshidimu tshia 537 K.B.B. too ne mu tshia 997 K.B.B. (si-F dib. 285 tshik. 5-7)
No. 2: Dutelonome 4:1-14
No. 3: Bua tshinyi muyuki udi mu Yone 9:1, 2 kawena tshijadiki tshia se: muntu uvuaku muaba mukuabu kumpala kua kuledibuaye? (rs-F dib. 307 tshik. 3–dib. 308 tshik. 3)
No. 4: Ntshinyi tshidi ‘kuteka meji ku malu a nyuma’ kumvuija?
18 Kasuam. Dibala dia Bible: Dutelonome 7-10 Musambu wa No. 78
Ngikadilu wa bungamba-malu: Dipatula malu manene patoke (be dib. 212 tshik. 1–dib. 213 tshik. 1)
No. 1: Mua kubala matuku kumukila ku tshidimu tshia 997 K.B.B. too ne mu tshia 2370 K.B.B (si-F dib. 285-286 tshik. 8-11)
No. 2: w02 15/8 dib. 15-16 tshik. 3-6
No. 3: Ndishilangana kayi didi pankatshi pa dilongesha dia dikalaku ne muoyo muaba mukuabu kumpala kua kuledibua ne ditekemena didi mu Bible? (rs-F dib. 308 tshik. 4–dib. 309 tshik. 1)
No. 4: lMmunyi mudi Yehowa wangata batontolodi?
25 Kasuam. Dibala dia Bible: Dutelonome 11-13 Musambu wa No. 57
Ngikadilu wa bungamba-malu: Malu manene kaapitshipitshi bungi to (be dib. 213 tshik. 2–dib. 214 tshik. 5)
Diambulula dia mukana
1 Kasuab. Dibala dia Bible: Dutelonome 14-18 Musambu wa No. 26
Ngikadilu wa bungamba-malu: Mbuelelu udi ukeba bantu nyota (be dib. 215 tshik. 1–dib. 216 tshik. 5)
No. 1: Mua kubala matuku kumukila ku tshidimu tshia 2370 K.B.B. too ne mu tshia 4026 K.B.B. (si-F dib. 286-287 tshik. 12-15)
No. 2: Dutelonome 14:1-23
No. 3: aPadi muntu wamba ne: ‘Ndi ngitaba dilongesha dia se: muntu uvuaku ne muoyo muaba mukuabu kumpala kua kuledibua’ (rs-F dib. 309 tshik. 2-4)
No. 4: Bua tshinyi bena Kristo badi ne bua kulama nsombelu wabu mupepele?
8 Kasuab. Dibala dia Bible: Dutelonome 19-22 Musambu wa No. 182
Ngikadilu wa bungamba-malu: Dikoka ntema ya bantu patudi mu buambi (be dib. 217 tshik. 1-4)
No. 1: Matuku a Yezu pa buloba (si-F dib. 291 tshik. 16-17)
No. 2: Dutelonome 21:1-17
No. 3: Bua tshinyi kudi bitendelelu bia bungi? (rs-F dib. 310 tshik. 1–dib. 311 tshik. 2)
No. 4: Mmushindu kayi udi bilejilu bia mu Bible mua kutuambuluisha bua kutantamena mianda idi itekeshangana ku muoyo?
15 Kasuab. Dibala dia Bible: Dutelonome 23-27 Musambu wa No. 162
Ngikadilu wa bungamba-malu: Leja tshiena-bualu tshiebe patoke mu mbuelelu webe wa mu muyuki (be dib. 217 tshik. 5–dib. 219 tshik. 4)
No. 1: Malu a mu tshikondo tshia mudimu wa Yezu (si-F dib. 291 tshik. 18-19)
No. 2: Dutelonome 24:1-16
No. 3: Mua kumanya bantu badi ne Nzambi
No. 4: Mu bitendelelu bionso mudiku bualu kampanda buimpe anyi? (rs-F dib. 311 tshik. 3-5)
22 Kasuab. Dibala dia Bible: Dutelonome 28-31 Musambu wa No. 32
Ngikadilu wa bungamba-malu: Nkomenu mulenga (be dib. 220 tshik. 1-3)
No. 1: Dibala dia matuku mu tshikondo tshia Bapostolo (si-F dib. 291-292 tshik. 20-23)
No. 2: Dutelonome 29:1-18
No. 3: Mbibi bua kupatuka mu tshitendelelu tshia baledi betu anyi? (rs-F dib. 312 tshik. 1-3)
No. 4: Bua tshinyi bena Kristo badi ne bua kuikala badipuekeshi?
29 Kasuab. Dibala dia Bible: Dutelonome 32-34 Musambu wa No. 41
Ngikadilu wa bungamba-malu: Malu a kuvuluka (be dib. 221 tshik. 1-5)
No. 1: Luendu luibidi lua Paulo lua bu-misionere (si-F dib. 292-293 tshik. 24-25)
No. 2: w02 15/10 dib. 11 tshik. 10-13
No. 3: Mishindu itudi mua kutumbisha dîna dia Nzambi
No. 4: Ntshinyi tshidi Bible wamba bua didisangisha pamue dia bitendelelu? (rs-F dib. 325 tshik. 1-4)
6 Tshisua. Dibala dia Bible: Yoshua 1-5 Musambu wa No. 40
Ngikadilu wa bungamba-malu: Mu mudimu wa budimi (be dib. 221 tshik. 6–dib. 222 tshik. 6)
No. 1: Luendu luisatu lua Paulo lua bu-misionere ne bidimu bia ndekelu bia mudimu wende: tshidimu tshia 56 too ne tshia 100 B.B. (si-F dib. 293 tshik. 26-30)
No. 2: Yoshua 4:1-14
No. 3: Bidi ne mushinga bua kuikala mu tshitendelelu kampanda tshisunguluke anyi? (rs-F dib. 314 tshik. 1–dib. 315 tshik. 2)
No. 4: Nowele ndifesto dia bena Kristo anyi?
13 Tshisua. Dibala dia Bible: Yoshua 6-8 Musambu wa No. 213
Ngikadilu wa bungamba-malu: Diamba malu majalame (be dib. 223 tshik. 1–dib. 224 tshik. 1)
No. 1: Dilombangana luse ke mushindu muimpe wa kukeba ditalala (w02 1/11 dib. 4-7)
No. 2: Yoshua 6:10-23
No. 3: Bua tshinyi kutungunuka ne kuyisha ku nzubu ne ku nzubu?
No. 4: Kunanga muntu netu patupu nkukumbane anyi? (rs-F dib. 315 tshik. 4)
20 Tshisua. Dibala dia Bible: Yoshua 9-11 Musambu wa No. 135
Ngikadilu wa bungamba-malu: ‘Lamata dîyi didi mua kueyemenyibua’ (be dib. 224 tshik. 2-5)
No. 1: Koleshayi maboko (w02 1/12 dib. 30-31)
No. 2: w02 15/11 dib. 18-19 tshik. 19-23
No. 3: Kudia malanda a sungasunga ne Nzambi mbualu bua mushinga menemene anyi? (rs-F dib. 315 tshik. 5-6)
No. 4: bKuikala muena ditalala kudi kumvuija tshinyi?
27 Tshisua. Dibala dia Bible: Yoshua 12-15 Musambu wa No. 210
Ngikadilu wa bungamba-malu: Mua kukeba bujalame bua malu (be dib. 225 tshik. 1-3)
Diambulula dia mukana
[Mêyi adi kuinshi]
a Wa kupesha anu bana betu ba balume.
b Wa kupesha anu bana betu ba balume.
c Wa kupesha anu bana betu ba balume.
d Wa kupesha anu bana betu ba balume.
e Padiku dîba, mulongi andamune nkonko idibu bamuela kudi udibu bayikila nende, kujikija malu atu akosesha diyuki ne malu makuabu atu atamba kujuka mu buambi mu teritware.
f Padiku dîba, mulongi andamune nkonko idibu bamuela kudi udibu bayikila nende, kujikija malu atu akosesha diyuki ne malu makuabu atu atamba kujuka mu buambi mu teritware.
g Wa kupesha anu bana betu ba balume.
h Wa kupesha anu bana betu ba balume.
i Wa kupesha anu bana betu ba balume.
j Wa kupesha anu bana betu ba balume.
k Padiku dîba, mulongi andamune nkonko idibu bamuela kudi udibu bayikila nende, kujikija malu atu akosesha diyuki ne malu makuabu atu atamba kujuka mu buambi mu teritware.
l Wa kupesha anu bana betu ba balume.
a Padiku dîba, mulongi andamune nkonko idibu bamuela kudi udibu bayikila nende, kujikija malu atu akosesha diyuki ne malu makuabu atu atamba kujuka mu buambi mu teritware.
b Wa kupesha anu bana betu ba balume.