Mushindu wa kufila bibejibeji

(Nuangate bia Mfualansa bikala bia Tshiluba kabiyiku)

Tshibumba tshia Nsentedi 15 Tshisa.

“Bamue bantu batu bela meji ne: bualu buonso budi mua kubafikila mu nsombelu wabu, nansha ntatu, ndisua dia Nzambi. Utuku ukadi muele meji pa bualu ebu? [Lekela muntu andamune.] Bantu ba bungi mbamanye disambila edi. [Bala Matayo 6:10b.] Ntshinyi tshidi Nzambi musue bua tshienzeke pa buloba, ne ndîba kayi dienzekatshi menemene? Tshibejibeji etshi tshidi tshiandamuna lukonko elu ku diambuluisha dia Bible.”

Réveillez-vous! 22 Avril

“Bamue bantu lelu batu badimona kabayi ne ditekemena dia bualu buimpe nansha bumue to. Utuku udiumvua pebe nanku minga misangu anyi? [Lekela muntu andamune. Pashishe bala Lomo 15:4.] Bantu ba bungi batu bamanye mushinga wa kuikala ne ditekemena. Neusanke pawakonkonona malu muanda-mutekete a mu Bible adi afila ditekemena. Mbaaleje mu Réveillez-vous! eu.”

Tshibumba tshia Nsentedi 1 Lum.

“Bamue bamfumu ba bitendelelu mbabuele mu malu a tshididi ne tshipatshila tshia kuakaja nsombelu wa bantu. Kadi, tangila tshiakenza Yezu pakasua bantu kumuteka mukalenge ku bukole. [Bala Yone 6:15.] Yezu wakatuishila meji ende pa tshintu kampanda tshivua ne bua kutuadila bantu masanka a tshiendelele. Tshibejibeji etshi tshidi tshiakula bua tshintu atshi.”

Réveillez-vous! 8 Mai

“Bantu ba bungi batu bapeta ntatu ku mudimu. Bamue batu nansha babakengesha kudi bena mudimu nabu. Udiku mumanye ne: mu Bible mudi mibelu idi mua kutuambuluisha bua kumona mua kupita ne ntatu ya mushindu eu anyi? [Lekela muntu andamune. Pashishe bala Nsumuinu 15:1.] Tshibejibeji etshi tshidi tshifila ngenyi mimpe pa mushindu wa kulama ditalala ne bakuabu ku mudimu.”