Ndongamu wa Bisangilu bia Mudimu

Lumingu lua dia 11 Kasuamansense

Musambu 219

Min. 10: Mamanyisha a mu tshisumbu ne makuabu makumbanyine a mu Mudimu wetu wa Bukalenge. Kankamija bantu bonso bua kuenza mudimu ne nkonko idi mu dibeji dia 1 bua kubalulula malu avuabu bafunde mu Mpungilu wa Distrike wa “Tuendayi ne Nzambi” bua kudilongolola ku Tshisangilu tshia Mudimu tshia lumingu ludi lulonda. Ku diambuluisha dia ngenyi idi mu dibeji dia 8 (bikalayi mikumbane bua muaba unudi) enzayi manaya a tshilejilu abidi pa mushindu wa kufila Tshibumba tshia Nsentedi tshia dia 15 Kasuamansense ne Réveillez-vous! wa dia 22 Kasuamansense. Kankamija bamanyishi bua kubala mvese umue mu dileja diabu. Nudi nansha mua kuenza mudimu ne ngenyi mikuabu idi mikumbane bua kubifila.

Min. 15: Tudi tupeta disanka patudi tuambuluisha bakuabu. (Yone 4:34) Diela bantu nkonko. Bitu bienza disanka bua kumona muntu upeta musangelu padiye ulonga bulelela budi mu Dîyi dia Nzambi. (w94 1/3 dib. 29 tshik. 6-7) Ela bamanyishi babidi anyi basatu nkonko nansha bampanda-njila badi bamanye mua kuenza mudimu bimpe ne Bible mu buambi ne kabidi badi bapiluke mu dituadija dilonga Bible ne bantu. Mmunyi mudibu bakolesha dijinga dia kumanya bia bungi divua muntu muleje? Ndisanka kayi didibu bapeta padibu benza nanku? Ubalombe bua balonde malu avuabu badimuene mu buambi anyi baenze mu dinaya dia baleja muvuawu menzeke.

Min. 20: “Kampanye ka pa buaku bua kuabanya broshire mupiamupia.”a Tshienzabu kudi mutangidi wa mudimu. Wenzeje manaya a tshilejilu ne ngenyi mifila. Mu dinaya dimue, muntu udibu bakatangila udi uleja anu dijinga dikese dia kumanya malu a mu Bible adibu bamuambila ne badi bamupesha trakte pamutu pa broshire.

Musambu 69 ne disambila dia nkomenu.

Lumingu lua dia 18 Kasuamansense

Musambu 127

Min.  5: Mamanyisha a mu tshisumbu. Leja mu tshikoso malu adibu balongolole mu tshisumbu bua kampanye aka ka pa buaku ka diabanya broshire mupiamupia.

Min. 40: “Mpungilu wa distrike udi utusaka bua kuenda ne Nzambi.” Tshienzabu kudi mukulu. Panyima pa mbuelelu wa munite umue anyi sekonde mikese, ulombole diyukidilangana ne bateleji dimanyine pa programe wa mpungilu pa kuenza mudimu ne nkonko idi mu tshiena-bualu. Wabanye dîba bimpe bua kumona mua kukonkonona nkonko yonso, pamu’apa udi mua kuitaba anu diandamuna dimue ku imue nkonko. Bua dîba, kakuena mushindu wa kubala mvese yonso idi mitela to, ne mine mvese eyi mmifila anu bua kuambuluisha bua kupeta mandamuna. Utambe kuimanyina pa masanka adi muntu mua kupeta padiye utumikila malu avuaye muteleje.

Musambu 165 ne disambila dia nkomenu.

Lumingu lua dia 25 Kasuamansense

Musambu 56

Min. 10: Mamanyisha a mu tshisumbu. Luapolo lua konte. Ulongolole dinaya dimue didi dileja mushindu wa difila broshire mupiamupia udi mupatule bipeta bilenga mu teritware wenu. Bikalaku dîba, londaku amue malu mapeta mu kampanye ka pa buaku aka.

Min. 15: Majinga a tshisumbu

Min. 20: Fila bijadiki bidi bitua Dîyi dia Nzambi nyama ku mikolo. Diyukidilangana ne bateleji dimanyine pa mukanda wa Kalasa ka mudimu dibeji dia 256-257. Mmunyi mutudi mua kuenza mudimu ne bijadiki bidi kabiyi bia mu Bible bua kufikisha bantu ku dimona se: malu adi mu Mifundu adi makumbane menemene? Lomba bateleji bua bakuile pa nkonko idi ilonda eyi: Mbilejilu kayi bia mu bintu bidi pa buloba ne mu tshibuashibuashi bitudi mua kutela bua kuleja ne: Mufuki udiku? (rs-F dib. 73-74) Mmunyi mutudi mua kuenza mudimu ne malu mamba kudi bamanyi bapiluke bua kuambuluisha bakuabu bua bafike ku dimona se: Bible n’Dîyi dia Nzambi bushuwa? (rs-F dib. 55-57) Ntshilejilu kayi anyi ndifuanyikija dia malu kayi ditudi mua kuenza nadi mudimu bua kuleja bantu netu tshidi Nzambi mulekele malu mabi? (rs-F dib. 239) Mbilejilu kayi biutu wenza nabi mudimu bua kuambuluisha bantu bakuabu bua bafike ku dimona se: mbia meji bua kutumikila mibelu ya mu Bible?

Musambu 62 ne disambila dia nkomenu.

Lumingu lua dia 1 Kasuabanga

Musambu 15

Min. 10: Mamanyisha a mu tshisumbu. Vuluija bamanyishi bua kufila luapolo lua mudimu.

Min. 20: Mushindu wa kuambuluisha bantu badi bakula miakulu mienyi. Muyuki ne diyukidilangana ne bateleji dimanyine pa mêyi a mbangilu a broshire wa Lumu luimpe bua bantu ba mu bisamba bionso. Leja malu a pa buawu a mu broshire eu mupiamupia. Leja malu asatu atudi mua kuenza bua kuambuluisha bantu badi bakula muakulu utudi katuyi bamanye. Usakidilaku kabidi ngenyi idi mu Mudimu wetu wa Bukalenge wa Kashipu 2003 mu dibeji 4. Leja ne: tudi anu ne bua kuuja formilere wa Veuillez suivre l’intérêt (S-43) nansha padi muntu kayi muleje dijinga dia kumanya bia bungi. Ulongolole dinaya didi dileja mushindu wa kuenza mudimu ne broshire eu mupiamupia.

Min. 15: Malu mamona mu tshisumbu. Ukonke bena mu tshisumbu bua balonde malu adibu bamone mu kampanye aka ka pa buaku ka diabanya dia broshire mupiamupia. Ulongolole kumpala kua dîba manaya bua kuleja malu mimpe anu muvuawu menzeke tshikondo tshia kampanye aka. Bikala stoke wa mu tshisumbu mukepele, lomba bua bamanyishi bapingaje broshire idibu nayi ya pa mutu kudi mulami wa mikanda.

Musambu 175 ne disambila dia nkomenu.

[Mêyi adi kuinshi]