Ndongamu wa Bisangilu bia Mudimu

Lumingu lua dia 14 Luabanya

Musambu 132

Min. 10: Mamanyisha a mu tshisumbu ne makuabu makanyine a mu Mudimu wetu wa Bukalenge. Ku diambuluisha dia ngenyi idi mu dibeji 6 (bikalayi miakanyine teritware wenu) longolola manaya a bilejilu abidi pa mushindu wa kufila Tshibumba tshia Nsentedi tshia dia 15 Luabanya ne Réveillez-vous! wa dia 22 Luabanya. Nudi mua kuenza mudimu ne ngenyi mikuabu idi miakanyine. Mu dinaya dimue, nuleje mushindu wa kupinganyina muntu utubu bashila bibejibeji pa tshibidilu. Ku ndekelu kua dinaya, vuluija muntu bua kubuela mu Tshivulukilu ku diambuluisha dia malu adi mu dibeji dia ndekelu dia Tshibumba tshia Nsentedi tshia dia 15 Luabanya.

Min. 20: “Bua atambe kushindamena pa Bible!”a

Min. 15: Diambuluisha bua kutukolesha. Muyuki ne diyukidilangana ne bantu dimanyine pa Annuaire. Leja malu manene a mu “Mukanda wa kudi Kasumbu Kaludiki,” bishiferi binene bia mu luapolo lua buloba bujima, ne ndambu wa malu adi akolesha ditabuja adimu. Ambila bantu bonso bua kubalabu Annuaire yonso nkong mu bule bua tshidimu tshijima. Bikalaku dîba, nuyukidilangane ne bateleji pa Annuaire 2004 bikala wa 2005 kayi muanji kufika. Kuelangana meji a malu mimpe adi Yehowa muenze mu tshikondo tshietu etshi kudi kutusemeja kudiye ne kudi bana betu ba pa buloba bujima. (Mus. 77:12-14) Kudi kutukolesha bua kukandamena Diabolo ‘bajalame mu ditabuja.’ (1 Pet. 5:8, 9) Kudi kuambuluisha kabidi bantu bapiabapia bua kumanya menemene bulongolodi bua Yehowa ne kubuanyisha. Lomba bateleji bua kulondabu malu adibu banyishe padibu babala Annuaire 2004 bikala wa 2005 kayi muanji kulua. Longolola kumpala kua dîba bua muntu umue anyi babidi baleje mushindu udibu balongolole programe wabu wa dibala dia Annuaire eu.

Musambu 137 ne disambila dia nkomenu.

Lumingu lua dia 21 Luabanya

Musambu 140

Min. 10: Mamanyisha a mu tshisumbu.

Min. 15: “Tulombolayi malonga a Bible mimpe: Tshitupa tshia 7.”b Paudi ulongolola tshitupa etshi, tangila Tshibumba tshia Nsentedi tshia dia 15 Kashipu 2002 dibeji dia 27 tshikoso 5-6.

Min. 20: Armagedone ntshinyi? Mbuelelu webe kapitshi pa munite mujima to, pashishe nubange kuyukidilangana mu nkonko ne mandamuna pa mukanda wa Comment raisonner dibeji dia 181-186. Lomba bateleji bua bandamune nkonko idi mifunda mu maleta mafikisha bikole, benze mudimu ne mvese idi mêyi ayi matela ne idi mêyi ayi kaayi matela. Leja mushindu wa kuenza mudimu ne ngenyi eyi mu mudimu wa buambi.

Musambu 109 ne disambila dia nkomenu.

Lumingu lua dia 28 Luabanya

Musambu 144

Min. 10: Mamanyisha a mu tshisumbu. Bala luapolo lua konte ne mukanda wa dinuela tuasakidila unudi bapete bua mapa enu. Ukankamije bantu bonso bua babikile bantu balue kuteleja muyuki wa pa buawu mu dia 10 ngondo muinayi. Leja mikanda ituafila mu ngondo muinayi ne muitanu.

Min. 15: Majinga a tshisumbu.

Min. 20: Tufile Tshibumba tshia Nsentedi ne Réveillez-vous! Wambulule ngenyi ya mua kufila bibejibeji idi mu Mudimu wetu wa Bukalenge wa Luishi 2005 dibeji dia 8. Akula kabidi bua ngenyi minene ya kuenza nayi mudimu idi mu bibejibeji bia matuku adi panshi aa. Ku diambuluisha dia ngenyi idi mu dibeji 6 (bikalayi mikumbanyine teritware wenu), enzeja dinaya dia tshilejilu pa mushindu wa kufila Tshibumba tshia Nsentedi tshia dia 1 Tshisanga ne Réveillez-vous! wa dia 8 Tshisanga. Udi kabidi mua kuenzeja dinaya ne ngenyi mikuabu idi miakanyine. Mu dinaya dionso, bumvuije kudi kufumina makuta adi akuatshisha mudimu wetu wa diyisha pa buloba bujima.​—Tangila Tshibumba tshia Nsentedi mu dib. 2, anyi Réveillez-vous! mu dib. 5.

Musambu 116 ne disambila dia nkomenu.

Lumingu lua dia 4 Tshisanga

Musambu 119

Min. 5: Mamanyisha a mu tshisumbu.

Min. 15: Nuikale ne dinanga munkatshi muenu. (Yone 13:35) Muyuki wenzabu kudi mukulu muangatshila mu Tshibumba tshia Nsentedi tshia dia 1 Luishi 2003, dibeji dia 15-18, tshikoso tshia 10-21. Anu bu muvuabu baleje bua mikanda ituafila mu ngondo muinayi ne muitanu, badi batulomba bua kutuadija malonga a Bible ne bantu bakadi balonge mukanda wa Dimanya anyi broshire wa Utulomba. Leja mushindu udi bamanyishi mua kueleshangana diboko ne bakulu bua kuambuluisha bantu badi batekete.

Min. 25: “Bande wa video udi ne malu adi ne mushinga bua bikondo bionso.” Bala Musambu 91:2 ne 31:14, ne ufile anu mumvuija makese pa mvese yonso. Pashishe utuadije diakamue diyukidilangana ne bateleji pa nkonko idi milongolola bua bande wa video wa David, wenze mudimu ne nkonko yonso idi mu tshikoso tshibidi ne tshisatu. Bu mudi bande eu kayi muanji kufika bua mpindieu, nuenze mudimu ne mvese mifila bua kuandamuna nkonko. Bua kujikija, bala Musambu 56:11.

Musambu 36 ne disambila dia nkomenu.

[Mêyi adi kuinshi]