Ndongamu wa Bisangilu bia Mudimu
Lumingu lua dia 9 Lumungulu
Musambu 217
Min. 10: Mamanyisha a mu tshisumbu ne makuabu makanyine a mu Mudimu wetu wa Bukalenge. Nuangate ngenyi idi mu dibeji dia 8 (bikalayi miakanyine muaba unudi) nuenze nayi manaya a tshilejilu a mushindu wa kufila Tshibumba tshia Nsentedi tshia dia 15 Lumungulu ne Réveillez-vous! wa dia 22 Lumungulu. Nudi nansha mua kuenza mudimu ne ngenyi mikuabu idi miakanyine. Mu dinaya dikuabu, nuleje mushindu wa kufila bibejibeji padi mpunga umueneka panudi mu mashinyi ne bantu.
Min. 15: Enza mudimu ne Dîyi dia Nzambi bua kulenga mutshima. Muyuki muangatshila mu Tshibumba tshia Nsentedi tshia dia 1 Luishi 2005, dibeji dia 28-31. Umvuija mushindu uvua Yezu muenze mudimu ne Mifundu Minsantu bua kuambuluisha Petelo. Leja mushindu utudi mua kulonda tshilejilu tshia Yezu patudi basue kuakaja meji adi nawu bana betu, adi nawu balongi betu ba Bible anyi atudi nawu tuetu bine.
Min. 20: “Enza programe muimpe bua dîku dienu.” Mu mêyi ebe a ntuadijilu mamba mu minite mishadile ku ibidi, leja mushinga udi nawu programe mufunda pa dibeji, umvuije mua kuuja programe udi munda mutupu udi mu dibeji 6. Pashishe utungunuke mu nkonko ne mandamuna pa tshiena-bualu tshia “Programe wa dîku bua bisangilu bia tshisumbu.” Lomba bateleji bua bumvuije mutubu benza bua kubenga kuteka midimu mikuabu dîba dimue ne dia bisangilu bia tshisumbu. Netukonkonone bitupa bikuabu bia programe wa dîku mu mbingu idi ilonda.
Musambu 176 ne disambila dia nkomenu.
Lumingu lua dia 16 Lumungulu
Musambu 201
Min. 10: Mamanyisha a mu tshisumbu.
Min. 15: “Programe wa dîku bua kuyisha pamue ne bena mu dîku.”a Lomba bateleji bua baleje masanka atubu bapeta mu diyisha pa tshibidilu ne bena mu dîku.
Min. 20: “Tulombolayi malonga a Bible mimpe: Tshitupa tshia 9.”b Panudi nufika mu tshikoso 2, umvuije bualu bumue anyi abidi a mu Mudimu wetu wa Bukalenge wa Tshisua-munene 2004, dibeji dia 8. Enzejamu dinaya dia tshilejilu dîpi dia balongesha muntu Bible. Kunyima kua bamane kujikija dilongesha 2 mu broshire wa Utulomba, mulombodi wa dilonga udi webeja mulongi ne: “Mmushindu kayi uudi mua kuambila mulunda webe dîna dia Nzambi?” Mulongi udi umvuija mudiye mua kuenza mudimu ne Musambu 83:18, pashishe mulombodi wa dilonga udi umuela kalumbandi.
Musambu 134 ne disambila dia nkomenu.
Lumingu lua dia 23 Lumungulu
Musambu 194
Min. 12: Mamanyisha a mu tshisumbu. Luapolo lua konte ne dibala dia mukanda mufumine ku biro bietu bua kutuela tuasakidila bua mapa atuvua batume. Nuangate ngenyi idi mu dibeji dia 8 (pikalayi miakanyine muaba unudi) nuenze nayi manaya a tshilejilu a mushindu wa kufila Tshibumba tshia Nsentedi tshia dia 1 Kabalashipu ne Réveillez-vous! wa dia 8 Kabalashipu. Nudi nansha mua kuenza mudimu ne ngenyi mikuabu idi miakanyine.
Min. 18: “Dituku dia Yehowa dikadi pabuipi.”c Panudi nulongolola tshitupa etshi, nutangile mukanda wa Mulayi wa Danyele, dibeji dia 59, tshikoso tshia 28.
Min. 15: “Programe wa dîku bua dilonga dia mu dîku.”d Dianjila kulongolola bua muntu umue anyi babidi bumvuije mutubu benza programe wabu wa dilonga dia mu dîku ne mushindu utubu badienzeja pa tshibidilu bua kumukumbaja.
Musambu 152 ne disambila dia nkomenu.
Lumingu lua dia 30 Lumungulu
Musambu 190
Min. 10: Mamanyisha a mu tshisumbu. Vuluija bamanyishi bua kufila luapolo luabu lua mudimu lua ngondo muitanu. Manyisha mikanda ituafila mu ngondo muisambombo. Nuenze dinaya dia tshilejilu dia mua kufila mikanda eyi diumvuangane ne mushindu umue peshi ibidi ya mua kuyifila idi mu tshisakidila tshia Mudimu wetu wa Bukalenge wa Tshiongo 2005 (pikalayi miakanyine muaba unudi). Nudi nansha mua kuenza mudimu ne ngenyi mikuabu idi miakanyine.
Min. 20: “Programe wa dîku bua dikonkonona dia mvese wa ku dituku.”e Lomba bateleji bua bumvuije mudi dikonkonona pamue dia mvese wa ku dituku diambuluishe mêku abu; ne mprograme wa mushindu kayi udibu bamone bobu muimpe?
Min. 15: Londa malu anyi uenzeje mu dinaya dia baenza anu muvuawu menzeke mu mudimu wa buambi mu ngondo muisatu, muinayi ne muitanu. Dianjila kulongolola bua muntu umue anyi babidi bakule bua muvuabu badienzeje bua kuvudija mudimu wabu mu tshikondo tshia Tshivulukilu ne masanka avuabu bapete.
Musambu 115 ne disambila dia nkomenu.
Lumingu lua dia 6 Kabalashipu
Musambu 155
Min. 10: Mamanyisha a mu tshisumbu.
Min. 15: Dimukila bilele bidi kabiyi bisankisha Nzambi. Diyukidilangana ne bateleji dienzabu kudi mukulu, diangatshila mu Tshibumba tshia Nsentedi tshia dia 1 Tshiongo 2005, dibeji dia 27-30.
Min. 20: “Ikala ushila bantu bibejibeji pa tshibidilu bua kukolesha dijinga diabu dia kumanya bivule.”f Panudi nufika mu tshikoso 3, koka ntema ya bantu ku mukanda wa Comment raisonner, dibeji dia 336-341. Malu aa nga kuenza nawu mudimu bua kulongolola tu-miyuki tua babadila muntu anu mvese umue padibu bayukila nende pa tshialua Bukalenge bua Nzambi kukumbaja. Enzejamu dinaya dia tshilejilu dia mushindu udi mumanyishi mua kuyukila ne muntu utuye ushila bibejibeji pa tshibidilu umubadila anu mvese umue. Mumanyishi eu udi ne bua kumvuija mvese eu ne kumufidila tshilejilu tshia mua kumutumikila bua kuambuluisha muntu bua amumvue bimpe ne amone mushinga wa mvese eu mu nsombelu wende.
Musambu 107 ne disambila dia nkomenu.
[Mêyi adi kuinshi]
a Mbuelelu webe kapitshi pa munite mujima to, pashishe utungunuke mu nkonko ne mandamuna.
b Mbuelelu webe kapitshi pa munite mujima to, pashishe utungunuke mu nkonko ne mandamuna.
c Mbuelelu webe kapitshi pa munite mujima to, pashishe utungunuke mu nkonko ne mandamuna.
d Mbuelelu webe kapitshi pa munite mujima to, pashishe utungunuke mu nkonko ne mandamuna.
e Mbuelelu webe kapitshi pa munite mujima to, pashishe utungunuke mu nkonko ne mandamuna.
f Mbuelelu webe kapitshi pa munite mujima to, pashishe utungunuke mu nkonko ne mandamuna.