Mushindu wa kufila bibejibeji

(Nuangate bia Mfualansa bikala bia Tshiluba kabiyiku)

Tshibumba tshia Nsentedi 15 Lum.

“Udi wela meji ne: dimue dituku netumonaku bupele kabutshiyiku kabidi pa buloba apa anyi? [Lekela muntu andamune.] Mona tshidi Nzambi mulaye. [Bala Yeshaya 65:21.] Tshibumba tshia Nsentedi etshi tshidi tshileja mushindu wikale mulayi eu mua kukumbana.” Umvuanganayi nende dituku diudi mua kualukila bua kuandamuna lukonko elu: Ndîba kayi diakumbana bualu ebu?

Réveillez-vous! 22 Lum.

“Bantu ba bungi mbamanye ne: dibidija mubidi didi diambuluisha bikole bua kuikala ne makanda a mubidi mimpe, kadi bantu ba bungi mbamanye bimpe ne: kabatu bibidija mubidi wabu bu mudibi bikengela to. Mbulelela anyi? [Lekela muntu andamune.] Tshibejibeji etshi tshidi tshiakula bua mushinga udi nawu tshibidilu tshia dibidija mubidi ne tshidi kabidi tshileja imue mishindu ya kuibidija mubidi nansha tuetu bikale ne malu a bungi a kuenza.”

Tshibumba tshia Nsentedi 1 Kab.

“Nansha mudi bantu ba bungi bakula anu bua ditalala, buobumue bua buloba bujima ki mbuanji kubuela mu bantu to. Udi wela meji ne: ebu mbualu buikale kabuyi mua kuenzeka anyi? [Lekela muntu andamune.] Tshibejibeji etshi tshidi tshiakula bua mbulamatadi udi mukumbane bua kufila buobumue pa buloba bujima.” Bala Musambu 72:7, 8, ne umvuanganayi nende dituku diudi mua kualukila bua kulua kumuleja muikale bualu ebu mua kukumbana.

Réveillez-vous! 8 Kab.

“Udiku mumone ne: bantu ba bungi badi bumvua bibatonda bikole bua mudi disama dia kansere ka mu dikoba dienda divulangana mu bantu anyi? [Lekela muntu andamune.] Tshibejibeji tshia Réveillez-vous! etshi tshidi tshileja bua tshinyi tudi mu njiwu mikole lelu eu ne tshitudi mua kuenza bua kudikuba.” Jikija ne mêyi aa adi akolesha ku muoyo adi mu Yobo 33:25.