Ndongamu wa Bisangilu bia Mudimu

Lumingu lua dia 13 Kabalashipu

Musambu 198

Min. 10: Mamanyisha a mu tshisumbu ne makuabu makanyine a mu Mudimu wetu wa Bukalenge. Enza mudimu ne ngenyi idi mu dibeji dia 8 (pikalayi miakanyine muaba unudi) ne leja mushindu wa kufila Tshibumba tshia Nsentedi tshia dia 15 Kabalashipu ne Réveillez-vous! wa dia 22 Kabalashipu. Nudi mua kuenza mudimu ne ngenyi mikuabu idi miakanyine. Mu dimue dia ku manaya, leja mua kufila bibejibeji padi mpunga umueneka.

Min. 15: Tuambuluishayi bakuabu bua balue bamanyishi badi kabayi banji kutambula. Muyuki ne diyukidilangana ne bateleji, kudi mukulu mushindamene mu mukanda wa Bulongolodi budi buenza disua dia Yehowa, dibeji dia 79-81. Nukonkonone mushindu udibu balongolole malu bua kumanya bikala mulongi wa Bible mukumbaje malu malomba mu Mifundu misantu bua kutuadija kuyisha ne bena mu tshisumbu. Mu lumingu lualonda netukonkonone mushindu utudi mua kuambuluisha balongi ba Bible bakadi bamanyishi badi kabayi banji kutambula bua kutuadijabu kuyisha ku nzubu ne ku nzubu.

Min. 20: “Mmunyi mutu Bantemu ba Yehowa bangata masungulangana?” Muyuki ne diyukidilangana ne bateleji, kudi mukulu mushindamene mu tshisakidila. (Tangila kabidi Tshibumba tshia Nsentedi tshia dia 1 Kasuabanga 1999, dibeji dia 28-29.) Ambuluisha bateleji bua bajingulule mêyi atanu a mu Mifundu adibu batele mu tshiena-bualu etshi.

Musambu 149 ne disambila dia nkomenu.

Lumingu lua dia 20 Kabalashipu

Musambu 206

Min. 10: Mamanyisha a mu tshisumbu. Konkonona malu manene adi mu Mudimu wetu wa Bukalenge wa Kashipu 2003, dibeji 4. Umvuija mushindu udi bamanyishi mua kupeta mikanda ya mu muakulu muenyi. Nuleje mushindu unudi mua kuenza mu teritware wenu. Bua muntu yonso kupeta mukanda anyi mikanda ya mu miakulu mienyi ne lukasa, udi ne bua kumonangana ne muanetu udi utangila malu a mikanda bua kuyilombeshaye.

Min. 15: Dîyi dia Nzambi didi ne bukole menemene. (Eb. 4:12) Muyuki muangatshila mu Tshibumba tshia Nsentedi tshia dia 15 Kasuabanga 2003, dibeji dia 11, tshikoso tshia 13-17. Londa malu adi aleja mudi dilonga Bible dikale disaka bantu bua kushintulula nsombelu wabu. (w00 1/1 dib. 3-5) Kankamija bantu bonso bua kuenza mudimu bimpe ne Bible mu buambi bua mishindu yonso.

Min. 20: “Tulombolayi malonga a Bible mimpe: Tshitupa tshia 10.”a Enzayi dinaya dia tshilejilu didi dileja mudi mulongi wa Bible udibidija bua kumona mua kuyisha bimpe. Padi mulongi wenda udibidija ne mushindu kampanda wa kuyukila ne muntu, mulombodi wa dilonga udi wangata muaba wa muntu udibu bayisha ne ujula lukonko lutu bantu batamba kujula mu teritware bu tshipumbishi bua kukosesha diyuki, ne padi mulongi upeta tshia kuamba udi umumvuija muikalaye mua kuenza. Longololayi kumpala kua dîba bua muanetu umue anyi babidi bumvuije mushindu uvuabu babaleje tshia kuenza pavuabu batuadije kupatuka mu buambi bua ku nzubu ne ku nzubu.

Musambu 208 ne disambila dia nkomenu.

Lumingu lua dia 27 Kabalashipu

Musambu 113

Min. 10: Mamanyisha a mu tshisumbu. Vuluija bamanyishi bua kufila luapolo luabu lua mudimu lua ngondo muisambombo. Fila luapolo lua konte ne bala mukanda wa dianyisha bua mapa wa kudi biro bietu. Enza mudimu ne ngenyi idi mu dibeji dia 8 (pikalayi miakanyine teritware wenu), leja mushindu wa kufila Tshibumba tshia Nsentedi tshia dia 1 Kashipu anyi Réveillez-vous! wa dia 8 Kashipu. Nudi mua kuenza mudimu ne ngenyi mikuabu idi miakanyine. Kunyima kua dinaya dia tshilejilu, ambulula mêyi a mbuelelu avuabu benze nawu mudimu bua kusaka muntu ku dijinga dia kumanya bia bungi.

Min. 15: “Kuyisha kudi kutuambuluisha bua kunanukila.”b Pikalaku dîba, lomba bateleji bua kumvuija mvese mifila.

Min. 20: Tufilayi broshire mu Kashipu ne mu Tshimungu: Tshitupa tshia 1. Muyuki ne diyukidilangana ne bateleji bishindamene pa malu adi mu tshisakidila. Umvuija mu tshikoso mua kuenza mudimu ne tshisakidila etshi, akula bua malu adi mu kazubu kadi mu dibeji 3 ne a mu Mudimu wetu wa Bukalenge wa Tshiongo 2005, dibeji dia 8. Umvuija ngenyi idi miakanyine teritware wenu ya mua kufila broshire musangu wa kumpala unudi nupetangana ne muntu. Nulongolole manaya a tshilejilu abidi anyi asatu. Mumanyishi utshidi nsonga enze dinaya dia tshilejilu dimue ku manaya aa.

Musambu 196 ne disambila dia nkomenu.

Lumingu lua dia 4 Kashipu

Musambu 70

Min. 10: Mamanyisha a mu tshisumbu. Mandamuna ku nkonko yenu.

Min. 15: Nudiku batungunuke ne kupeta masanka bua programe wenu wa mu dîku anyi? Konkonona ngenyi ya mu tshisakidila tshia Mudimu wetu wa Bukalenge wa Lumungulu 2005 ne lomba beteleji bua baleje mudibu baditatshishe bua kutumikila ngenyi eyi ne masanka adibu bapete mu diyitumikila.

Min. 20: “Mua kuyisha bimpe miaba itu bantu ba bungi.”c Enza mudimu eu bilondeshile muaba unudi basombele. Vuluija bamanyishi bua benze mudimu ne formilere wa Intérêt à suivre dans une langue étrangère (S-70a) koku mushindu.​—Tangila Mudimu wetu wa Bukalenge wa Luishi 2005, dib. 6.

Musambu 120 ne disambila dia nkomenu.

[Mêyi adi kuinshi]