Ndongamu wa Bisangilu bia Mudimu
DIMANYISHA: Ngondo umue anyi ibidi kunyima kua tshisumbu tshimane kubuela mu Mpungilu wa Distrike wa “Tutumikilayi Nzambi,” nuangate minite 15 anyi 20 mu Tshisangilu tshia Mudimu (pamuapa muaba wa majinga a tshisumbu) bua kuambulula malu anuvua balonge mu mpungilu eu adi bamanyishi bamone ne: adi mua kubambuluisha mu mudimu wa buambi. Tshitupa tshia pa buatshi etshi tshia Tshisangilu tshia Mudimu netshitupeshe mushindu wa kumvuija mutudi tutumikila bituvua balonge mu mpungilu ne mudibi bituambuluishe bikole bua kulengeja mudimu wetu wa kuyisha.—Bala Mudimu wetu wa Bukalenge wa Tshisanga 2005, dib. 2.
Lumingu lua dia 8 Tshimungu
Musambu 125
Min. 10: Mamanyisha a mu tshisumbu ne makuabu makumbanyine a mu Mudimu wetu wa Bukalenge. Uvuluije bantu matuku enzeka mpuilu wa tshijengu ne wa pa buende bua tshidimu tshia mudimu tshia 2006 bikalawu akadi mamanyike.
Min. 10: “Utu wenza mudimu ne tubeji tua dibikilangana natu anyi?” Muyuki ne diyukidilangana ne bateleji. Lomba bateleji bua baleje bipeta bimpe bidibu bapete mu dienza mudimu ne tubeji tua dibikilangana natu. Enzeja dinaya dikese didi mumanyishi ubikila muntu udi musankidile bulelela mu bisangilu ku diambuluisha dia kabeji ka dibikilangana naku.
Min. 25: “Mpindieu ke tshikondo tshia kuyisha!”a Udianjile kudilongolola bua umue anyi babidi ba ku bampanda-njila ba pa tshibidilu baleje malu adibu bashintulule mu nsombelu wabu bua kuikala bampanda-njila ne masanka adibu bapete.
Musambu 197 ne disambila dia nkomenu.
Lumingu lua dia 15 Tshimungu
Musambu 11
Min. 10: Mamanyisha a mu tshisumbu. Londa ngenyi idi mu dibeji dia 8 (bikalayi miakanyine teritware wenu) bua kuenza manaya a mushindu wa kufila Tshibumba tshia Nsentedi tshia dia 15 Tshimungu ne Réveillez-vous! wa dia 22 Tshimungu. Mukulu ne mumanyishi udi mua kuikala ne disama benze dinaya dia bayisha ku telefone.
Min. 15: Udi muvuluke anyi? Diyukidilangana ne bateleji dishindamene pa Tshibumba tshia Nsentedi tshia dia 15 Tshisanga 2005, dibeji dia 30. Lomba bateleji bua kuandamuna nkonko yonso. Leja malu atuambuluisha mu nsombelu wetu. Kankamija bantu bonso bua kubala bimpe nimero yonso wa Tshibumba tshia Nsentedi ne wa Réveillez-vous!
Min. 20: “Mua kutuadija malonga a Bible bimanyine kulukulu ne ku telefone.”b Enzeja dinaya dimue dîpi dileja mutudi mua kutuadija kulonga Bible ne muntu musangu wa kumpala utudi tupetangana nende, tuenza mudimu amu ne tshikoso tshimue anyi bibidi mu broshire wa Utulomba. Londa bualu buimpe bumue anyi abidi adi akula bua dituadija kulonga ne bantu ku telefone.
Musambu 30 ne disambila dia nkomenu.
Lumingu lua dia 22 Tshimungu
Musambu 161
Min. 10: Mamanyisha a mu tshisumbu. Fila luapolo lua konte ne ela bana betu tuasakidila bua mapa.
Min. 15: Majinga a tshisumbu.
Min. 20: “Kuyisha Bukalenge ndiakalenga dinene.”c Panudi nukonkonona tshikoso 4, wakule bua ndongoluelu wa pa buende udibu balongolole bua badi batata bikole bua bukulakaje anyi bua disama bua kuikalabu bafila luapolo lua mudimu wa buambi lua minite 15.—Bala Mudimu wetu wa Bukalenge wa Kasuamansense 2002, dib. 8, tshik. 6.
Musambu 204 ne disambila dia nkomenu.
Lumingu lua dia 29 Tshimungu
Musambu 45
Min. 10: Mamanyisha a mu tshisumbu. Vuluija bamanyishi bua kufila luapolo lua mudimu bua Tshimungu. Bilondeshile ngenyi idi mu dibeji dia 8 (bikalayi ikumbanyina teritware wenu), wenzeje manaya adi aleja mushindu wa kufila Tshibumba tshia Nsentedi tshia dia 1 Kabitende ne Réveillez-vous! wa dia 8 Kabitende. Dimue dia ku manaya aa dileje mua kupinganyina muntu utu wangata bibejibeji.
Min. 15: “Tuyishayi katuyi tuakula.”d Lomba bamanyishi baudi mudianjile kusungula bua baleje muvua ngikadilu muimpe wa Bantemu ba Yehowa uvuabu bamone mubambuluishe bua kulua pabu Bantemu.
Min. 20: Enza mudimu ne Bible paudi uyukila ne bantu musangu wa kumpala. Muyuki ne diyukidilangana ne bateleji. Wakule bua ngenyi idi mu Mudimu wetu wa Bukalenge wa Kabitende 2004, dibeji 4, tshikoso 2, bua dituma ntema ya bantu ku Dîyi dia Nzambi patudi tubayisha musangu wa kumpala. Badi mua kuenza dinaya dimue anyi abidi bilondeshile ngenyi idibu bafile ne mukanda udibu balongolole bua kufila mu ngondo wa tshitema. Pikalaku dîba, udi mua kuakula bua ngenyi idi mu tshisakidila tshia Mudimu wetu wa Bukalenge wa Tshiongo 2005 ne kuenza dinaya pa mushindu wa kufila mikanda.
Musambu 71 ne disambila dia nkomenu.
Lumingu lua dia 5 Kabitende
Musambu 98
Min. 10: Mamanyisha a mu tshisumbu.
Min. 15: “Tulombolayi malonga a Bible mimpe: Tshitupa tshia 12.”e Udianjile kulongolola bua mumanyishi umue anyi babidi kuleja tshivua tshibambuluishe bua kutuadija malonga a Bible a bungi ne kualombola.
Min. 20: Tudilongololayi bua kuambuluisha bakulakaje. Muyuki wenzabu kudi mukulu muangatshila mu Tshibumba tshia Nsentedi tshia dia 15 Tshimungu 1993, dibeji dia 28-29, mu ka tshiena-bualu ka se: “Bulongolodi budi ne mushinga munene.” Leja malu adibu balongolole mu tshisumbu tshienu bua kuambuluisha bana betu badi basama ne badi bakulakaje.
Musambu 164 ne disambila dia nkomenu.
[Mêyi adi kuinshi]
a Mbuelelu webe kapitshi pa munite mujima to, pashishe utungunuke mu nkonko ne mandamuna.
b Mbuelelu webe kapitshi pa munite mujima to, pashishe utungunuke mu nkonko ne mandamuna.
c Mbuelelu webe kapitshi pa munite mujima to, pashishe utungunuke mu nkonko ne mandamuna.
d Mbuelelu webe kapitshi pa munite mujima to, pashishe utungunuke mu nkonko ne mandamuna.
e Mbuelelu webe kapitshi pa munite mujima to, pashishe utungunuke mu nkonko ne mandamuna.