Ndongamu wa Bisangilu bia Mudimu

Lumingu lua dia 14 Kasuabanga

Musambu 220

Min. 10: Mamanyisha a mu tshisumbu ne makuabu makanyine a mu Mudimu wetu wa Bukalenge. Angata ngenyi idi mu dibeji 6 (bikalayi miakanyine muaba unudi) bua kuleja mushindu wa kufila Tshibumba tshia Nsentedi tshia mu dia 15 Kasuabanga ne Réveillez-vous! wa dia 22 Kasuabanga. Nudi nansha mua kuenza mudimu ne ngenyi mikuabu idi miakanyine. Mu dinaya dionso, baleje mushindu mukuabu wa kutungunuka ne muyuki padi muntu wamba ne: “Tshitu musue malu a Nzambi to.”​—Tangila kakanda ka Mua kutuadija ne kutungunuka ne mayuki pa Bible dib. 9 anyi mukanda wa Comment raisonner, dib. 16-17.

Min. 15: Mapa adi asankisha mutshima wa Nzambi. Muyuki wenza mukulu muangatshila mu Tshibumba tshia Nsentedi tshia 1 Kasuabanga 2005, dibeji dia 26-30.

Min. 20: “Tumanyishayi butumbi bua Yehowa.”a Panudi nufika mu tshikoso 4, lomba bateleji bua balonde mu tshikoso malu adi aleja mudi bienzedi bimpe bitupetesha mushindu wa kuyisha.

Musambu 24 ne disambila dia nkomenu.

Lumingu lua dia 21 Kasuabanga

Musambu 40

Min. 10: Mamanyisha a mu tshisumbu.

Min. 20: Vuija Yehowa Nzambi webe. Muyuki wenzabu kudi mukulu, muangatshila mu Tshibumba tshia Nsentedi tshia mu dia 1 Tshisanga 2005, dibeji dia 25-28. Patula malongesha mimpe atudi tupetela ku tshilejilu tshia Abalahama, Davidi ne Eliya.

Min. 15: “Tutabalelayi bakuabu: Pa kuikala ne ntema.”b Nuenze dinaya dia tshilejilu dia mumanyishi umona tshintu kampanda tshidi tshileja malu adi muena nzubu witaba, nunku umuyishila anu pa malu au.

Musambu 67 ne disambila dia nkomenu.

Lumingu lua dia 28 Kasuabanga

Musambu 7

Min. 12: Mamanyisha a mu tshisumbu. Fila luapolo lua konte, ne bala mukanda wa ku biro wa dinuela tuasakidila bua mapa anuvua batume. Vuluija bamanyishi bua kufilabu luapolo lua mudimu bua Kasuabanga. Angata ngenyi idi mu dibeji 6 (bikalayi miakanyine muaba unudi) bua kuleja mushindu wa kufila Tshibumba tshia Nsentedi tshia mu dia 1 Tshisua-munene ne Réveillez-vous! wa mu dia 8 Tshisua-munene. Nudi nansha mua kuenza mudimu ne ngenyi mikuabu idi miakanyine. Vuluija bantu bua bikale balomba mapa.

Min. 15: “Mmunyi mutudi mua kuambuluisha?” Muyuki. Fila bilejilu bikese bia mushindu udi basadidi ba Yehowa baditatshisha bua kuambuluisha bena kuitabuja nabu bavua mu dikenga dikole. (Tangila Réveillez-vous! wa dia 8 Tshimungu 2003, dib. 10-15; dia 22 Kasuabanga 2002, dib. 19-24; ne wa dia 22 Kasuamansense 2001, dib. 23-27. Udi mua kutangila kabidi mu mikanda mikuabu.) Pashishe akula bua malu manene a mu tshiena-bualu tshidi mu dibeji 3 dia Mudimu wetu wa Bukalenge eu. Leja patoke ne: muntu yeye musue kufila makuta bua kuambuluishangana nawu anyi bua bantu badi mu dikenga, mbimpe kuelaye makuta au mu kashete ka mapa a mudimu wetu wa pa buloba bujima.

Min. 18: Tuyishayi lumu luimpe mu Tshisua-munene. Muyuki ne diyukidilangana ne bateleji. Mu minite itanu ya ntuadijilu wa muyuki webe, enza diambulula dikese dia malu a mu tshiena-bualu tshia “Mua kutuadija kuyukila bimpe ne bantu” (tshia mu Mudimu wetu wa Bukalenge wa Tshiongo 2005, dibeji 8) adi alonda aa: (1) Netuenze mudimu bimpe ne ngenyi eyi bu tuetu mua kuakula mu etu mêyi. (2) Tuikale ne busunguluji ne tuakaje mushindu wetu wa kuyisha bilondeshile bilele bidibu banyisha muaba utudi. (3) Tutangile nkoleshilu ne ngelelu wa meji wa bantu ba mu teritware wetu. (4) Tudi ne bua kubala ne ntema tshiena-bualu anyi nshapita wa mukanda utudi basue kufila ne kukeba malu adi mua kusankisha bantu. (5) Katuena ne bua kuyukila ne bantu anu ne mishindu ya mua kuyisha idi mimane kufunda eyi to. Pashishe uleje mua kuenza mudimu ne malu aa patudi tufila mikanda idibu balongolole bua kufila mu Tshisua-munene. Udi nansha mua kuangata mishindu ya mua kutuadija kuyukila ne bantu idi mu tshisakidila tshia Mudimu wetu wa Bukalenge wa Tshiongo 2005 anyi mikuabu idi miakanyine muaba unudi. Enzeja dinaya dia tshilejilu dimue anyi abidi.

Musambu 123 ne disambila dia nkomenu.

Lumingu lua dia 5 Tshisua-munene

Musambu 38

Min.  5: Mamanyisha a mu tshisumbu.

Min. 20: “Tutungunukayi ne kukuatshisha mudimu wa diasa dia Nzubu ya Bukalenge.”c

Min. 20: “Malu adi mudimu wetu ukumbaja.”d Panuafika mu tshikoso 5, kumbaja mêyi audi mua kuangatshila mu Tshibumba tshia Nsentedi tshia dia 15 Luishi 2004, dibeji 32.

Musambu 26 ne disambila dia nkomenu.

[Mêyi adi kuinshi]