Ndongamu wa Bisangilu bia Mudimu

Lumingu lua dia 12 Tshisua-munene

Musambu 32

Min. 10: Mamanyisha a mu tshisumbu ne makuabu makanyine a mu Mudimu wetu wa Bukalenge. Ku diambuluisha dia ngenyi idi mu dibeji dia 8 (pikalayi miakanyine mu teritware wenu) enzeja dinaya dia mua kufila Tshibumba tshia Nsentedi tshia dia 15 Tshisua-munene ne Réveillez-vous! wa dia 22 Tshisua-munene. Nudi mua kuenza mudimu ne ngenyi mikuabu idi miakanyine. Kunyima kua dinaya dionso, umvuija mushindu mupepele wa kubueja mvese kampanda mu muyuki wenu ne bantu.

Min. 15: “Kalasa kadi katuambuluisha bua kutumikila.” Muyuki wenza mutangidi wa kalasa. Sakidilamu ngenyi idi mu tshisakidila tshia Mudimu wetu wa Bukalenge wa ngondo wa dikumi 2005.

Min. 20: “Dilongesha didi difikisha ku muoyo.”a Dianjila kulongolola bua muntu umue anyi babidi bumvuije masanka adibu bapete mu dilonga malu adi atangila bulongolodi bua Nzambi.

Musambu 101 ne disambila dia nkomenu.

Lumingu lua dia 19 Tshisua-munene

Musambu 160

Min. 5: Mamanyisha a mu tshisumbu. Leja programe wa pa buende udibu balongolole bua buambi mu dia 25 Tshisua-munene ne mu dia 1 Tshiongo. Vuluija bantu bonso bua kuluabu ne Réveillez-vous! wa Tshiongo 2006 mu Tshisangilu tshia Mudimu tshia lumingu ludi lulonda.

Min. 15: “Tutabalelayi bakuabu: Pa kuyisha bilondeshile malu atudi tupeta.”b Enzeja dinaya dia tshilejilu dîpi didi dileja mudi mumanyishi kampanda ushintulula nyishilu wende bilondeshile ngenyi ya muntu udiye uyisha.

Min. 25: “Muanebe udi mua kuangataku dipangadika dia mushinga mukole anyi?”c Mudimu wenzabu kudi mukulu. Badisha tshikoso tshionso kudi muanetu wa balume udi mubadi muimpe. Nukonkonone mvese yonso idibu kabayi batele mêyi ayi. Kunyima kua dikonkonona dia tshikoso 2, leja dishilangana didi pankatshi pa nsombelu wa bansonga babidi badibu batele mu tshikoso 16-17 ne mu kazubu kadi mu dibeji dia 16-17 dia Tshibumba tshia Nsentedi tshia mu dia 15 Kabalashipu 1991 (Mfual.). Bua kujikija, kankamija baledi bua kukonkononabu tshiena-bualu tshidi mu Tshibumba tshia Nsentedi etshi, kutshiambululabu ne kuyukila diakamue ne bana babu pa mikenji ya mu Bible idi itangila tshilumbu tshia mashi bua bana bikale bamanye mua kubingisha ditabuja diabu ne dikima. Bamfumu ba mêku badi ne bua kutangila bua ne: muana yonso ukadi mutambule ikale ne karte ka Instructions médicales prévisionnelles ne bua muana yonso udi kayi muanji kutambula ikale ne Document d’identité médical. Dîba dionso didi muanetu mu lupitadi ne kuikale tshilumbu tshia kumuelabu mashi, bakulu badi ne bua kumonangana ne bena mu Komite wa Diumvuangana ne Mpitadi bua kufilabu diambuluisha.

Musambu 56 ne disambila dia nkomenu.

Lumingu lua dia 26 Tshisua-munene

Musambu 85

Min. 10: Mamanyisha a mu tshisumbu. Luapolo lua konte; bala ne mukanda wa dianyisha wa kudi biro bietu. Vuluija bamanyishi bonso bua kufilabu luapolo lua mudimu wabu lua ngondo wa 12. Bikala tshisumbu tshienu ne bua kushintulula mêba a bisangilu mu tshidimu tshipiatshipia, manyisha dishintuluka edi. Manyisha mikanda ya kufila mu Tshiongo ne muaba wa kupetela ngenyi ya mua kuyifila.

Min. 15: Majinga a tshisumbu.

Min. 20: Muikala Réveillez-vous! mupiamupia. Muyuki ne diyukidilangana ne bateleji. Leja mudibu bashintulule malu adi atangila Réveillez-vous! avuabu bamanyishe mu Mudimu wetu wa Bukalenge wa Luabanya 2005, dibeji dia 1, tshikoso 5-6. Sakidila ngenyi idi mu tshiena-bualu etshi: “À nos lecteurs“ (Kudi babadi betu) tshia mu Réveillez-vous! wa Tshiongo 2006, dibeji 3-4. Fila bilejilu bia mudi tshibejibeji etshi tshisaka diakamue babadi ku Bible. Lomba bateleji bua bumvuije muikala Réveillez-vous! mupiamupia eu bilondeshile malu a mu dibeji dia 31. Netutungunuke ne kufila Tshibumba tshia Nsentedi ne Réveillez-vous! anu bu pa tshibidilu. Bulelela, netufile anu nimero umue wa Réveillez-vous! ku ngondo yonso kudi bantu batutu tushila bibejibeji anyi batu babianyisha pa tshibidilu. Enzayi mudimu ne ngenyi idi mu dibeji dia 8 (bikalayi mikumbanyine teritware wenu) bua kuenza dinaya dia tshilejilu dia mua kufila Tshibumba tshia Nsentedi tshia dia 1 Tshiongo ne Réveillez-vous! wa Tshiongo. Anyi nudi mua kuenza mudimu ne ngenyi mikuabu idi miakanyine. Mudimu wetu wa Bukalenge wa Tshiongo newikale kabidi ne ngenyi ya mua kufila Réveillez-vous! wa Tshiongo mimanyine pa tshimue tshia ku biena-bualu bikuabu bia munda mua Réveillez-vous! Nudi mua kuenza mudimu ne ngenyi yonso eyi munkatshi mua ngondo mujima.

Musambu 222 ne disambila dia nkomenu.

Lumingu lua dia 2 Tshiongo

Musambu 5

Dimanyisha: Bisumbu kabiena ne bua kushintulula Tshisangilu tshia Mudimu tshia lumingu lua dia 2 Tshiongo bua kutshienza mu matuku adi kumpala kua lumingu alu nansha, anu bikala mutangidi wa tshijengu ukumbula tshisumbu lumingu alu. Mu bisumbu bionso, badi ne bua kulonda ndongamu wa Tshisangilu tshia Mudimu bua kukonkonona malu a mpungilu adi mu tshisakidila anu mudibu baaleje amu. Bikalaku mpuilu wa tshijengu lumingu alu, batangidi ba dilonga dia mukanda nebamanyishe bena mu dilonga diabu dia mukanda muaba wenzekela mpungilu ne matuku enzekaye.

Min.  5: Mamanyisha a mu tshisumbu.

Min. 15: “Enza mudimu bimpe ne mikanda yetu ya malu a mu Bible.”d Sakidila ngenyi idi mu Mudimu wetu wa Bukalenge wa Kabitende 2002, dibeji dia 1.

Min. 25: “Mpungilu wa Distrike wa Bantemu ba Yehowa wa ‘Dipikudibua dikadi pabuipi’ bua 2006.”e Mudimu wenzabu kudi sekretere wa tshisumbu. Kunyima kua bamane kukonkonona tshikoso tshia 1, bala mukanda wa mu dia 15 Tshisua-munene 2005 mufundila bisumbu bua muaba udibi ne bua kubuela mu mpungilu. Kankamija bantu bonso bua batuadije kudilongolola bua kubuela mu mpungilu.

Musambu 48 ne disambila dia nkomenu.

[Mêyi adi kuinshi]