Ndongamu wa Bisangilu bia Mudimu

Lumingu lua dia 13 Luabanya

Musambu 41

Min. 10: Mamanyisha a mu tshisumbu ne makuabu makanyine a mu Mudimu wetu wa Bukalenge. Ku diambuluisha dia ngenyi idi mu dibeji 6 anyi mikuabu idi miakanyine muaba unudi, nuenze manaya a tshilejilu abidi, dimue dia mua kufila Tshibumba tshia Nsentedi tshia dia 15 Luabanya ne dikuabu dileja mushindu wa kufila Réveillez-vous! wa mu Luabanya. Ku ndekelu kua dinaya dionso, mumanyishi ambile udiye uyisha bua kulua mu Tshivulukilu. Badi mua kubala malu adi mu dibeji dia 32 dia tshibejibeji tshidiye ufila atshi.

Min. 15: “Tuenze bua mulambu wa Yezu wambuluishe bantu netu.”a Tshitupa tshialonda etshi netshileje malu makuabu a mutudi mua kuenza mudimu ne ngenyi idi mu dibeji dia 206-208 mu mukanda wetu wa Bible ulongesha patudi tubikila bantu mu Tshivulukilu.

Min. 20: Didia dia Mukalenge ntshibilu tshidi tshitumbisha Nzambi. Diyukidilangana mu nkonko ne mandamuna dishindamene pa malu adi mu mukanda wa Bible ulongesha mu dibeji dia 206-208. Mu mbuelelu webe, ubale tshikoso tshia kumpala bua bantu bamone mushindu utudi mua kutuadija kuyukila ne muntu, kadi bua bionso ebi kupitshi munite umue to. Pashishe lomba bateleji bua kuandamuna nkonko idi ilonda eyi, kadi kanubadi bikoso to: (tshik. 2) Yezu wakenza bua musangu wa kumpala Tshivulukilu tshia lufu luende dîba kayi? (tshik. 3) Didia dia Mukalenge ndia kuenza misangu bungi munyi? (tshik. 4) Leja malu adi Bible wamba bua mushindu udi didia dia Mukalenge ne bua kuenzeka. (tshik. 5) Tshidi tshituleja ne: Yezu kakandamuna diampa kuluadi mubidi wende ne mvinyo kulua mashi ende ntshinyi? (tshik. 6) Mampa kaayi mela levire ntshimanyinu tshia tshinyi? (tshik. 7) Mvinyo mukunze ntshimanyinu tshia tshinyi? (tshik. 8) Anu banganyi ke badi mua kudia diampa ne kunua mvinyo? (tshik. 9) Tshidimu tshionso Tshivulukilu tshitu tshienzeka dituku kayi? Tudi ne bua kubuelamu bua tshinyi? Dîba diodi koku nudi mua kukonkonona mvese minene. Ambila bamanyishi bonso bua kulongabu malu aa ne balongi babu ba Bible anyi bakuabu bantu babikilabu mu Tshivulukilu. Mbimpe babale nabu bikoso, pashishe bakonkonone ngenyi minene ne babele nkonko mitekete ya buena idi kuulu eku.

Musambu 134 ne disambila dia nkomenu.

Lumingu lua dia 20 Luabanya

Musambu 18

Min. 10: Mamanyisha a mu tshisumbu. Nukonkonone malu adi mu kazubu ka “Malu a kuvuluka bua Tshivulukilu.”

Min. 23: Mudimu udi nawu Kristo mu malu adi Nzambi mulongolole. Muyuki muangatshila mu mukanda wa Bulongolodi budi buenza disua dia Yehowa, mu dibeji dia 10-13. Panudi nukonkonona bikoso bibidi bia kumpala bidi muinshi mua ka-tshiena-bualu ka: “Mudimu udi nawu Kristo,” nuangate minite isatu anyi inayi bua kuleja mushindu wa kufila tubeji tua dibikila natu bantu mu Tshivulukilu. Nukonkonone kabidi ngenyi idi mu Mudimu wetu wa Bukalenge wa Luishi 2006, tshikoso 3 mu dibeji 3.

Min. 12: Dikonkonona Mifundu dituku dionso didi ditukolesha. Muyuki ne dinaya dia tshilejilu biangatshila mu mêyi a mbangilu adi mu kakanda ketu ka Tukonkononayi Mifundu dituku dionso 2006. Nuenzeje dinaya dia tshilejilu didi dileja bena dîku kampanda bakonkonona mvese wa dituku adi ne diumvuija diende.

Musambu 103 ne disambila dia nkomenu.

Lumingu lua dia 27 Luabanya

Musambu 44

Min. 15: Mamanyisha a mu tshisumbu. Vuluija bamanyishi bua kufila luapolo lua ngondo muisatu. Bala luapolo lua konte ne mukanda wa ku Betele udibu banutumine bua kunuela tuasakidila bua mapa enu. Ku diambuluisha dia ngenyi idi mu dibeji 6 anyi mikuabu idi miakanyine muaba unudi, enzeja dinaya dia tshilejilu dia kumpala dileja mua kufila Tshibumba tshia Nsentedi tshia dia 1 Tshisanga ne dibidi dileja mua kufila Réveillez-vous! wa ngondo wa Tshisanga. Leja kabidi mushindu wa kuenza mudimu ne tubeji tua dibikila natu bantu mu Tshivulukilu.

Min. 10: Nzambi utshidi ne malu onso mu bianza anyi? Muyuki ne dinaya dia tshilejilu biangatshila mu dibeji dia 32 dia Tshibumba tshia Nsentedi tshia 1 Tshisanga 2006. Bikidisha bantu bonso baudi mua kubikila bua balue kuteleja muyuki wa pa buawu. Kupu muoyo mulongi wa Bible nansha umue. Nansha bena mu dîku diabu bautu kuyi ulonga nabu Bible, kubapu muoyo. Tubikilayi bantu bonso mu muyuki eu, katushiyi muntu. Enzeja dinaya bua kuleja mua kufila Tshibumba tshia Nsentedi tshia dia 1 Tshisanga bua kubikila muntu ukadi katshiyi uyisha anyi ukadi mulekele bisangilu.

Min. 20: Malu mamona mu tshisumbu. Lomba bateleji bua balonde malu mimpe avua menzeke pavuabu bafile mukanda wa Bible ulongesha mu ngondo muisatu. Akula bua malonga a Bible anuvua batuadije. Nudi mua kuenza dinaya dimue anyi abidi adi aleja bualu abu mushindu uvuabu buenzeke.

Musambu 170 ne disambila dia nkomenu.

Lumingu lua dia 3 Tshisanga

Musambu 199

Min. 15: Mamanyisha a mu tshisumbu. Nukonkonone mu minite mikese tshiena-bualu tshia: “Dilonga dilenga dia mukanda wa Bible utu ulongesha tshinyi menemene?” tshidi mu dibeji 6 dia Mudimu wetu wa Bukalenge wa Luishi 2006. Akula bua programe wa dilonga dia mukanda wa Bible ulongesha. Uleje kabidi mushindu wa kufila tubeji tua dibikila natu bantu mu Tshivulukilu.

Min. 10: “Mukanda wa Kasumbu Kaludiki.” Bala ne umvuija mukanda eu udi mu Annuaire 2006. Kunyima kua dibala dia bikoso bionso, mukulu wenza mudimu eu ela nkonko mimpe ivuaye mulongolole bua kupatula malu manene a mu mukanda eu.

Min. 20: “Tulongeshe bantu badi badipuekesha bua kuendabu mu njila wa Nzambi.”b Nusakidile kabidi malu adi mu Tshibumba tshia Nsentedi tshia dia 1 Kashipu 2004, dibeji dia 16, tshikoso tshia 9.

Musambu 93 ne disambila dia nkomenu.

[Mêyi adi kuinshi]