Ndongamu wa Bisangilu bia Mudimu

Lumingu lua dia 12 Kabalashipu

Musambu 218

Min. 10: Mamanyisha a mu tshisumbu. Enzeja dinaya dia tshilejilu ne ngenyi idi mu dibeji 4 anyi mikuabu idi miakanyine teritware wenu bua kuleja mua kufila Tshibumba tshia Nsentedi tshia dia 15 Kabalashipu ne Réveillez-vous! wa Kabalashipu. Mu dimue dia ku manaya aa, baleje mushindu udi muntu mua kufila bibejibeji padiye upeta mpunga.

Min. 20: “Mudimu wetu wa diyisha mmudimu wa luse.”a Pikalaku dîba, lomba bateleji bua bumvuije mvese idibu bafile.

Min. 15: Tueyemenayi “mupika wa lulamatu ne wa budimu.” Muyuki ne diyukidilangana ne bateleji muangatshila mu nshapita 3 wa mukanda wa Bulongolodi budi buenza disua dia Yehowa.

Musambu 47 ne disambila dia nkomenu.

Lumingu lua dia 19 Kabalashipu

Musambu 21

Min. 10: Mamanyisha a mu tshisumbu ne makuabu makanyine a mu Mudimu wetu wa Bukalenge.

Min. 20: Dîyi diamba mu tshikondo tshiakane didi diakane! Muyuki ne diyukidilangana ne bateleji dimanyine pa Tshibumba tshia Nsentedi tshia 1 Tshiongo 2006, dibeji dia 16-19. Mu mêyi ebe a ntuadijilu, leja malu mimpe anayi adi afumina ku diela bantu kalumbandi adibu batele mu katshiena-bualu ka: “Bipeta bimpe.” Pashishe lomba bateleji bua kuandamuna nkonko eyi: Nnganyi udi muntu wa kumpala utudi ne bua kutumbisha? Bua tshinyi bena kuitabuja netu mbakanyine kubela kalumbandi? Ndîba kayi ditudi mua kuela muntu kalumbandi mu tshisumbu? Bua tshinyi mbimpe kuela bena mu dîku kalumbandi, ne tudi mua kubelaku mushindu kayi? Mmunyi muvua kalumbandi kavuabu bakuele kakukoleshe ku muoyo?

Min. 15: “Tutabalelayi bakuabu: Pa kubela kalumbandi.”b Enzeja dinaya dia tshilejilu dia mumanyishi uteleja ne ntema yonso tshidi muntu umuambila, umuela tuasakidila ne pashishe ufila mvese muakanyine bua kusakidila ku bivua muntu au muambe.

Musambu 96 ne disambila dia nkomenu.

Lumingu lua dia 26 Kabalashipu

Musambu 63

Min. 15: Mamanyisha a mu tshisumbu. Bala luapolo lua konte ne mukanda uvua biro binutumine bua kunuela tuasakidila. Enzeja dinaya dia tshilejilu ne ngenyi idi mu dibeji 4 anyi mikuabu idi miakanyine teritware wenu bua kuleja mua kufila Tshibumba tshia Nsentedi tshia 1 Kashipu ne Réveillez-vous! wa Kashipu. Ku ndekelu kua dinaya dionso, mumanyishi udi wela muntu kepu mukana pa kujula lukonko lualuabu kuandamuna musangu udi ulonda ne mukanda wa Bible ulongesha.

Min. 15: Tshiudi mua kuenza paudi mu tshisumbu tshia muakulu muenyi. Muyuki muangatshila mu Tshibumba tshia Nsentedi tshia dia 15 Luabanya 2006, dibeji dia 17-20. Kumbaja kabidi ngenyi idi mu mukanda wa Bulongolodi, dibeji dia 112 tshikoso 2. Leja mushindu udi bena mu tshisumbu tshienu mua kutumikila malu aa. Udi mua kuela muntu umue nkonko anyi babidi badi basue kuvudija mudimu pa kulonga muakulu mukuabu.

Min. 15: Tuyishayi lumu luimpe mu ngondo wa muanda mutekete. Mbiena-bualu kayi bidi bantu ba mu teritware wenu batambe kunanga? Ebeja muntu umue anyi babidi bua baleje mu tshikoso mudibu benze mudimu bimpe ne mukanda wa Bible ulongesha ne mudibu batuadije pamuapa kulonga Bible ne bantu. Pashishe enzeja dinaya dia tshilejilu dia bantu bayisha ku nzubu ne ku nzubu bafila mukanda eu ne mbuelelu wa muyuki udi muakanyine teritware wenu.​—Tangila Mudimu wetu wa Bukalenge wa Tshiongo 2005, dib. 8, tshik. 5.

Musambu 208 ne disambila dia nkomenu.

Lumingu lua dia 3 Kashipu

Musambu 111

Min. 10: Mamanyisha a mu tshisumbu. Vuluija bamanyishi badi kabayi banji kufila luapolo lua mudimu bua ngondo muisambombo bua kulufilabu.

Min. 15: Majinga a tshisumbu.

Min. 20: “Mushindu uudi mua kukumbaja malu audi mudifundile mu mudimu wa Nzambi.”c Lomba bansonga ba mu tshisumbu tshienu bua baleje bipatshila bidibu badifundile ne tshidibu benza bua kubikumbaja. Dianjila kulongolola bua kuela nsonga umue anyi babidi nkonko.

Musambu 30 ne disambila dia nkomenu.

[Mêyi adi kuinshi]