Ndongamu wa Bisangilu bia Mudimu

Lumingu lua dia 10 Kashipu

Musambu 4

Min. 10: Mamanyisha a mu tshisumbu. Angata ngenyi idi mu dibeji 4 anyi mikuabu idi miakanyine teritware wenu wenzeje manaya a tshilejilu a mushindu wa kufila Tshibumba tshia Nsentedi tshia dia 15 Kashipu ne Réveillez-vous! wa Kashipu. Mu dimue dia ku manaya aa, leja mushindu wa kuandamuna bimpe padi muntu usua kukosa muyuki wamba ne: ‘Petu apa tukadi petu bena Kristo.’​—Tangila kakanda ka Mua kutuadija ne kutungunuka ne mayuki pa Bible, dib. 11 anyi Comment raisonner, dib. 19.

Min. 15: Mushindu udibu balongolole tshisumbu ne udibu batshilombola. Muyuki ne diyukidilangana ne bateleji mu nshapita 4 wa mukanda wa Bulongolodi budi buenza disua dia Yehowa.

Min. 20: “Muambuluisha bua kunanga ngikadilu milenga ya Yehowa.”a Enzeja dinaya dia tshilejilu didi dileja mushindu udi kuela nkonko mua kuambuluisha mulongi wa Bible bua kuela meji pa malu adi mu kazubu ka diambulula kadi ku ndekelu kua nshapita wa 1 wa mukanda wa Bible ulongesha.

Musambu 88 ne disambila dia nkomenu.

Lumingu lua dia 17 Kashipu

Musambu 99

Min. 10: Mamanyisha a mu tshisumbu ne makuabu makanyine a mu Mudimu wetu wa Bukalenge. Umvuija mu tshikoso malu a mu Tshibumba tshia Nsentedi tshia dia 15 Tshimungu 2000, dibeji dia 32. Leja mushinga wa kuikala ne programe wa dibala dia Bible dituku dionso nansha patudi mu dikisha anyi mêba makuabu atudi katuyi tuenza midimu yetu ya pa tshibidilu.

Min. 15: Dinanga ne lutulu nngikadilu ya kuikala nayi patudi tuyisha. Muyuki muangatshila mu Tshibumba tshia Nsentedi tshia dia 15 Tshimungu 2002, dibeji dia 18-20, tshikoso tshia 13-20.

Min. 20: “Tuidikijayi Yehowa ‘Nzambi wa disanka’.”b Lomba bateleji bua baleje tshidi tshibambuluisha bua kuikala ne disanka ne meji mimpe padibu bayisha mu teritware wa tshisumbu tshienu.

Musambu 189 ne disambila dia nkomenu.

Lumingu lua dia 24 Kashipu

Musambu 218

Min. 15: Mamanyisha a mu tshisumbu. Bala luapolo lua konte ne mukanda udi biro binutumine bua kunuela tuasakidila. Angata ngenyi idi mu dibeji 4 anyi mikuabu miakanyine bua kuenzeja nayi manaya a tshilejilu a mushindu wa kufila Tshibumba tshia Nsentedi tshia dia 1 Tshimungu ne Réveillez-vous! wa Tshimungu. Ku ndekelu kua dinaya dionso, ambulula mêyi avuabu batuadije nawu muyuki bua kukoka ntema ya muntu.

Min. 10: “Mbatushile tshilejilu tshimpe tshia lulamatu.” Muyuki ne amue malu a bampanda-njila ba pa buabu adi mu mikanda yetu, anyi binuikala nabu mu tshisumbu tshienu, nudi mua kubela nkonko.​—Tangila Index des publications Watch Tower mu katshiena-bualu ka “Pionniers spéciaux.”

Min. 20: Nuikale bakole, nutantamane. (1 Kol. 15:58) Ela bamanyishi babidi anyi basatu anyi bampanda-njila bakadi benze mudimu ne lulamatu munkatshi mua bidimu bia bungi nkonko. Mmunyi muvuabu bapete bulelela? Mmunyi muvua mudimu wa buambi pakatuadijabu kuyisha? Ntatu kayi ivuabu bapete? Mmasanka kayi adibu bapete padibu bashale bakole mu ntendelelu mulelela?

Musambu 12 ne disambila dia nkomenu.

Lumingu lua dia 31 Kashipu

Musambu 28

Min. 10: Mamanyisha a mu tshisumbu. Vuluija bateleji bua kufilabu luapolo lua mudimu lua ngondo wa 7. Leja mikanda ituafila mu ngondo wa 8.

Min. 15: Majinga a tshisumbu.

Min. 20: “Ikala ne bibidilu bimpe bua upete masanka mavule.”c Lomba bateleji bua baleje mudibu badienzeje bua kuenza programe muimpe wa midimu yetu ya bena Kristo ne kumulonda, baleje kabidi masanka adibu bapete bua bualu ebu.

Musambu 130 ne disambila dia nkomenu.

Lumingu lua dia 7 Tshimungu

Musambu 209

Min. 10: Mamanyisha a mu tshisumbu. Umvuija mu tshikoso mushindu unudi mua kuakaja ngenyi itu ipatuka mu Mudimu wetu wa Bukalenge bua kukumbanyinayi teritware wenu.​—Tangila Mudimu wetu wa Bukalenge wa Tshiongo 2005, dib. 8.

Min. 15: Bisangilu bidi bitusaka ku dinanga ne ku midimu mimpe. Muyuki muangatshila mu Tshibumba tshia Nsentedi tshia dia 15 Luabanya 2002, dibeji dia 24-25. Ela mumanyishi umue nkonko bua aleje mutuye udienzeja bua kubuela mu bisangilu misangu yonso ne masanka adiye mupete mu bisangilu ebi.

Min. 20: Tuikale bena mudimu badi bashintuluka ne baya mudi malu aya. Muyuki ne diyukidilangana ne bateleji. Muyuki eu mmuangatshila mu Tshibumba tshia Nsentedi tshia 1 Tshisua-munene 2005, dibeji dia 28-30. Paudi wakula malu adi mu tshikoso 6-11, leja muvua Paulo muikale ne ntema, ushintulula nyishilu wende ne mumanye mua kupita ne ntatu pavuaye uyisha ne ulongesha. Pashishe lomba bateleji bua bandamune nkonko ya tshikoso 12-14 ne ubaleje mushindu unudi mua kutumikila malu aa. Enzeja dinaya dia tshilejilu bua kuleja mushindu udi mumanyishi ushintulula nyishilu wende bilondeshile majinga, nsombelu ne bilele bia bantu ba mu teritware wenu.

Musambu 83 ne disambila dia nkomenu.

[Mêyi adi kuinshi]