Mushindu wa kufila bibejibeji

(Nuangate bia Mfualansa bikala bia Tshiluba kabiyiku)

Tshibumba tshia Nsentedi 15 Kasuab.

“Pa kumona mudi malu mabi mapite bungi pa buloba, bamue batu badiebeja ne: ‘Ntshinyi mene tshindi mfuila anu bua kuenza malu makane?’ Ukadiku mudiebeje pebe nanku anyi? [Lekela muntu andamune.] Tangila mêyi adi akolesha ku muoyo aa. [Bala Nsumuinu 2:21, 22.] Tshibejibeji etshi tshidi tshiumvuija malu a mushinga mukole atudi katuyi ne bua kuenzela malu mabi.”

Réveillez-vous! Kasuab.

“Bamue badi bamona ne: Nzambi ke utu wenzeja malu onso adi enzeka. Padi njiwu imueneka, batu bamba ne: kudi anu bualu kampanda budi bufikishe Nzambi ku diyikebesha. Kadi wewe udi wela meji kayi? [Lekela muntu andamune. Pashishe bala Yakobo 1:13.] Mbaleje kutu makenga afumina mu tshibejibeji etshi ne tshidi Nzambi wenza bua kuajikija.”

Tshibumba tshia Nsentedi 1 Tshisua.

“Udiku pebe umona ne: bualu buvua Bible mulaye ebu budi buenda bukumbana lelu eu anyi? [Bala Matayo 24:11. Pashishe lekela muntu andamune.] Mu tshibejibeji etshi badi balejamu amue malongesha adi mamuangalake mu bantu lelu. Mbalejamu kabidi tshia kuenza bua balongeshi ba dishima kabatudingi.”

Réveillez-vous! Tshisua.

“Buebe wewe, nnganyi uudi mua kuamba ne: yeye ke muntu munene wa katshia ne katshia? [Lekela muntu andamune.] Bantu ba bungi badi bitaba ne: Yezu ke muntu udi mutambe bakuabu bonso bunene. Mona tshienzelaye bantu bikala pa buloba pakokeshaye mu Bukalenge bua Nzambi. [Leja tshimfuanyi tshidi mu dibeji dia 8-9, ubale mvese umue ku idibu bafile muaba au.] Mu Réveillez-vous! emu badi baleja mushindu wenza Yezu bualu ebu ne dîba dine diabuenzaye.”