Ndongamu wa Bisangilu bia Mudimu
Lumingu lua dia 12 Luishi
Musambu 52
Min. 10: Mamanyisha a mu tshisumbu. Angata ngenyi idi mu dibeji dia 8 anyi mikuabu idi miakanyine teritware wenu wenzeje nayi dinaya dia tshilejilu dia mua kufila Tshibumba tshia Nsentedi tshia dia 15 Luishi ne Réveillez-vous! wa Luishi. Mu dimue dia ku manaya aa, baleje mushindu wa kuandamuna muntu udi ubenga bua kututeleja wamba ne: “Malu a Nzambi kaatu ansankisha to.”—Tangila kakanda ka Mua kutuadija ne kutungunuka ne mayuki pa Bible, dib. 9, anyi Comment raisonner, dib. 16-17.
Min. 35: “Manyisha buimpe bua Yehowa bikole menemene.”a Tshiena-bualu tshienzabu kudi mutangidi wa mudimu. Panuafika muaba uudi umona muakanyine, manyisha dîba ne muaba wenzekela Tshivulukilu, ne munudi basakidile bikuabu bisangilu bia mudimu wa buambi, ne tshipatshila tshia bungi bua bampandanjila bambuluishi budi tshisumbu tshidifundile bua kukumbaja mu ngondo muinayi.
Musambu 147 ne disambila dia ndekelu.
Lumingu lua dia 19 Luishi
Musambu 198
Min. 5: Mamanyisha a mu tshisumbu.
Min. 20: “Idikija Mulongeshi Munene paudi ulongesha ne mukanda wa Bible ulongesha.”b Panudi nukonkonona tshikoso 6, enzeja dinaya dia tshilejilu dîpi dia mumanyishi wangata kazubu kadi ku ndekelu kua nshapita 6 wa mukanda wa Bible ulongesha bua kuambulula naku nshapita eu ne mulongi.
Min. 20: Kuenaku mua kutuadija kulonga Bible ne bantu mu ngondo 3 anyi? Diyukidilangana ne bateleji. Mu mbingu ibidi ya ntuadijilu ya ngondo 3 netufile mukanda wa Bible ulongesha ne kuenza muetu muonso bua kutuadija kulonga Bible ne bantu. Nukonkonone ngenyi idi mu tshisakidila tshia Mudimu wetu wa Bukalenge wa Tshiongo 2006, dibeji 3-6. Angata lumue lua ku ngenyi idi mu dibeji 6 anyi lukuabu ludi luakanyine teritware wenu wenzeje nalu dinaya dia tshilejilu dia mua kutuadija kulonga ne muntu anu musangu wa kumpala utudi tupetangana nende. Lomba bateleji bua baleje malu mimpe adibu bapete mu diyisha ne mukanda eu, nangananga a muvuabu batuadije kulonga Bible ne bantu mu mukanda eu.
Musambu 220 ne disambila dia ndekelu.
Lumingu lua dia 26 Luishi
Musambu 29
Min. 10: Mamanyisha a mu tshisumbu. Bala luapolo lua konte ne mukanda udi biro binutumine bua kunuela tuasakidila. Angata ngenyi idi mu dibeji dia 8 anyi mikuabu idi miakanyine teritware wenu wenzeje nayi dinaya dia tshilejilu dia mua kufila Tshibumba tshia Nsentedi tshia dia 1 Luabanya ne dia mua kufila Réveillez-vous! wa Luabanya. Dimue dia ku manaya aa dikale dia mumanyishi uyisha muaba utubu bapanyishila bintu.
Min. 15: “Kanupu bakadi balekele kuyisha ne kubuela mu bisangilu muoyo.”c Wangate kabidi ngenyi idi mu Tshibumba tshia Nsentedi tshia dia 1 Lumungulu 2004, dibeji 21-22, tshikoso 13-16.
Min. 20: “Idikija Yezu Kristo mu mudimu webe wa diyisha.”d Pikala dîba kuoku, ubadishe mvese idi ne mêyi kaayi matela mu bikoso ne ulombe bateleji bua bayumvuije.
Musambu 18 ne disambila dia ndekelu.
Lumingu lua dia 5 Tshisanga
Musambu 32
Min. 15: Mamanyisha a mu tshisumbu ne makuabu makanyine a mu Mudimu wetu wa Bukalenge. Pesha muteleji yonso diende dibeji dia dibikila nadi bantu mu Tshivulukilu, pashishe uleje programe unudi benze mu tshisumbu tshienu bua kuabanya mabeji aa mu teritware wenu. Lomba bantu bonso bua kudifilabu mu mudimu eu bikole. Wenzeje dinaya dimue bua kuleja mua kufila mabeji aa.
Min. 15: Tuikale tuyisha lumu luimpe mu bulongame. Muyuki ne diyukidilangana ne bateleji bilondeshile mukanda wa Bulongolodi budi buenza disua dia Yehowa, kubangila ku kamutu ka bualu kadi mu dibeji dia 102 too ne ku ndekelu kua nshapita wa 9 au.
Min. 15: “Mbatupeshe tshiuma.”e Pikalaku dîba, lomba bateleji bua kumvuija mvese idi ne mêyi kaayi matela mu bikoso.
Musambu 104 ne disambila dia ndekelu.
[Mêyi adi kuinshi]
a Mbuelelu webe kapitshi pa munite umue to, pashishe utungunuke mu nkonko ne mandamuna.
b Mbuelelu webe kapitshi pa munite umue to, pashishe utungunuke mu nkonko ne mandamuna.
c Mbuelelu webe kapitshi pa munite umue to, pashishe utungunuke mu nkonko ne mandamuna.
d Mbuelelu webe kapitshi pa munite umue to, pashishe utungunuke mu nkonko ne mandamuna.
e Mbuelelu webe kapitshi pa munite umue to, pashishe utungunuke mu nkonko ne mandamuna.