Mushindu wa kufila bibejibeji

(Nuangate bia Mfualansa bikala bia Tshiluba kabiyiku)

Tshibumba tshia Nsentedi 15 Lui.

“Bamue mbafike ku dimona ne: bantu badi banyanga buloba. Udi mumone pebe bishi? [Lekela muntu andamune.] Mona bualu budibu balaye budi mua kukukolesha pebe ku muoyo. [Bala Buakabuluibua 11:18.] Tshibejibeji etshi tshidi tshileja malu adi ajadika ne: buloba buetu ebu ntshintu tshia pa buatshi. Tshidi kabidi tshileja tshidi Bible wamba bua muikala buloba kumpala eku.”

Réveillez-vous! Lui.

“Kuena umona pebe ne: bualu ebu ke budi bukebesha bimvundu pa buloba apa anyi? [Bala 1 Yone 5:19. Pashishe, lekela muntu andamune.] Tshiena-bualu etshi tshidi tshileja mudi Bible wela ‘mubi’ au patoke, tshileja ne tshia kuenza bua mubi au katukokeshi.” Leja tshiena-bualu tshidi mu dibeji dia 12.

Tshibumba tshia Nsentedi 1 Luab.

“Bantu ba bungi batu bela meji ne: bitendelelu bionso bidi bifikisha anu kudi Nzambi. Udi wela meji ne: biobi bikale nanku bidi ne mushinga bua muntu kusungulaye tshitendelelu anyi? [Lekela muntu andamune.] Mona tshidi Bible utulomba. [Bala 1 Yone 4:1.] Tshibumba tshia Nsentedi etshi tshidi tshileja mushindu utudi mua kuteta malongesha bua kumanya ni adi afuma kudi Nzambi. Tshidi tshiumvuija kabidi muakatuadija bitendelelu bionso ebi.”

Réveillez-vous! Luab.

“Buebe wewe, ntatu kayi itu nayi bansonga lelu eu? [Lekela muntu andamune.] Mvese eu udi uleja ne: lutatu lunene ludi nalu bansonga ndua kupeta balunda bimpe. [Bala Nsumuinu 13:20.] Réveillez-vous! eu udi uleja diakabi didi muntu mua kupeta padiye ukebela balunda ku Internet, uleja kabidi mushindu udi bansonga mua kudiepuka.”