Ndongamu wa Bisangilu bia Mudimu

Lumingu lua dia 12 Luabanya

Musambu 153

Min. 10: Mamanyisha a mu tshisumbu. Angata ngenyi idi mu dibeji 6 anyi mikuabu idi miakanyine teritware wenu ne enzeja nayi dinaya dia tshilejilu dia mua kufila Tshibumba tshia Nsentedi tshia dia 15 Luabanya ne dia Réveillez-vous! wa Luabanya.

Min. 15: Padi muntu utudi banange ulekela Yehowa. Muyuki eu bawenze kudi mukulu bilondeshile Tshibumba tshia Nsentedi tshia dia 1 Kabitende 2006, dibeji dia 17-21.

Min. 20: “Nuikale nuenza nenku bua kumvuluka.”a Panudi nufika mu tshikoso 3, akulayi kabidi bua ngenyi idi mu Mudimu wetu wa Bukalenge wa Luabanya 2006, dibeji dia 1 tshikoso 3 bua mushindu utudi mua kukuata mudimu ne mukanda wa Bible ulongesha bua kumvuija bantu batuabikila mu Tshivulukilu mushindu ututshi tshienzeka.

Musambu 168 ne disambila dia ndekelu.

Lumingu lua dia 19 Luabanya

Musambu 45

Min. 10: Mamanyisha a mu tshisumbu ne makuabu makanyine a mu Mudimu wetu wa Bukalenge. Konkononayi malu manene adi mu kazubu ka “Malu a kuvuluka bua Tshivulukilu” kadi mu dibeji 5. Ambila bena mu tshisumbu bua kubala Tshibumba tshia Nsentedi tshia dia 1 Tshisua-munene 1994, dibeji dia 13-18 ne kulua natshi mu Tshisangilu tshia Mudimu tshia lumingu ludi lulonda.

Min. 20: Mishindu ya kualabaja mudimu webe. Muyuki ne dielangana nkonko ne bateleji bilondeshile nshapita wa 10 wa mukanda wa Bulongolodi budi buenza disua dia Yehowa.

Min. 15: “Newandamune munyi?”b Enzeja dinaya dia tshilejilu bua kuleja mushindu udi bena mu dîku mua kulonga ne tshiena-bualu etshi padibu balonga mu dîku.

Musambu 216 ne disambila dia ndekelu.

Lumingu lua dia 26 Luabanya

Musambu 115

Min.  5: Mamanyisha a mu tshisumbu. Vuluija bamanyishi bua kufila luapolo lua mudimu lua ngondo muisatu. Bala luapolo lua konte ne mukanda udi biro binutumine bua kunuela tuasakidila.

Min. 20: ‘Nudikebele balunda ku mamona a malu mabi.’ Muyuki ne diyukidilangana ne bateleji bilondeshile Tshibumba tshia Nsentedi tshia dia 1 Tshisua-munene 1994, dibeji dia 13-18. Ela bateleji nkonko ya tshikoso 5-7, 9-11b, 15-17, ne ya tshia 21-22, ubalombe bayandamune.

Min. 20: Que devrais-je faire de ma vie? (Nengenze tshinyi pangakola?) Muyuki muangatshila mu Réveillez-vous! wa Kashipu 2006, dibeji dia 23-25. Sungula muntu umue anyi babidi bakalua bampanda-njila diakamue pakajikijabu tulasa tuabu tua bikadilu, ubele nkonko. Bua tshinyi mbasungule bua kuenza mudimu eu? Mmalu mimpe kayi adibu bapetemu?

Musambu 148 ne disambila dia ndekelu.

Lumingu lua dia 2 Tshisanga

Musambu 177

Min. 10: Mamanyisha a mu tshisumbu. Konkonona tshiena-bualu tshia dibikila natshi bantu mu Tshivulukilu tshidi mu dibeji dia ndekelu dia Tshibumba tshia Nsentedi tshia dia 1 Tshisanga 2007 ne lomba bana betu bua babikile bantu batubu bayukila nabu malu a Nzambi bua kulua kuteleja muyuki wa patoke wa pa buawu wenzeka mu dia matuku 15 a ngondo muinayi eu.

Min. 20: Tungunuka ne kuambuluisha bavua babuele mu Tshivulukilu. Muyuki eu nebawenze kudi mukulu. Manyisha bungi bua bantu bavua babuele mu Tshivulukilu mu tshisumbu tshienu, ne manyisha bungi bua bantu banudi nutshinka ne: ke banuvua babikile. Lejaku amue malu avua menzeke adi atangila bantu bavua bitabe dibikila dietu ne balue mu Tshivulukilu anyi bayukile ne bana betu bavua bakidila benyi bakeba bantu bavua mua kutuadija kulonga nabu Bible. Leja bateleji mishindu idibu mua kuenza bua kuya kuambuluisha bantu bavua babuele mu Tshivulukilu. (Tangila km 3/06, dib. 1, tshik. 5; km 2/05, dib. 4, tshik. 9; km 2/04, dib. 5, tshik. 16.) Lomba bateleji bua kuya kutangila bantu abu diakamue.

Min. 15: Bala Annuaire 2007 ne umulame bimpe. (Binuikale nende.) Muyuki ne diyukidilangana ne bateleji. Leja malu manene adi mu “Mukanda wa kudi Kasumbu Kaludiki” udi mu tshisakidila. Leja malu manene a mu “Luapolo lua pa buloba bujima.” Dianjila kusungula bamanyishi ndambu bua baleje luapolo ne malu adi menzeke adibu bamone ne: adi akolesha bantu ku muoyo, akolesha kabidi ditabuja diabu. Lomba bena mu mêku onso bua kubala mukanda eu wonso mujima ku kakese ku kakese munda mua tshidimu etshi tshijima. Leja ngenyi ya mushindu utudi mua kuambuluisha bantu batudi tulonga nabu Bible bua kubuela mu bulongolodi bua Yehowa ne kuikala babuela mu bisangilu. Nuenu kanuyi ne Annuaire 2007, nudi mua kuangata nansha Annuaire 2006.

Musambu 179 ne disambila dia ndekelu.

[Mêyi adi kuinshi]