Mushindu wa kufila bibejibeji

(Nuangate bia Mfualansa bikala bia Tshiluba kabiyiku)

Tshibumba tshia Nsentedi 1 Luab.

“Dituku dionso edi, tutu tumvua ngumu ya makenga, ya masama ne ya lufu. Ukadiku mudiebeje ne: malu aa neajikeku anyi? [Lekela muntu andamune.] Mvese eu ukadi muambuluishe bantu ba bungi bua kutekemenabu malu malenga. [Bala Yone 3:16.] Tshibejibeji etshi tshidi ne tshiena-bualu ne: ‘Mudi lufu lua Yezu mua kukusungila.’”

Réveillez-vous! Luab.

“Udi wela meji ne: kuitabakana malu bua buôwa kudiku mua kutuenzela bimpe anyi bibi? [Lekela muntu andamune.] Tangila bualu buimpe budi Bible utuambila ebu. [Bala Yeshaya 65:11.] Tshiena-bualu etshi tshidi tshiakula tshileja bikala ditabakana malu bua buôwa dikale dipetangana ne tshidi Bible ulongesha.” Leja muntu tshiena-bualu tshidi mu dibeji dia 10.

Tshibumba tshia Nsentedi 1 Tshisa.

“Udiku musue kumona muakumbana bualu ebu anyi? [Bala Yeshaya 2:4. Pashishe ulekele muntu andamune.] Ikala mumanye ne: Nzambi neadikuatshile malu mu bianza, neajikije ‘bilumbu bia’ bantu. Bible udi uleja muikala Nzambi mua kuluangana mvita idibu babikila ne: Armagedone; mvita eyi neyijikije mvita mikuabu yonso. Tshibejibeji etshi tshidi tshiumvuija tshidi Armagedone, ne bua tshinyi tudi ne bua kukeba bua alue.”

Réveillez-vous! Tshisa.

“Ukadiku mumone ne: mpindieu tudi mu matuku adibu bumvuija mu mvese eu anyi? [Bala 2 Timote 3:1-4. Pashishe ulekele muntu andamune.] Kudi bualu buimpe budi butusaka bua kuelela matuku a ku nshikidilu meji a bungi, bualu padiwu alua, bidi bileja ne: malu mimpe akadi pabuipi. Tshibejibeji etshi tshidi tshiumvuija bualu abu.”