Ndongamu wa Bisangilu bia Mudimu

Lumingu lua dia 9 Kabalashipu

Musambu 121

Min. 10: Mamanyisha a mu tshisumbu. Angata ngenyi idi mu dibeji 4 anyi mikuabu idi miakanyine teritware wenu, wenzeja nayi dinaya dia tshilejilu dia mushindu wa kufila Tshibumba tshia Nsentedi tshia dia 1 Kabalashipu ne Réveillez-vous! wa Kabalashipu.

Min. 20: Mushindu wa kudilongolola bua kulombola dilonga dia Bible. Muyuki muangatshila mu Mudimu wetu wa Bukalenge wa Tshimungu 2004 dibeji dia 1. Ku ndekelu, wenzeja dinaya dia tshilejilu mudi mumanyishi wa lumu luimpe udilongolola ne lukasa luonso bua kulombola dilonga dia Bible. Pashishe wenzeja dikuabu ne mukuabu, yeye udi udilongolola bimpe bimpe ulonda ngenyi idi mileja mu Mudimu wetu wa Bukalenge.

Min. 15: “Kulekedi kuyisha.”a Pikalaku dîba lomba bateleji bua bumvuija mvese mifila. Umvuija ne: nansha mudi bantu ba bungi bitaba bua kuyikila nabu, anu bakese ke batu bitaba bua kulonga Bible ne muoyo mujima. Bantu ba mushindu eu ke batudi tukeba katuyi tulekela.

Musambu 201

Lumingu lua dia 16 Kabalashipu

Musambu 90

Min. 10: Mamanyisha a mu tshisumbu ne makuabu makanyine a mu Mudimu wetu wa Bukalenge. Vuluija bateleji bua balua ne Tshibumba tshia Nsentedi tshia dia 1 Kashipu ne Réveillez-vous! wa Kashipu mu Tshisangilu tshia Mudimu tshia lumingu lualua ne badilongolola pa mishindu ya kubifila mu buambi.

Min. 15: Leja bantu bulenga bua lumu luimpe. Muyuki ne diyukidilangana ne bateleji diangatshila mu mukanda wa Kalasa ka mudimu dibeji dia 159. Lomba bateleji bua bambe malu adi matonde bantu ba mu teritware wenu bua mpindieu. Konka ngenyi idi mimpe ya mua kuyikila bua ntatu ayi.

Min. 20: “Dîku diebe ndidilongolole bua kupanduka anyi?”b Pikalaku dîba lomba bateleji bua bumvuija mvese mifila.

Musambu 54

Lumingu lua dia 23 Kabalashipu

Musambu 140

Min. 10: Mamanyisha a mu tshisumbu. Bala luapolo lua konte ne mukanda udi munutumina bua kunuela tuasakidila bua mapa enu. Leja mikanda ituafila mu Kabalashipu ne wenzeja dinaya dimue dia tshilejilu.

Min. 20: Nsombelu mulenga wa disanka: Bumpanda-njila bua pa tshibidilu. Muyiki muangatshila mu Tshibumba tshia Nsentedi tshia dia 15 Tshiongo 2008 dibeji dia 17-19. Pikalaku mushindu, udi mua kuela bampanda-njila ba pa tshibidilu babidi nkonko, umue mupiamupia ne mukuabu wa kale wa bidimu bia bungi. Ubalombe balonde masanka akadibu bapetele ku mudimu eu wa mushinga mukole.

Min. 15: Tudilongolola bua kufila bibejibeji bipiabipia. Diyukidilangana ne bateleji. Wewe mujikija kuenza tshikepeshilu tshia Tshibumba tshia Nsentedi tshia dia 1 Kashipu ne Réveillez-vous! wa Kashipu, nkonka bateleji baleja biena-bualu bidi mua kukoka nabi ntema ya bantu badi mu teritware wenu ne bua tshinyi. Lomba bateleji baleja ngenyi misunguluke mu biena-bualu abi bidibu balongolola bua kufila. Ndukonko kayi ludibu balongolola bua kutuadija nalu muyiki? Mvese kayi udi mu tshiena-bualu atshi wabalabu? Wenzeja dinaya dia mushindu wa kufila tshibejibeji tshionso ne ngenyi idi mu Mudimu wetu wa Bukalenge anyi ne ngenyi mikuabu.

Musambu 82

Lumingu lua dia 30 Kabalashipu

Musambu 97

Min. 10: Mamanyisha a mu tshisumbu. Vuluija bateleji bua kufila luapolo luabu lua mudimu bua ngondo 6.

Min. 20: Mushindu wa kuyikila bimpe ne bantu. Muyiki ne diyukilangana ne bateleji diangatshila mu mukanda wa Kalasa ka mudimu kutuadijila mu dibeji dia 62 tshikoso 4 too ne mu dia 64. Uleja mudi ngenyi ayi mikumbanyine teritware wenu. Usungula muanetu utu mumanyike mudiye mupepele bua kutuadija muyiki ne bantu ku nzubu ne ku nzubu anyi mu diyisha padi mpunga umueneka bua umuela nkonko mu tshikoso.

Min. 15: Udi muvuluke anyi? Diyukidilangana ne bateleji dimanyine pa Tshibumba tshia Nsentedi tshia dia 15 Tshisanga 2008 dibeji dia 29.

Musambu 179

Lumingu lua dia 7 Kashipu

Musambu 125

Min. 10: Mamanyisha a mu tshisumbu.

Min. 15: Utu utumikila malu audi ulonga paudi mu buambi anyi? Diyukidilanga ne bateleji. Wambulule imue ngenyi idi mikumbanyine idi mu Tshibumba tshia Nsentedi tshia dia 15 Kasuabanga 2007 dibeji dia 21 too ne dia 25 mu tshiena-bualu tshia ne: “Ikala ne ngikadilu yakuambuluisha bua kuvuija bantu bayidi.” Usungule tshikoso 3, 13-19. Mu nkonko iwela ayi wela kabidi ne nkonko bu eyi: Mmushindu kayi uutu uleja lutulu kumpala kua mulongi wa Bible? Ntshinyi tshivua tshikuambuluishe bua wewe kumona ne: udi muambuluishe mulongi au mu mushindu udi ukengela? Bua tshinyi ki mbimpe kupitshisha dîba ne bantu badi kabayi baya kumpala? Tshinyi tshiutu wenza bua kubenga kuakula bikole? Tshinyi tshitudi ne bua kuenza bua ‘tumanye kulongesha’? Mmushindu kayi uudi mua kutumikila dilongesha didi mu foto udi mu dibeji dia 23 paudi ulongesha baledi Bible (leja mushindu udi muledi mua kutuadija kulongesha ne muanende)? Umvuija mudi divuija bantu bayidi dikala mudimu wa tshisumbu tshijima.

Min. 20: “Padi utudi tupeta wakula muakulu muenyi.”c Tshienza mutangidi wa mudimu. Panudi nufika mu tshikoso 2, manyisha bantu bua bisumbu bia miakulu mikuabu bidi bienza pabi mudimu mu teritware wenu. Leja kabidi mushindu unudi bumvuangane bua kuambuluishangana ne bisumbu bikuabu abi panudi mu buambi.

Musambu 188

[Mêyi adi kuinshi]