Ndongamu wa Bisangilu bia Mudimu

Lumingu lua dia 8 Kabitende

Musambu 204

Min. 10: Mamanyisha a mu tshisumbu. Konka bateleji biena-bualu bia bibejibeji bia matuku aa bivua bitambe kusankisha bantu mu teritware wenu. Ubalombe bua baleje tukonko tuvuabu bele bantu ne mvese ivuabu bababadile bua kubaleja biena-bualu abi. Enzeja dinaya didi dileja mushindu uvuabu mua kufila tshionso tshia ku bibejibeji abi.

Min. 15: Ambuluisha balongi ba Bible bua balue balongeshi. Muyuki muangatshila mu Tshibumba tshia Nsentedi tshia dia 15 Tshiongo 2007, dibeji dia 29-30, tshikoso tshia 14-20. Enzeja dinaya dia mu tshikoso dia mumanyishi umvuija mulongi wa Bible mupiamupia mushindu utu muyuki wa patoke ne dilonga dia Tshibumba tshia Nsentedi bienzeka, pashishe umubikila bua kubuelamu.

Min. 20: Mua kutantamena meji mabi atubu batuelela mu buambi. Muyuki wenzabu kudi mukulu muangatshila mu malu akadibu bapatula mu mikanda yetu a mushindu udi meji a nunku mua kunyanga mudimu wetu. Umvuija mutudi mua kupita meji mabi a nunku bukole. Bikadilu bietu bimpe mu buambi anyi patudi mu malu etu makuabu bidi imue misangu mua kutuambuluisha bua kutantamena meji mabi atu bantu batuelela ne kubafikisha ku ditaba bulelela. Nanku, mbitambe buimpe bua kudimukila ngakuilu wetu ne bienzedi bietu misangu yonso. (1 Pet. 2:12; 3:1, 2) Londaku bilejilu bikese bia bana betu kampanda ba muaba unudi anyi bidi mu mikanda yetu bidi bileja mushindu wa kutshimuna meji mabi a nunku.

Musambu 127

Lumingu lua dia 15 Kabitende

Musambu 94

Min. 10: Mamanyisha a mu tshisumbu ne makuabu makanyine a mu Mudimu wetu wa Bukalenge.

Min. 20: Mmushindu kayi utuvua benze mudimu wetu tshidimu tshishala? Muyuki ne diyukidilangana ne bateleji wenzabu kudi mutangidi wa mudimu anyi kudi mukulu mukuabu udi mua kuwenza bimpe. Leja muvua mudimu wenu wa buambi wa tshidimu tshia mudimu tshishale; utambe kuleja malu mimpe anuvua benze. Wele bana betu kalumbandi kadi kabakumbanyine. Udianjile kulongolola mumanyishi umue anyi babidi bua bambaku malu adi akankamija bakuabu avuabu bapete. Leja bualu bumue anyi abidi adi tshisumbu ne bua kukumbaja tshidimu tshinudi nubanga ne ubaleje bidibu ne bua kuenza bua kuakumbaja.

Min. 15: Mmushindu kayi undi mua kujadikila bantu ne: bintu bionso mbifukibue? Muyuki wa kuangatshila mu mikanda yetu. Lomba bateleji bua baleje muvuabu bajadikile bantu mu kalasa, ku mudimu anyi muaba kayi onso ne: bintu bionso mbifukibue. Udi mua kudianjila kulongolola muanetu umue anyi babidi bua bumvuije muakenzabu nanku.

Musambu 51

Lumingu lua dia 22 Kabitende

Musambu 104

Min. 10: Mamanyisha a mu tshisumbu. Bala luapolo lua konte ne mukanda udi biro binutumine bua kunuela tuasakidila. Umvuija mukanda udi biro bifunde udi mu dibeji dia 1.

Min. 20: Mudimu wenu udi ne difutu. Muyuki wa mu Tshibumba tshia Nsentedi tshia dia 15 Tshisanga 2005, kubangila mu dibeji dia 28 tshikoso 5 too ne ku ndekelu kua dibeji dia 29. Lomba mumanyishi wa tshisumi umue anyi babidi bua kulonda mushindu uvua Yehowa mumupeshe bintu bivuaye nabi dijinga anyi muvuaye mumukoleshe.

Min. 15: Tudilongololayi bua kufila Tshibumba tshia Nsentedi tshia dia 1 Kasuamansense ne Réveillez-vous! wa Kasuamansense. Umvuija malu adi mu bibejibeji ebi mu tshikoso, nunku webeje bateleji biena-bualu bidi mua kusankisha bantu bikole mu teritware wenu. Nnkonko kayi idibu mua kuela bantu ne mvese kayi idibu mua kubabadila bua kubaleja biena-bualu abi? Enzeja dinaya dia tshilejilu dia mutudi mua kulonda lumue lua ku ngenyi ya mu Mudimu wetu wa Bukalenge ya mua kufila bibejibeji. Sungula mukulu umue bua enze dinaya edi mu tshikoso dikalaye mulongoluele pa tshimue tshia ku biena-bualu bia mu bibejibeji tshidi tshikumbanyine teritware wenu.

Musambu 190

Lumingu lua dia 29 Kabitende

Musambu 45

Min. 10: Mamanyisha a mu tshisumbu. Vuluija bamanyishi bua kufilabu luapolo luabu lua mudimu lua ngondo wa 9. Udianjile kulongolola bua mumanyishi umue anyi babidi balondaku malu mimpe avuabu bapete pavuabu bayishe pavua mpunga mumueneke tshikondo tshia mpungilu wa distrike anyi tshivuabu mu dikisha.

Min. 15: Majinga a tshisumbu.

Min. 20: “Mudimu wa pa buawu wa diabanya trakte mu dia 20 ngondo wa 10 too ne dia 16 ngondo wa 11.”a Binuikala bamane kupeta trakte eyi, nupeshe muntu yonso udi mu bisangilu trakte umue. Udi mua kumvuija malu makese adi mu trakte emu paudi ufika mu tshikoso 2. Paudi ufika mu tshikoso 4, enzeja dinaya dia kuleja mushindu wa kumufila mu buambi. Panudi nufika mu tshikoso 5, wenzeje dinaya dia tshilejilu dia muambi wa lumu luimpe upinganyina muntu uvuaye mushile trakte eu bua kutuadija kumulongesha Bible.

Musambu 9

Lumingu lua dia 6 Kasuamansense

Musambu 15

Min. 10: Mamanyisha a mu tshisumbu.

Min. 15: Mandamuna a nkonko yenu. Diyukidilanga ne bateleji. Umvuija malu adibu baleje mu Tshibumba tshia Nsentedi tshia dia 15 Kabalashipu 2005, dibeji dia 20-22, tshikoso tshia 10-16.

Min. 20: “Tulongeshe bantu bua kunanga Yehowa.”b Pikalaku dîba, lomba bateleji bumvuije mvese idibu kabayi batele mêyi ayi.

Musambu 132

[Mêyi adi kuinshi]