Mushindu wa kufila bibejibeji

(Nuangate bia Mfualansa bikala bia Tshiluba kabiyiku)

Tshibumba tshia Nsentedi 1 Kasuam.

“Bena dimanya ba bungi badi bitaba mushinga udi nawu tatu mu dîku. Buebe wewe, ntshinyi tshidi tshivuija muntu tatu mulenga? [Lekela muntu andamune.] Yezu wakaleja muvua tshilejilu tshia Tatu wende tshimuambuluishe. [Bala Yone 5:19.] Tshiena-bualu etshi tshidi tshileja malu 6 a mushinga mukole adi tatu ne bua kuenza.” Umuleje tshiena-bualu tshidi mu dibeji dia 18.

Réveillez-vous! Kasuam.

“Bena mu bitendelelu bia bungi kabatu bamona Nzambi mushindu umue to. Kadi Yezu Muana wa Nzambi uvua yeye umumona munyi? Tangila tshivua Yezu muambe mu Yone 4:24. [Bala.] Badi bumvuija bimpe tshidi Bible wamba bua lukonko elu mu mabeji abidi patupu a tshibejibeji etshi; lukonko ludi ne: “Nzambi utu mushindu kayi?” Leja muntu tshiena-bualu tshidi mu dibeji dia 24 ne dia 25.

Tshibumba tshia Nsentedi 1 Kasuab.

“Bantu ba bungi batu ne lutatu lua kutuangaja dilongesha dia ne: Nzambi ngua dinanga ne dia diela bantu mu mudilu bua kubakengesha tshiendelele. Udi wela pebe meji kayi bua bualu ebu? [Lekela muntu andamune.] Bible udi uleja patoke ne: Nzambi katu muena muoyo mubi anyi mukengeshi wa bantu babi to. [Bala Yehezekele 18:23.] Mvese ya mu Bible idibu beleshangana nayi meji mu tshibejibeji etshi pa bualu ebu neyikusankishe.”

Réveillez-vous! Kasuab.

“Bantu ba bungi batu bamona ne: bua kuikala ne disanka mbimpe kuikala ne lumu, kuikala ne makuta anyi ne bumfumu. Wewe udi wela meji kayi? [Lekela muntu andamune.] Tangila tshidi Bible wamba bua tuetu kupeta diakalenga. [Bala Musambu wa 1:1-3.] Tshiena-bualu etshi tshidi tshileja malu 6 adi mua kufikisha muntu ku disanka.” Leja muntu tshiena-bualu tshidi tshibangila mu dibeji 6.