Mushindu wa kufila bibejibeji

(Nuangate bia Mfualansa bikala bia Tshiluba kabiyiku)

Tshibumba tshia Nsentedi 1 Tshiongo

“Udiku wela meji ne: Nzambi utu pende unyingalala bua mudi bantu banyanga buloba ne kapepa lelu eu anyi? [Lekela muntu andamune. Pashishe ubale Buakabuluibua 11:18.] Tshiena-bualu etshi tshidi tshileja malu adi mua kutusaka bua kutekemena malu mimpe pa buloba apa.” Leja tshiena-bualu tshidi mu dibeji 18.

Réveillez-vous! Tshiongo

“Padi bantu ba bungi batuilangana ne ntatu batu bela meji ne: Nzambi ke udi ubanyoka. Ukadiku pebe muele meji nanku anyi? [Lekela muntu andamune. Pashishe bala Yakobo 1:13.] Tshiena-bualu etshi tshidi tshileja kudi ntatu yetu mifumine ne tshitudi ne bua kushadila batekemene ne: neyijike mu katupa kîpi emu.” Leja tshiena-bualu tshidi mu dibeji dia 28.

Tshibumba tshia Nsentedi 1 Luishi

“Udi wela meji ne: Nzambi mmuanyishe ntendelelu yonso idiku eyi anyi? [Lekela muntu andamune.] Mona tshivua Yezu yeye muleje. [Bala Matayo 15:8, 9.] Tshiena-bualu etshi tshidi tshituambuluisha bua kumanya Nzambi ni utu wanyisha bitendelelu bionso.” Leja tshiena-bualu tshidi mu dibeji dia 9.

Réveillez-vous! Luishi

“Bionso bidi pa buloba bidi bileja ne: buvua bufukibue bua bantu bikalapu ne muoyo. Udiku wela meji ne: bionso ebi mbidiluile anu ku mpukampuka anyi bidiku ne Udi mubifuke? [Lekela muntu andamune.] Bantu ba bungi batu bitaba tshidi mvese eu wamba. [Bala Musambu 104:24.] Tshibejibeji etshi tshidi tshiumvuija malu a sianse ne a mu Bible adi ajadika ne: bintu bionso bidi ne Udi mubifuke.”