Mushindu wa kufila bibejibeji

(Nuangate bia Mfualansa bikala bia Tshiluba kabiyiku)

Tshibumba tshia Nsentedi 1 Tshisanga

“Bamue bantu batu bela meji ne: tshidi tshifikila muntu ne muntu ntshikavua tshimana kumufundila, bakuabu pabu ne: tshidi tshifikila muntu yonso ntshidiye mudikebele. Wewe utu wamba bishi? [Lekela muntu andamune.] Teleja tshidi mvese eu wamba. [Bala Muambi 9:11.] Tshiena-bualu etshi tshidi ne diandamuna dia mu Bible dia lukonko lua ne: ‘Malu adi atufikila ngakavuabu badianjile kutufundila anyi?’” Leja muntu tshiena-bualu tshidi mu dibeji dia 26.

Réveillez-vous! Tshisanga

“Mabaka a bungi lelu adi afua bua padi mulume anyi mukaji wenda masandi. Kuenaku wela meji ne: bantu bobu batumikile mvese eu udi mua kubambuluisha bua mabaka abu kubengawu kufua anyi? [Bala Matayo 5:28. Pashishe lekela muntu andamune.] Tshibejibeji etshi tshidi tshileja mêyi a mu Bible adi mua kuambuluisha bantu badi baselangane bua kuepuka buteyi bua kulekela muena dibaka wende.” Leja muntu tshiena-bualu tshidi mu dibeji dia 28.

Tshibumba tshia Nsentedi 1 Lumungulu

“Buebe wewe, ntshinyi tshidi mua kupangisha muntu bua kuitabuja Nzambi? [Lekela muntu andamune.] Bilondeshile mvese eu, ditabuja didi ne mushinga. [Bala Ebelu 11:6.] Tshibejibeji etshi tshidi tshileja malu anayi atudi mua kuenza bua kukolesha ditabuja dietu.”

Réveillez-vous! Lumungulu

“Bantu ba bungi lelu badi banua manga mu mushindu mubi. Udi wela meji ne: badi benza nunku bua tshinyi? [Lekela muntu andamune.] Bible udi uleja bualu bunene butu bufikisha ku lutatu elu, nangananga bua bana. [Bala Nsumuinu 13:20.] Tshibejibeji etshi tshidi tshileja mushindu uudi mua kudilama wewe ne dîku diebe ku tshilele etshi tshidi tshitampakane lelu.”