Mua kufila bibejibeji

(Nuangate bia Mfualansa bikala bia Tshiluba kabiyiku)

Tshibumba tshia Nsentedi 1 Kasuamansense

“Bantu ba bungi lelu kabena bitabuja Nzambi to. Ku diebe dimona, bidi nanku bua tshinyi? [Lekela muntu andamune.] Mvese idi ilonda eyi idi ileja bumue bualu budi mua kubafikisha ku dikala nanku. [Bala Habakuka 1:2, 3.] Tshiena-bualu etshi tshidi tshiambuluisha bua kuandamuna imue nkonko idi itangila Nzambi idi mifikishe bantu ku dibenga malu a Nzambi.” Leja muntu tshiena-bualu tshidi mu dibeji dia 11.

Réveillez-vous! Kasuamansense

“Udiku witaba ne: bena mu mêku badi ne ntatu ya bungi lelu anyi? [Lekela muntu andamune.] Bantu ba bungi ki mbamanye ne: mu Bible mudi mibelu milenga idi mua kubambuluisha to. Tangila tshilejilu tshimue. [Bala umue wa ku mvese idi mu tshibejibeji etshi.] Nimero wa Réveillez-vous! eu wa pa buende udi mua kuambuluisha bua kupeta nsombelu wa disanka mu dîku ne kutantamena ntatu ya mishindu mishilashilangane.”

Tshibumba tshia Nsentedi 1 Kasuabanga

“Udiku wela meji ne: malu onso atubu balongesha mu bitanda adi afumina mu Bible anyi? [Lekela muntu andamune.] Bible udi utudimuija bua tudimuke bua kabalu kutudinga ne malongesha a dishima. [Bala Kolosai 2:8.] Mu tshibejibeji emu mudi malongesha asambombo atu bantu ba bungi bitaba adi kaayi a mu Dîyi dia Nzambi to.”

Réveillez-vous! Kasuabanga

“Biamu bia bungi bidi bantu bapatule bu mudi telefone, ordinatere mbilue bintu bia tshibidilu mu nsombelu. Udiku wela meji ne: biamu ebi bidiku bitupetesha dîba anyi bidi bididia? [Lekela muntu andamune.] Bantu ba bungi badi ne bua kuitaba mubelu eu wa kukuata mudimu ne dîba diabu ne meji. [Bala Efeso 5:15, 16.] Tshibejibeji etshi tshidi tshileja mutudi mua kukuata mudimu ne biamu ebi ne nkatshinkatshi ne mu mushindu muakanyine.”