Ambuluisha muntu unudi nuyisha nende ku nzubu ne ku nzubu
1. Tela masanka adi bantu bapeta padibu bayisha babidi babidi.
1 Umue musangu Yezu wakatuma bayidi bende 70 bua kuyisha, ‘kubatuma ku babidi ku babidi.’ (Luka 10:1) Biakabambuluisha bua kukuatshishangana ne kukoleshangana ku muoyo pavuabu bayisha. Tudi mua kuenza tshinyi bua kuambuluisha petu muntu utudi tuya nende mu buambi?
2. Leja tshitudi mua kuenza ne bua tshinyi tudi ne bua kutshienza padi muntu utudi bende nende wakula.
2 Ikala uteleja: Padi mukuenu wakula, umuteleje bimpe. (Yak. 1:19) Padibu babala mvese, umubale pebe mu Bible webe. Tangila muntu udi wakula, ni ngunudi bende nende, ni ngunudi nuyisha. Wewe uteleja bidi muanenu wamba, muntu unudi nuyisha neamuteleje pende.
3. Ndîba kayi didi muanetu mua kusanka bua tuetu kuakula?
3 Umanye dîba dia kuakula: Padi muntu utudi nende uyisha, tumulekele akule bua kumuleja kanemu. (Lomo 12:10) Katumukoshi ku mêyi to. Padiye upua malu a kuamba muoyo anyi padi muntu udiye uyisha usua kubenga anyi wela lukonko mpindieu yeye utulomba bua tumuambuluishe, netuakule, kadi katuyi tushintulula tshiena-bualu to. (Nsu. 16:23; Muam. 3:1, 7) Malu atudi tuamba ikala umvuangana ne tshiena-bualu tshia muanetu.—1 Kol. 14:8.
4. Tshienza bua tupete disanka mu buambi ntshinyi?
4 Pakajikija bayidi 70 kuyisha, ‘bakapingana ne disanka.’ (Luka 10:17) Tuetu petu netupingane ne disanka patuikala tuteleja ne bamanye dîba dia kuakula patudi ne muanetu mu buambi bua ku nzubu ne ku nzubu.