“Ndi muenze mêba anga?”

Ukadiku mudiele lukonko elu anyi? Ngenyi minene idi mu mukanda wa Bulongolodi, mu dibeji dia 86-87. Batu bafila ngenyi mikuabu, bu mudi mu Mandamuna a nkonko yenu mu Mudimu wetu wa Bukalenge wa Kabitende 2008. Kadi bu mudi nsombelu mikale mishilangane, kakuena mulongolongo wa mikenji to. Nunku ki mbimpe bua bakulu anyi bantu bakuabu kusakidila ngenyi mikuabu to.

Padi lukonko lujuka kadi kabayi baleje tshia kuenza mu mikanda yetu, mumanyishi yonso adiele nkonko eyi: Mvua mupitshishe dîba adi mu buambi anyi? Mvua mupitshishe dîba adi mu dienza bualu budi kabuyi butangila mudimu wa buambi menemene anyi? Malu onso atudi tufunda mu luapolo luetu ngondo yonso ikale atupesha disanka, kaikadi akengesha kondo ketu ka muoyo to. (Bien. 23:1) Tshidibi, tumanyayi ne: tshidi ne mushinga kumpalampala ki nkubala kua mêba a mu buambi to, kadi malu atudi tuenza ne muoyo mujima mu mêba au.​—Eb. 6:11.