Mudi diyisha ne tumatempu diambuluishe pa buloba bujima

Bienzedi nshapita muitanu udi uleja ne: bena Kristo ba kumpala bakaya ku ntempelo, muaba uvuabu mua kupeta bantu ba bungi, bua kumanyisha lumu luimpe. (Bz 5:19-21, 42) Lelu, diyisha ne tumatempu miaba idi bantu ba bungi ndipatule bipeta bimpe.

NUTANGILE FILME WA MUDI DIYISHA NE TUMATEMPU DIAMBULUISHE PA BULOBA BUJIMA, PASHISHE NUANDAMUNE NKONKO EYI:

• 

  Diyisha ne tumatempu diakatuadija dîba kayi? Bavua bayisha natu mushindu kayi?

• Diyisha ne tumatempu ndipatule bipeta kayi bimpe kupita diyisha ne mêsa?

• Bualu bua Mi Jung You budi butulongesha tshinyi?

• Mmunyi mudi bualu budi Jacob Salomé mulonde buleja mushinga udi nawu kuyisha ne kaditempu?

• Bualu budi Annies ne bayende balonde budi butulongesha tshinyi bua mushindu wa kuyisha bimpe ne kaditempu?