Mvita mmibi menemene

“Mu mvita bantu bafua anyi batapika bibi menemene, kakuyi bukubi to.”​—Gary wa mu Grande-Bretagne.

“Bavua basa bantu masashi panyima panyi ne kumpala kuanyi, meme kumona muvua bantu ba bungi, bana ne bakole, bafua. Mvita idi mua kukushiya kutshiyi umona kabidi dikenga ne lufu bu bualu to.”​—Wilmar wa mu Colombie.

“Bobu base muntu disashi mu mêsu ebe, bualu abu nebushale mu lungenyi luebe, wenda umona muvuaye ukenga ne udila pavuabu bamuase apu. Kuakupua bualu abu muoyo to.”​—Zafirah wa mu États-Unis.

“Mvua mumone bu ne: tshia kuikala kabidi ne disanka to. Mvua ne buôwa bua ne: bavua mua kunshipa meme ne bena mu dîku dietu ne balunda banyi.”​—Oleksandra wa mu Ukraine.

“Tuvua ne buôwa bua bungi bualu tuvua ne bua kuela mulongo, tushala bindile bua kuangata biakudia, kumbukila mu dîba 2:00 wa butuku too ne mudia 23:00 wa butuku. Tuvua anu ne buôwa, tuela meji ne: bavua mua kutuasa masashi dîba kayi dionso.”​—Daler wa mu Tajikistan.

“Baledi banyi bakafua mu mvita, meme kushala muana wa nshiya, tshiyi wa kunsamba anyi wa kuntabalela.”​—Marie wa mu Rwanda.