Dîna dia Nzambi nYezu anyi?

Diandamuna dia mu Bible

Yezu wakakula bua bualu buende pavuaye mutele tshiambilu tshia ne: “Muana wa Nzambi.” (Yone 10:36; 11:4) Yezu katu muanji kudiangata bu Nzambi Wa Bukole Buonso nansha.

Kabidi, Yezu uvua usambila Nzambi. (Matayi 26:39) Wakalongesha bayidi bende bua kusambila mushindu eu: “Tatu wetu udi mu diulu, dîna diebe dijidibue.”​—Matayi 6:9.

Yezu wakaleja dîna dia Nzambi pavuaye mutele mvese wa kale wa mu Mifundu eu wamba ne: “Teleja, wewe Isalele, Yehowa Nzambi wetu udi Yehowa umue.”​—Mâko 12:29; Dutelonome 6:4.