Buebe wewe, Bible ntshinyi?
Udi wela meji ne . . .
mmukanda wa meji a bantu anyi?
mmukanda wa nsumuinu ne malu a kale anyi?
N’dîyi dia Nzambi anyi?
TSHIDI BIBLE WAMBA
“Dîyi dionso didi mu Mifundu ndifundisha kudi Nzambi ku bukole bua nyuma wende.”—2 Timote 3:16, Nkudimuinu wa bulongolodi bupiabupia.
BIBLE UDI MUA KUKUAMBULUISHA BUA KUPETA
Mandamuna mimpe a nkonko minene itu bantu badiela.—Nsumuinu 2:1-5.
Mibelu mimpe mu malu ebe onso a ku dituku ne ku dituku.—Misambu 119:105.
Ditekemena dilelela bua matuku adi kumpala eku.—Lomo 15:4.
TUDI NE BUA KUITABA TSHIDI BIBLE WAMBA ANYI?
Eyowa, bua malu asatu aa:
Diumvuangana dia malu didi dikemesha. Batu bafunde Bible kudi bantu batue ku 40, munkatshi mua bidimu bipite pa 1 600. Ba bungi ba kudibu kabavua bamanyangane to. Pabi, malu onso adi mu Bible adi umvuangana; mudi anu tshiena-bualu tshimue tshinene.
Miyuki milelela. Bafundi ba malu a kale batu batamba kusokoka muvuabu batshimune bena ditunga diabu. Kadi bafundi ba Bible bobu mbaleje bilema biabu ne bia bena ditunga diabu.—2 Kulondolola 36:15, 16; Musambu 51:1-4.
Malu adi Bible ulaya atu anu akumbana. Tshilejilu, Bible uvua muakule bua dibutuka dia tshimenga tshia Babilona bidimu bitue ku 200 kumpala kua kubutulabu tshimenga atshi. (Yeshaya 13:17-22) Bible uvua muleje muvuabu mua kukuata Babilona, kuleja too ne dîna dia mfumu uvua ne tshia kulua kukuata Babilona!—Yeshaya 45:1-3.
Malu makuabu a bungi avuabu balaye mmakumbane too ne mu katoba. Ki mmudi Dîyi dia Nzambi ne bua kuikala anyi?—2 Petelo 1:21.
LUKONKO LUA KUELELA MEJI
Dîyi dia Nzambi didi mua kulengeja nsombelu webe mushindu kayi?
Bible udi wandamuna lukonko elu mu YESHAYA 48:17, 18 ne mu 2 TIMOTE 3:16, 17.