Filayi Bibejibeji Mu Tshikondo Kayi Tshionso

 ¹ Tudi ne tubingila tulelela bua kuambika Tshibumba tshia Nsentedi ne Réveillez-vous! mushinga. Mbibejibeji kayi bikuabu bidi bikoka ntema ya bantu nunku pa buloba bujima? Ngondo eu, anu biobi ke bituatamba kufila; malu mafunda mu nimero ya Kasuamansense adi alenga mutshima. Pa tshibidilu, tutu tufila bibejibeji bia bungi mu mudimu wa ku nzubu ne ku nzubu, kadi tudilongolole bua kubifila kabidi mu tshikondo kayi tshionso tshiakanyine.

 ² Muikale ne “Tshibumba tshia Nsentedi” tshia dia 1 Kasuamansense, ukoke ntema pa tshiena-bualu tshia “Bulongolodi  bukena  mvita​—⁠tshikondo kayi?,” pa kuamba ne:

◼ “Ba bungi badi badiebeja bua tshinyi bidi bimueneka bikole bua kuasa bulongolodi bukena mvita nansha mudi bantu benza madikolela muabu muonso. Udi wela meji kayi bua malu mafunda mu dibeji 5 dia Tshibumba tshia Nsentedi tshia dia 1 Kasuamansense etshi? [Bala biambilu bia kumpala bia mu bikoso bibidi bia kumpala muinshi mua ka-tshiena-bualu aka: “Bitendelelu​—⁠Tshipumbishi tshinene,” ne indila diandamuna.] Bushuwa, ki mbuena kuamba ne: mvita neyikaleku bua kashidi. Tangila dilaya edi dia Nzambi difunda mu Yeshaya 9:​6, 7.” Bala mufundu eu mu Bible webe anyi mushindu udiwu mutela mu Tshibumba tshia Nsentedi. Amba mu tshikoso ne: Tshibumba tshia Nsentedi tshidi tshimanyisha ne: Bukalenge bua Yehowa ke ditekemena dimu’epele bua kuasa bulongolodi bua ditalala, ne kankamija muntu eu bua kubalaye tshiena-bualu etshi.

 ³ Bua kuleja “Réveillez-vous!” wa dia 22 Kasuamansense, udi mua kuamba  ne:

◼ “Udi wela meji kayi bua lukonko elu, pa dibeji dia kumpala dia tshibejibeji etshi: ‘Pourquoi la vie est-elle si courte?’ (Bua tshinyi matuku a muoyo mmakese nunku?) [Indila diandamuna.] Tshiena-bualu etshi tshidi tshiumvuija tshidi bena sianse ne bakuabu bamba pa bidi bitangila dikulakaja, pashishe tshidi tshishindamena pa tshidi Mufuki mulaye, muoyo wa kashidi. Nenganyishe kukushila tshibejibeji etshi, bikalabi bikulengelela bua kutshibala.”

 ⁴ Biwapetangana ne bantu badi basue kuakula pa bitendelelu, bua tshinyi kubenga kuakula mutantshi pa tshiena-bualu tshia mu “Tshibumba tshia Nsentedi” tshia dia 15 Kasuamansense? Imue misangu netshipeteshe diandamuna dilenga.

◼ “Nenjinge kumanya mmuenenu webe pa lukonko elu: Kudiku mushindu wa kunanga Nzambi ne kabidi kumutshina anyi?” Indila diandamuna, ne pashishe ubale diumvuija mu tshiena-bualu etshi: “Bua tshinyi kutshina Nzambi mulelela mpindieu?” (Muambi 12:13) Utumike ne imue ya ku ngenyi-mifuanyikija ya mu dibeji dia 202 dia mu mukanda wa Comment raisonner, ne ufile tshibejibeji etshi biwasunguluja dijinga kampanda dia kumanya bia bungi.

 ⁵ Paudi mu mudimu wa ku nzubu ne ku nzubu, kupitshi magazin makese ne butike nansha. Aba batu bayisha pa tshibidilu mu magazin batu bamba ne: mudimu’eu mmusankishi ne udi upetesha bipeta bilenga. Teta dileja dipepele dia buena didi dilonda edi paudi ufila “Réveillez-vous!” wa dia 8 Kasuamansense:

◼ “Tudi bamanye se: bantu badi benda mushinga bu wewe batu basue kumanya malu adi atangila bena mutumba nabu. Ke bua tshinyi ndi mujadike se: neusue kumanya bivule pa biena-bualu ebi.” Pashishe umvuije mu tshikoso lungenyi kampanda lua mu tshiena-bualu etshi: “Familles monoparentales: comment réussir?” (Dîku dilombola kudi muledi umue: mmunyi mudidi mua kulubuluka?)

 ⁶ Bikala muntu uudi mupetangane nende muikale bushuwa ne mudimu, newikale mua kumuleja bibejibeji ne kuamba  ne:

◼ “Ndi mumone se: kuvua muindile dikumbula lelu’eu nansha, nenku nengipidije mêyi anyi. Ndi musue kukupetesha mushindu wa kubala bualu kampanda bua mushinga.” Zangika tshiena-bualu kansanga tshiudi musungule, ne fila bibejibeji.

 ⁷ Angata note ya ku nzubu ne ku nzubu, ne alukila bua kutangila muntu yonso udi muanyishe mukanda kampanda. Biwasunguluja dijinga kampanda dia kumanya bia bungi pawenza dikumbulula, ulomba dienzeja abonema bua tshibejibeji tshimue peshi bua bionso bibidi. Ikala mudiakaje ne uleje mitalu bua kufila bibejibeji bietu mu tshikondo kayi tshionso tshiakanyine.