Tumanye bidi bifunda mu bibejibeji mu Tshisanga
1 Tshibumba tshia Nsentedi ne Réveillez-vous! bidi ne mukenji udi ukolesha ku muoyo ne ukankamija wa lumu luimpe lua kashidi. Bua kumanya bidi bifunda mu bibejibeji ebi, bidi bikengela kuangata dîba dia kubibala ne ntema ne kuela meji pa mushindu wikala biena-bualu bidimu mua kujula dijinga dia kumanya bivule dia bantu ba mu teritware.
2 Bangabanga, bidi bikengela kuibidilangana ne biena-bualu bidi bizangika pa tshizubu. Pa tshibidilu, bimfuanyi bidi pa dibeji dia kumpala ke bitu bifikisha bantu ku diangata bibejibeji. Tusungule biena-bualu bikala, buetu tuetu, mua kukoka ntema ya bantu batudi tusangana mu teritware wetu. Bantu bavule mbena mu tshitendelelu tshimue anyi? Mmalu kayi adi atamba kubatonda? Bituikala ne ngenyi eyi mu tshieledi tshietu tshia lungenyi, netuikale mua kulongolola dileja dilenga. Tukonkonone adi matupesha kuinshi eku.
3 Biwaleja “Tshibumba tshia Nsentedi” tshia mu dia 1 Kasuamansense 1994, udi mua kuzangika tshiena-bualu etshi: “Bible—Ntshinyi tshidi mushinga wende menemene? ” [biapangikatshi, broshire wa “Monayi,” tshikoso tshia 8 ne tshia 9] ne kuamba ne:
◼ “Bible udi mua kusanganyibua mu mêku bu wonso a mu rejon wetu. Bavule badi ne umue badi bela meji se: udi ne tshintu kampanda tshia mushinga wa pa buawu.” Pashishe udi mua kuela buludiludi lukonko bu mudi elu: “Buebe wewe, ntshinyi tshidi tshisunguluja Bible bu mukanda wa pa buawo?” anyi: “Buebe wewe, ntshinyi tshidi mua kuambuluisha bantu ba bungi bua kulabula masanka adi Bible upetesha? ” Kunyima kua diandamuna dia mukuyukidishi, nudi mua kutungunuka ne diyukidilangana ku diambuluisha dia mamanyisha makumbanyine a mushindu eu: “Kudi bijadiki bikole bidi bileja ne: Bible mmufunda ku spiritu wa Nzambi ne udi mulombodi wa kueyemena. Udi ne dimanya didi mua kutupetesha muoyo wa kashidi. [Kubala Yone 17:3.] Bantu ba bungi batu bamunemeka, kadi ki mbamanye mua kutumika nende. Tshiena-bualu etshi tshia mu Tshibumba tshia Nsentedi anyi broshire wa Monayi tshidi tshiumvuija mushindu uudi mua kukuata mudimu ne Bible pa nkayebe bua kupeta mandamuna ku nkonko iwudi udiela pa bidi bitangila matuku atshilualua. Ndi musue kukushila nimero eu anyi broshire eu. Biwasua kumubala, nenkumvuije mu dikumbula dianyi musangu ulualua mushindu uudi mua kupeta pa tshibidilu Tshibumba tshia Nsentedi kuebe.”
4 Pa kukuata mudimu ne “Tshibumba tshia Nsentedi” tshia mu dia 15 Kasuamansense 1994 [anyi broshire wa “Spiritu ya bafue”], neusue pamu’apa kukuata mudimu ne dileja dipepele bu edi:
◼ “Pa kuamba tuetu buonso tukadi bajimije munangibue wetu kampanda. Tshiena-bualu etshi tshidi tshijula lukonko elu: ‘Nngikadilu kayi udi nende bafue? ’ Buebe wewe, ntshinyi tshidi tshienzeka padi muntu ufua? [Lekela andamune.] Biwajinga kumanya diandamuna dia Bible ku lukonko elu, nensanke bua kukushila tshibejibeji etshi.” Upangadije bua kuleja trakte wa Quel espoir y a-t-il pour nos chers disparus? (Kudi ditekemena kayi bua banangibue betu bakajimina?) bikala mukuyukidishi ukeba kubala malu mu tshikoso.
5 Nimero wa dia 22 Kasuamansense 1994 wa “Réveillez-vous! ” udi ukonkonona bumue bua ku malu adi ashindika dipangila dia bitendelelu. Pa kukuata mudimu ne biena-bualu mu muanda eu: “Padi bitendelelu bibuelakana mu mvita” [anyi tshiena-bualu tshia “Nnganyi walombola matunga ku ditalala? ” tshia mu broshire wa “Connaîtrons-nous un jour un monde sans guerre?”], udi mua kuela lukonko elu:
◼ “Bu Yezu pa buloba matuku etu aa, buebe wewe, uvua mua kuela meji kayi bua tshikisu tshidi tshitunyungulule lelu? [Lekela andamune.] Yezu wakatulongesha ne: tudi ne bua kunanga bantu buonso, nansha baluishi betu. Pabi, bitendelelu bivule bidi bidiamba mudibio bia bena nkristo bidi bidibueja mu bilumbu bia tshididi. Mmu mushindu kayi uudi wela meji se: ebi bidi ne bua kuikala ne buenzeji pa bantu badi bajinga kuikala ne nsombelu udi ulonda malongesha a Yezu? [Lekela andamune.] Nimero eu wa Réveillez-vous! (anyi broshire Un monde sans guerre) udi ukonkonona lukonko elu ne uleja mualua Bukalenge bua Nzambi kujikija ndululu yonso.”
6 Tuenzayi madikolela bua kufila bibejibeji ku tshiibi ne ku tshiibi, nansha tuetu katuyi ne mushindu wa kutuadija diyukidilangana pa Bible. Biapangika bibejibeji, tudi mua kutumika ne broshire idiku ne pa nanku kuakaja maleja etu bilondeshile dijinga dia muntu.