Mushindu wa kufila bibejibeji

(Nuangate bia Mfualansa bikala bia Tshiluba kabiyiku)

Tshibumba tshia Nsentedi 15 Lui.

“Tutu tumvua bamba misangu mikuabu ne: tshishima kampanda ntshienzeke. [Fila tshilejilu.] Bamue bantu batu bitaba malu adibu babambila mushindu’eu. Bakuabu batu baela mpata. Tshibejibeji etshi tshidi tshiumvuija bua kumanya bishima bia mu Bible ni bivua bienzeke bulelela ne malu a mushindu’eu ni adi mua kuenzeka kabidi lelu.” Bala Yelemiya 32:21.

Réveillez-vous! 22 Lui.

“Mu bikondo bia kale, Nzambi uvua mulombe bana bua kunemekabu batatuabu ne bamamuabu. [Bala Ekesode 20:12.] Udiku wela meji ne: batu banemeka bamamu bu mudibi bikengela lelu anyi? [Lekela muntu andamune.] Tshibejibeji etshi tshidi tshiakula bua ntatu idi nayi bamamu mu matunga a bungi ne mushindu udibu bapita nayi.”

Tshibumba tshia Nsentedi 1 Luab.

“Udi wela meji ne: buloba ebu buvua mua kuikala muaba muimpe wa kusombela bu muntu yonso mua kulonda mubelu eu anyi? [Bala Lomo 12:17, 18. Indila diandamuna.] Diakabi, misangu mikuabu mu bantu mutu mulua kumueneka anu makokangana. Tshibejibeji etshi tshidi tshileja mushindu udi kutumikila kua mibelu ya mu Bible mua kutuambuluisha bua kujikija tulumbulumbu ne kusomba mu ditalala.”

Réveillez-vous! 8 Luab.

“Tshidimu tshionso etshi, bungi bua bantu badi dijinga ne nzembu budi buenda anu buvula. Udiku mua kutshinka tshikala mua kuenzeka dikuabu dituku bu nzembu itudi nayi dijinga eyi yoyi kayitshiyiku anyi? [Lekela muntu andamune.] Tshibejibeji etshi tshidi tshileja mudi malu maye kumpala mu dienza dia biamu bidi bipatula nzembu bimpe. Tshidi kabidi tshileja Mufuki wa bukole budi bupatula nzembu.” Bala Yeshaya 40:26.