Nzambi mmusombele muaba kampanda musunguluke anyi?

Diandamuna dia mu Bible

Eyowa. Nzambi mmusombele muaba kampanda musunguluke: mu diulu. Mona tshidi Bible wamba bua bualu ebu:

Mukalenge Solomo wakamba mu disambila ne: ‘Telejaku kumbukila mu diulu, muaba uudi musombele.’​—1 Bakalenge 8:43.

Yezu wakalongesha bayidi bende bua bikale basambila ‘Tatu wabu udi mu diulu.’​—Matayi 6:9.

Yezu mumane kubishibua ku lufu, uvua mubuele “mu diulu muine, bienza bua amueneke mpindieu kumpala kua Nzambi.”​—Ebelu 9:24.

Mvese eyi idi ileja patoke ne: Yehowa Nzambi mmuntu mulelela, ki mmusombele miaba yonso to, kadi anu mu diulu.