Divuluija Bua Sekretere ne Bua Mutangidi Wa Mudimu

Tshidimu tshionso, dimanyisha ditu dipatudibua mu Mudimu wetu wa Bukalenge wa Luishi, bua kulomba sekretere ne mutangidi wa mudimu bua ‘kukonkononabu mudimu wa bampanda-njila ba pa tshibidilu bonso.’ Dikonkonona edi, dìdì ne bua kuenzeka mu ngondo wa Luabanya eu, didi ne tshipatshila kayi? Kujadika eu wikala dijinga ne diambuluisha bua kufika ku tshipatshila tshiende tshia mêba biangatshile ku mpindieu too ne ku ndekelu kua tshidimu.

Bampanda-njila ba pa tshibidilu badi ne bua kufila ku tshidimu mêba 1 000 mu mudimu. Ku ndekelu kua ngondo wa Luishi, bamue badi bamona se: mêba abu ki mmakumbane, ke tshidi mua kubatekesha mu maboko. Bakulu batu misangu yonso ne mushindu wa kuambuluisha bampanda-njila, pa kubakankamija ne kubapesha mibelu mikuatshishi. Diambuluisha edi dia bakulu didi mua kuikala ne buenzeji ne kupetesha mpanda-njila kampanda mushindu bua kufikaye ku tshipatshila tshiende, pamutu pa kulekelaye mudimu wende.

Bampanda-njila nebikale ne dianyisha bua ditabalela dia muoyo mujima dibaleja kudi bakulu pa bualu ebu. Tshisumbu netshibabidile kabidi dikalaku dia bampanda-njila bena disanka mu mudimu ne badi bakumbaja ne lulamatu mudimu wabu mubambika eu.