Utuku wenza dilomba disunguluke dia bibejibeji anyi?
1 Utu ukadiku mufike dikuabu mu tshisangilu tshia mudimu wa buambi ne mumone se: kuvua ne bibejibeji mu tshibuta tshiebe tshia buambi anyi? Tudi mua kuenza tshinyi bua kabipangikimu ne bua kubileja bantu bipepele? Badi batukankamija bua kuikala kuenza dilomba disunguluke dia bibejibeji. Enza dilomba dijalame dia bungi busunguluke bua bibejibeji biwasua kuangata bua nimero yonso ne upeshe muanetu utu usadila ku bibejibeji. Mu dienza nunku, wewe ne dîku diebe nenuikale nupeta misangu yonso bungi bukumbane bua bibejibeji.
2 Bua tshinyi kubenga kuenza dilomba disunguluke dia bibejibeji? Neutambe kudiumvua ne bujitu bua kufila bibejibeji ku lumingu luonso, kabidi neupete disanka dia bungi mu dienza nanku. Biwikala ukadi ne dilomba disunguluke, udikonkonone bua kumona né utu upeta bungi buudi nabu dijinga bua mudimu wa mu ngondo mujima. Bushuwa, tudi ne bua kunemeka dipangadika dietu ne kuya kuangata lumingu luonso bibejibeji bitudi balombe, ne tudi ne bua kudiumvua ne bujitu bua kuenza nanku. Biwikala ne bua kuenza luendu bua musangu mule, umanyishe musadidi ku bibejibeji biwasua bua kuikalaye upesha muntu mukuabu bibejibeji biebe too ne pawapingana.
3 Tudi kabidi mua kulongolola dituku dijalame dia kuabanya bibejibeji. Udiku mua kutua pebe Dituku dia Bibejibeji dia ku lumingu nyama ku mikolo anyi? Bu mudibu baleje mu Calendrier des Témoins de Jéhovah 1999, diabanya didi dienzeka Disambombo dionso. Kulenguludi mushinga wa diabanya Tshibumba tshia Nsentedi ne Réveillez-vous! nansha. Patudi tudienzeja bua kudifila bikole mu mudimu wa diabanya bibejibeji, tudi ‘tuya ne lumu luimpe lua bualu kampanda butambe buimpe’ kudi bantu netu.—Yesh. 52:7, NW.