Malu majalame adi ashindika bualu

Luka 1:3

TSHIA KUENZA: Fila bijadiki bia kueyemena bua kuambuluisha bateleji bua bumvue bualu buudi wakuila bimpe.

MUA KUTSHIENZA:

• Keba mu bintu bijalame. Biudi wamba bimanyine mu Dîyi dia Nzambi, udibala buludiludi padiku mushindu. Wewe wakula bua bualu bua mu sianse, bua malu a ku tudiomba, bua bualu buenzeke, anyi bua bualu bukuabu budi bukuatshisha tshiudi wamba, dianjila kukeba bua kumanya bikala muaba uudi mubipetele au ngua kueyemena ne malu au atshidi majalame.

• Kukonyangaji biudi upeta. Umvuija mvese mu diumvuangana ne nsombelu udibu bakuila, bualu budi Bible wakula mu kabujima kende, ne mikanda ya “mupika wa lulamatu udi mudimuke.” (Mat. 24:45) Amba malu a mu mikanda idi kayiyi ya mupika ne bujalame buonso, kuyi wamba bualu bushilangane ne buvua mufundi musue kuamba to.

• Eleshisha bateleji meji bua tshijadiki tshiudi ufila. Wewe mumane kubala mvese anyi muambe bualu bua mu mukanda kampanda, ela nkonko ne lungenyi peshi fila tshilejilu bua kufikisha bateleji bebe ku didiumvuila malu bimpe.