MUA KUBANGA KUYUKILA NE MUNTU
DILONGESHA 6
Muoyo mukole
Dîyi dia kulonda: “Tuakapeta muoyo mukole ku diambuluisha dia Nzambi wetu bua kunuambila lumu luimpe.”—1 Tes. 2:2, dimanyisha.
Tshivua Yezu muenze
1. Tangila FILME, anyi bala Luka 19:1-7. Pashishe welangane meji a nkonko idi ilonda eyi:
Bua tshinyi bantu bakuabu bavua mua kuikala bepuka Zakayi?
Ntshinyi tshivua tshisake Yezu anu bua kumuyishaye lumu luimpe?
Dilongesha
2. Bidi bikengela tuikale ne muoyo mukole bua kuyisha bantu mukenji wa Bukalenge katuyi tubasunguluja to.
Idikija Yezu
3. Eyemena Yehowa. Nyuma wa Nzambi wakapesha Yezu bukole bua kuyisha, udi mua kukupesha pebe bukole abu. (Mat. 10:19, 20; Luka 4:18) Lomba Yehowa akupeshe muoyo mukole bua uyishe bantu badi mua kukuenza buôwa.—Bien. 4:29.
4. Kudianjidi kuangata bantu bibi to. Tudi bafuane kuelakana bua kuyisha bantu bakuabu anu bua tshimuenekelu tshiabu, bua nsombelu wabu, bua tshitendelelu tshiabu, anyi bua mudibu babanji peshi bapele. Kadi vuluka ne:
Yehowa ne Yezu ke badi ne bukole bua kumona mu mioyo ya bantu, kadi tuetu katuena nabu to.
Bantu bonso mbakanyine luse lua Yehowa.
5. Ikala ne muoyo mukole, wikale kabidi ne kanemu ne budimu. (Mat. 10:16) Kukokianganyi ne muntu to. Muntu yeye kayi musue bua wewe kumuyisha anyi wewe mudimone mu njiwu, kosa muyuki ne bukalanga.—Nsu. 17:14.