MANDAMUNA A NKONKO YA MU BIBLE

Bua tshinyi mbikole bua kupeta ditalala pa buloba?

Bible udi uleja malu manene abidi. Bua kumpala, nansha mudi bantu benza malu a dikema, kabavua babafuke ne bukokeshi bua kudilombola bobu nkayabu to. Buibidi, malu adi bantu bapangadija kaena akumbana bualu “ba pa buloba bonso badi ku bukokeshi bua mubi,” Satana Diabolo. Ke bualu kayi madikolela adi bantu benza kaena mua kutuadila bantu ditalala pa buloba to.​—Bala Yelemiya 10:23; 1 Yone 5:19.

Dijinga dia bantu dia kuenza malu anu bua diakalenga diabu ne lukuka mbienze kabidi bua ditalala kadikadi pa buloba to. Anu mbulamatadi wa buloba bujima udi mua kulongesha bantu mua kunanga malu mimpe ne kutabalelangana ke udi mua kufila ditalala pa buloba apa.​—Bala Yeshaya 32:17; 48:18, 22.

Nnganyi wafila ditalala pa buloba?

Nzambi wa Bukole Buonso mmulaye bua kuteka mbulamatadi umue wikala mua kukokesha bantu bonso. Neapingane pa muaba wa mbulamatadi ya bana ba bantu. (Danyele 2:44) Yezu Muana wa Nzambi, neakokeshe bu Mukalenge wa Ditalala. Neumbushe malu mabi pa buloba bujima ne nealongeshe bantu mushindu wa kuikala ne ditalala.​—Bala Yeshaya 9:6, 7; 11:4, 9.

Lelu eu, ku bulombodi bua Yezu, miliyo ya bantu pa buloba bujima badi bakuata mudimu ne Bible Dîyi dia Nzambi bua kulongesha bantu mua kuikala mu ditalala ne bakuabu. Mu katupa kîpi emu, ditalala nedikale pa buloba bujima.​—Bala Yeshaya 2:3, 4; 54:13.