Indi Bayibolu Yahoshaña Nawudi?

Komana nsakililu ayitachikili kudi antu?

ANTU AMAKWAWU ELUKA nawu nsakililu ayitachikili kudi antu; amakwawu ahoshaña nawu Nzambi wazatishaña nsakililu kulonda yakokweleñamu antu. Munatoñojoki nenudi?

CHAHOSHAÑA BAYIBOLU

Kudi ‘nsakililu yakadi majilu yamonañayi Nzambi Tata yetu nindi yalala nawa yayiwahi.’ (Yakoba 1:27) Nsakililu yakadi majilu hela yalala, yafuma kudi Nzambi.

YUMA YIKWAWU YITWADIZAÑA MUBAYIBOLU

Hakwila tumutiyishi Nzambi kuwaha, nsakililu yatela kushindamena hachalala chamuBayibolu.—Yowanu 4:23, 24.
Nsakililu yashindamenaña hamaana awantu, yamukunkulwayi.—Maku 7:7, 8.

Komana chalema kwikala munsakililu?

MUKWAKULA NENUDI?

Eña
Inehi
Kwesekeja nachidi nsakililu

CHAHOSHAÑA BAYIBOLU

“Tuditoñojokenu muntu himuntu, kulonda tusañumuni akwetu kukeñañana nakwila nyidimu yayiwahi.” (Aheberu 10:24, 25) Nzambi wakeñaña akwakudifukula indi apompeña hamu neyi izanvu.

YUMA YIKWAWU YITWADIZAÑA MUBAYIBOLU

Antu adifukulaña kudi Nzambi hamu atela kwikala anuñañana.—1 Akorinda 1:10, 11.
Antu ekala munsakililu yetejayi Nzambi anuñañana mukaayi kejima.—1 Petulu 2:17.

Mwani ntemeshelenu mukanda waChumanyi Chacheni Chatañishaña Bayibolu?

Neyi munakukeña kwilukilahu nsañu yikwawu, talenu kapetulu 15 kawunu mukanda, wasonekawu kudi aYinsahu Yehova

Wudi cheñi ha www.jw.org