Ndandanda yaKupompa kwaMudimu

Mulungu Wakutachika January 14

Kamina 41

Jimin. 10: Kubidika kwahachipompelu chenu. Kubidika kwakufumisha muMudimu Wetu waWanta. Kuzatisha jinjila jidi hefu 8 hela jinjila jikwawu jinesekani neluña denu, mwekeshenu chakuhana Kaposhi Kakutalila kaJanuary 1 niAwake! yaJanuary.

Jimin. 15: “Zatishenu Chiwahi Mpinji Yenu muMudimu waKushimwina.”a Ihujolenu mana kwetu wemikaña chakutalilahu chachiwahi chakulombola izanvu mumudimu wamwiha. Chumanyi chakoñañayi hakwila nawu yadiloñeshi kulombola izanvu nikuzatisha chiwahi mpinji mumudimu wakushimwina?

Jimin. 20: “Kuhosha Kwenu Kwikali . . . Kwakutoweja naMuñwa Mafuku Ejima.”b Hampinji yimukuhanjekaña parakalafu 2, tañenu Yowanu 4:7-15, 39.

Kamina 85

Mulungu Wakutachika January 21

Kamina 215

Jimin. 10: Kubidika kwahachipompelu chenu. Shimunenu nyikanda yakuhana muFebruary, nawa mwekeshenu mwakuhanina iyi nyikanda. Koleshenu ejima kutala vidiyo yaTransfusion-Alternative Health Care—Meeting Patient Needs and Rights kulonda kuloñesha mpanji yakekala muKupompa kwaMudimu mumulungu waFebruary 4. Neyi vidiyo yeniyi kwosi akwakushimwina atela kuhituluka mumukanda waChumanyi Chacheni Chatañishaña Bayibolu? ifu 128-133, maparakalafu 10-19.

Jimin. 10: Komana munakuzatisha Ukubebeta Amalembo Cila Bushiku? Mpanji nikuhanjeka nezaza kushindamena hamazu akutachikilahu mumukanda waUkubebeta Amalembo Cila Bushiku—2008. Hanjekenu hakulema kwakwikala nampinji yakuhituluka muNsona yefuku mafuku ejima. Lejenu izaza kuhoshahu handandanda yawu yakutaña nsona yefuku nichiyanahetelumu. Munateli kuloñeshela chadimu muntu wumu hela ayedi kulonda ahoshuhu. Hoshenu hansona yachaaka cha 2008 mukwihihisha.

Jimin. 25: ‘Shimwinenu Nsañu Yayiwahi Chikupu.’c (Mapara. 1-10) Yikuhanewa nankoñi wamudimu. Ihujolenu mukwakushimwina wumu hela ayedi azatiluku wupayiniya wakukwasha chaaka chinamani hela chakwila hiyadiña nampinji yenenuku hela neyi ashinakaja dehi. Atwesheli ñahi kuzataku wupayiniya wakukwasha? Atiyili muzañalu wamuchidinyi hampinji yazatileñawu? Hampinji yimukuhanjekaña parakalafu 7, shimunenu ndandanda yakuhumañana kwakuya mumudimu wamwihi mutukweji twaMarch, April, niMay.

Kamina 177

Mulungu Wakutachika January 28

Kamina 52

Jimin. 10: Kubidika kwahachipompelu chenu. Yanukishenu akwakushimwina ahani malipoti aJanuary amudimu wamwiha. Tañenu lipoti yamali nimazu akusakilila akufuma kukasanji kamutayi. Kuhanjeka nezaza kushindamena haKaposhi Kakutalila kaFebruary 1 niAwake! yaFebruary. Hanyima yakuhoshahu chantesha hamagazini yimu nayimu, ihulenu izaza kushimuna yibaba yinateli kuyiletela ikoku antu amwiluña diyashimwinañawu nimuloña wuyikuletela ikoku. Ihulenu izaza kuhosha hayikuma yidi muyibaba yinakukeñawu kuzatisha. Malwihwinyi atela kwihulawu hakwila nawu atachiki kuhanjeka? Nsonanyi yidi muchibaba yinateli kutañawu? Tunateli kwesekeja ñahi nsona nachibaba? Kuzatisha yimwenu yidi hefu 8, mwekeshenu chakuhana magazini yimu nayimu.

Jimin. 20: ‘Shimwinenu Nsañu Yayiwahi Chikupu.’d (Mapara. 11-17) Neyi yipapilu yadimena yakutambika nachu antu kuChanukishu yidi kwoku, hanenu kopi kudi antu adi mwizaza hampinji yimukuhanjekaña parakalafu 14. Shimunenu ntanjikilu yamwiluña denu hakuhana makopi wenawa mumaluña akushimwinamu.

Jimin. 15: “Kwashenu Atudizi aBayibolu Kwikala Akwakushimwina Nsañu Yayiwahi yaWanta.”e Neyi kudi mpinji lejenu izaza kuhoshahu hajinsona jinatenuwu.

Kamina 22

Mulungu Wakutachika February 4

Kamina 161

Jimin. 10: Kubidika kwahachipompelu chenu. Hitulukenu Muchikasha chaMalwihu.

Jimin. 10: Kukankila kwahenu.

Jimin. 25: “Komana Munalabi Kusoneka Kaadi Yakulema kwaÑovu Yehaku?” Akuyihana kudi eluda. Tachikenu kuhanjeka nezaza havidiyo yaPatient Needs and Rights, kuzatisha malwihu adi muchibaba. Hakumanisha tañenu parakalafu yakukumishaku nawa koleshenu ejima kuhituluka nakanañachima muyibaba yamuKaposhi Kakutalila niMudimu Wetu waWanta. Lumbululenu ochu chipapilu chamukachi chidi muMudimu Wetu waWanta waNovember 2006 chichatela kukwasha owu anabuli kufuukulahu kutalisha hatuyuma tumu twamumashi nijinjila jakuukilamu nakutuntulula yuma yinafuukuluwu hakaadi yaDPA. Owu amanisha dehi kusoneka kaadi yawu yaDPA anateli kuhituluka muyuma yafuukwiluwu kunyima nawa neyi chinatwesheki anateli kusoneka kaadi yayiha. Neyi vidiyo kwosi akwakushimwina atela kuhituluka mumukanda waChumanyi Chacheni Chatañishaña Bayibolu? mafu 128-133, maparakalafu 10-19.

Kamina 4

[Tumazu twaheshina]