Kuwahisha Njila Jetu Jakushimwinamu—Kuloñesha Mazu Akutachikilahu
Chikwalemena: Mwiniitala nateli kukaana kuhanjeka nindi henohu kanda tushimwini, neyi mazu etu akutachikilahu anakumusañumuna wanyi. Dichi akwakushimwina amavulu amonaña mazu awu akutachikilahu nawu alema nankashi neyi anakushimwina. Hela chakwila muMudimu Wetu waWanta nimumukanda waUkupelulula mwekalaña njila jitunateli kuzatisha, bayi neyi mpinji yejima jekalaña namazu ejima itwatela kuzatisha kala mpinjuku. Chili njila jeniji jikweti mazu ejima, mpinji yikwawu akwakushimwina anateli kuhimpa hela kuloñesha njila jakuzatisha jinakeñuwu. Neyi tuloñesha chiwahi mazu akutachikilahu kubadika kuhosha hohu mazu akwinza kumuchima, tukushimwina chiwahi neyi mwiniitala yeteja kumushimwina.—Yish. 15:28.
Esekenu Kuzatisha Iyi Njila Mukanu Kakweji:
Hampinji yakudifukula kwachisaka ikalenu nampinji yakuloñesha nikuhituluka mumazu akutachikilahu.
Neyi munakushimwina, lejenu akwakushimwina amakwawu nsañu yimunafuukuluhu kuhosha. (Yish. 27:17) Himpenu mazu akutachikilahu neyi anakuleta ikoku wanyi.