Tumina twaWanta Twatukwashaña Kwikala Ahamuka

Pawulu naSilasi amushimekeli Nzambi nakamina hampinji yadiñawu mukaleya. (Yil 16:25) Makonu akwetu akwakwitiya embili tumina twaWanta hampinji yadiñawu muchilombu chakuyandishila chaSachsenhausen kuNazi muGermany nihampinji yadiñawu muwunkoli muSiberia. Iyi yakutalilahu yamwekeshaña ñovu yekala mutumina chiyakwashaña akwaKristu kwikala ahamuka neyi anaholokeli muyihuñu.

Madimi amavulu keña ekali nakamina kakaha kanakwila nawu ‘Mwimbilenu Yehova Namuzañalu.’ Neyi tunekali dehi naku, tunateli kuhembela mazu adimu kumutu kuhitila mukwimba itu tumina hakudifukula kwachisaka. (Efw 5:19) Kuhiñahu, spiritu yajila yikutukwasha kwanuka itu tumina neyi tudi mukweseka. Tumina twaWanta twatukwashaña kusha muchima hakuchiñeja kwetu. Tukutukwasha neyi tunaholokeli mukweseka. Neyi tunazañalali, mazu amawahi adi munitu tumina akutukwasha “kwimba namuzañalu” muloña wakutiya kuwaha. (1 Ku 15:16; Mas 33:1-3) Dichi wejima wetu twimbeña itu tumina twaWanta mpinji yejima!

TALENU VIDIYO YAA SONG THAT INSPIRED LABORERS, KUHIÑAHU AKULENU AWA MALWIHU ANALONDELIHU:

• Yumanyi yamuleñeleli Manakwetu Frost kusoneka kamina?

• Indi aka kamina kayikolesheli ñahi amanakwetu adiña muchilombu chakuyandishila chaSachsenhausen?

• Tumina twaWanta tunateli kuyikolesha muyumanyi yitwamonaña makonu?

• Tuminanyi twaWanta tumunakukeña kuhembela kumutu?