Kampeni Yadimena yaKutachika Kudizisha Antu Bayibolu muSeptember

Mukakweji kaSeptember, twakazata nañovu kushimwina kudi antu kumatala ejima nankeñelu yakutachika kuyidizisha Bayibolu, kuzatisha broshuwa yaMunateli Kwikala naMuzañalu Haya Nyaaka! Akakushimwina anateli kuzataku wupayiniya wakukwasha wakushikija maora 30 hohu. Twakazata ñahi muniyi kampeni yadimena?

• Halwendu Lwatachi: Zatishenu lwihu ludi hakava kunyima yabroshuwa kulonda mutachiki kuhanjeka naweni matala, nawa yilejenu muwihi chitwadizishaña antu Bayibolu. Bayi muyijimbala antu amwekesheli mpwila halwendu lwatachi nihakufuntilaku. Hela chakwila hatachi akaanineña kudiza Bayibolu, hadaha akukeña kutachika kudiza kuzatisha iyi njila yayiha yakudizishilamu antu Bayibolu muniyi broshuwa. Bayi tushiya broshuwa hamatala hanabuli antu hela kutemeshela antu abulili kumwekesha mpwilaku. Kometi yaMudimu yaChipompelu yinateli kubombelaku mafuku amakwawu akubulakana nakuya nakushimwina mukachi kamulungu munaka kakweji.

• Njila Jikwawu Jakushimwinamu: Neyi chipompelu chenu chazatishaña ngolofwana, shenuhu broshuwa yaMunateli Kwikala naMuzañalu Haya Nyaaka! Yilejenu antu aneteji kusenda broshuwa nenu munateli kutachika kuyidizisha Bayibolu chawaana. Nawa yilejenu muwihi chitwadizishaña antu Bayibolu hela tiyañanenu mpinji niifuku dakuyileja. Nkoñi wamudimu nateli kusakula akwakushimwina ashikahu kulonda akayi nakushimwina hayisankanu nankeñelu yakutachika kuyidizisha antu Bayibolu. Niakwenu imwazataña nawu niimwahanjekaña nawu wunsahu wamumpanji munateli kuyihula neyi akukeña kutachika kudiza Bayibolu.

Yesu watwinkeli mudimu ‘wakwilisha atumbanji’ ‘nikuyidizisha.’ (Mat 28:19, 20) Mwani iyi kampeni yadimena yitukwashi kuzata iwu mudimu, kuzatisha broshuwa yaMunateli Kwikala naMuzañalu Haya Nyaaka!