Chakudiza
Tondenu Yuma Yalema Chikupu Yimwatela Kudiza
Wejima wetu hitwekala nampinji yeneni yakudiza nkawetuku. Hanu dinu, tunateli kuzatisha ñahi chiwahi iyi mpinji? Chatachi, ikalenu nampinji yeneni hayuma yimunakutaña. Mukuhetelamu nankashi neyi mudizaña nsañu nakanañachima chatela mutañeña nsañu yayivulu lufuchi.
Kuhiñahu, tondenuhu yuma yalema chikupu yimwatela kudiza. (Efwe. 5:15, 16) Talenu iji njila jinateli kuyikwasha:
Tañenuña Bayibolu mafuku ejima. (Mas. 1:2) Ndandanda yetu yakutaña Bayibolu mulungu-himulungu yakupompa kwamukachi kamulungu, hinjila yayiwahi nankashi yakutachika nachu.
Loñeshenuña Kaposhi Kakutalila Kakudizamu nikupompa kwamukachi kamulungu. Diloñeshenuña kulonda mwakuleñahu.—Mas. 22:22.
Mwani fwilenuña kutaña nikutala yuma yikwawu yakuspiritu yinedishiwu, chidi neyi magazini yetu yawantu amavulu, mavidiyo niyuma yikwawu yashañawu ha jw.org.
Dizenu nsañu yayitiyishaña kuwaha. Munateli kusandujola hakukala kumunakumona, halwihu lumukweti hela hansañu yamuBayibolu yimunakukeña kutiyishisha. Hakwila mwiluki chakwila, yenu hachibalu chinakwila nawu “Bible Study Activities” (Nyidimu Yakwila Hakudiza Bayibolu) ha jw.org.