Chakusandujola
Yuma Yatela Kwilawu Anyana
Anvwali akweti mudimu weneni wakudizisha anyanawu kulonda amwiluki Yehova. (Efwe. 6:4) Hakwila akwashi anvwali, kuloñesha kwaYehova kunedishi yibaaba yayivulu, mavidiyo nitumina. Munateli kuzatisha ñahi yumiyi kudizisha nachu anyanenu?
Wanenu yuma yidihu. Ha jw.org hadi yuma yayivulu yedishilawu atwansi, kushilahu mavidiyo nichibalu chayuma yakwila yatela kusonekawu.a Hakwila muwani yumiyi, sonekenu mukachikasha mwakusandujolela nenu “Anyana” hela “Atwansi.”
Tondenu nsañu yimunakukeña. Muyuma yedishawu yidi muchibalu chakwila nawu “Anyana” yinateli kuyikwasha kutonda nsañu kwesekeja nayaaka yikwetiyi mwanenu. Hakwila muyiwani, sandujolenu hamutu wunakwila nawu “Chakukulisha Anyana.”
Yikwashenu kutiyishisha yuma yinakudizawu. Bayi mwiteja anyanenu ataleña hohu mavidiyo hela kusoneka muchibalu chayuma yakwila kulonda amanishileñamu hohu mpinjiku. Ilaña hanjekenu hamu namwanenu hanawa mavidiyo ninichi chibalu chakusonekahu kulonda mumukwashi kukolesha wubwambu windi naYehova.
a Chayinu mpinji munateli kuwana mavidiyo ejima awatwansi ha JW Library® ilaña hadi hohu yibalu yantesha yayuma yatela kusonekawu.