Watchtower LAYIBULALI YAHAINTANETI
Watchtower
LAYIBULALI YAHAINTANETI
Lunda
  • BAYIBOLU
  • NYIKANDA
  • KUPOMPA
  • wp19 na. 2 mafu 10-11
  • Neyi Munakuyekela naYikatu Yamaneni

Vidiyo yimwatonda hosi.

Atwanakeniku mwani, vidiyo yakañanya kwenzunuka.

  • Neyi Munakuyekela naYikatu Yamaneni
  • Kaposhi Kakutalila Kanakubidika Wanta wa Yehova (Kawantu Amavulu)—2019
  • Tunyitu Twanyanya
  • Nsañu Yinadifwani
  • YUMA YINAKWASHI ANTU AMAKWAWU KUUMIKA
  • Neyi muChisaka Mudi Muyeji
    Chakwikala naMuzañalu muChisaka
  • Yehova Nzambi Yenu Wayilemesha
    Kaposhi Kakutalila Kanakubidika Wanta WaNzambi (Kakudiza)—2020
  • Kulomba Kunateli Kuyikwasha
    Kaposhi Kakutalila Kanakubidika Wanta wa Yehova (Kawantu Amavulu)—2021
  • Chakukwasha Antu Anakukabakana naYitoñojoka
    Kaposhi Kakutalila Kanakubidika Wanta wa Yehova (Kawantu Amavulu)—2023
Talenu nsañu yikwawu
Kaposhi Kakutalila Kanakubidika Wanta wa Yehova (Kawantu Amavulu)—2019
wp19 na. 2 mafu 10-11

Neyi Munakuyekela naYikatu Yamaneni

“Chiyanlejeliwu kudi ndotolu nawu nidi nachikatu chakansa kumapwapwa nikumujiñwa, natoñojokeli nukuhanda wanyi. Ilaña chinafuntili kwitala, natoñojokeli nami ‘Chinamwekani dehi, ilaña natela kuwana njila mwakuumikila iku kukala.’”—aLinda, adi nayaaka 71.

“Nakabakeni nankashi nachikatu chakata chaletesheli nyijila yakumesu kuchimunswa kubula kuzatika chiwahi. Mpinji yikwawu, ichi chikatu chaletesheleña kusweja kuneña. Kakavulu, naneñeleña nawa natoñojokeleña kudijaha.”—aElise, adi nayaaka 49.

Iyala wakata wendelaña mukakinga kawayifwayi wudi nawantaña jindi

CHANEÑESHAÑA nankashi neyi ayiwana enu hela ntaña yenu nachikatu chafwana. Kubombela hachikatu chacheni, munateli cheñi kutachika kwakama. Munateli kusweja kutiya woma nikwakama hanjila jakuyuukilamu, chimunateli kwila hakwila mwikali nayitumbu hela wubanji wunateli kufuma muyitumbu yikuyinkawu. Muntu wunakuyekela nayikatu wakamaña nankashi.

Kudihi kutunateli kuwana wukwashu? Amavulu awana nawu kulomba kudi Nzambi nikutaña mazu akukundeja ekala muBayibolu, diyuma yayikundejaña. Cheñi kukeña kwatumwekeshelaña amabwambu niantaña jetu kwatukwashaña.

YUMA YINAKWASHI ANTU AMAKWAWU KUUMIKA

A Robert adi nayaaka 58 ahosheli nawu: “Mukuhwelelenu Nzambi neyi munakukata nawa wukuyikwasha kuumika. Mulombenu Yehova. Mulejenu chimunakutiya. Mulombenu yayinki spiritu yajila. Mulombenu yakoleshi chisaka chenu nawa yayikwashi kutwalekahu kwikala ashinshika hampinji yimunakukata.

“Wukutiya kuwaha neyi chisaka cheyi chikukwasha nikukwakamena. Mafuku ejima antuminaña foni kudi muntu wumu hela ayedi nakuñihula nawu, ‘Munatiyiku ñahi?’ Ankoleshaña kudi amabwambu jami ashakamaña kumaluña ashiyashana. Ankundejaña nawa chankwashaña kubula kuzeya.”

Neyi munakuya nakutala ibwambu denu wakata, talenu mazu ahosheli aLinda: “Muntu wakata wakeñaña kwikala wakola kumujimba nawa hanateli kukeña kuhosha hayikatu mpinji yejimaku. Dichi hoshenu hayuma yimwahanjekaña mpinji yejima.”

Nañovu yaNzambi nikukundeja kwamuNsona, kushilahu niwukwashu wafumaña kudi antaña niamabwambu, tunateli kukuhwelela netu chachiwahi kutwalekahu kuhanda hela chakwila tunakuhita muyikatu yafwana.

Mavasi AmuBayibolu Anateli Kuyikwasha

Mushindamenenu Nzambi.

“Ami namukeñakeñeli Yehova, wañitiyili, wampulwishili muwoma wami wejima. Kazweñi iwu wabileleli, Yehova wamutiyili.”—Masamu 34:4, 6.

A Linda itwashimuna hakusambila ahosheli nawu: “Nalombelihu wanyi nami, Nkoleshi.’ Mpinji yejima nalombeleña nami, ‘Nkwashi nikali nañovu nawa nkwashi nuumiki nayikatu yami yinnakuhitamu.’”

Tañenu Izu daNzambi diyikwashi kwikala nañovu.

“Mwenimbu hakahosha nindi Ami nakataku.”—Isaya 33:24.

Toñojokenu chikupu hayikaninu yaNzambi yakumbidi. Yikuyikwasha kwikala nakuchiñeja kukuyikwasha kwikala nañovu yakuumika.

Lombenu wukwashu kudi antaña jenu niamabwambu.

“Ibwambu damuntu wamukeñaña mukwawu mwahita mpinji jejima; mana kwamuntu wavwalikila yakala.”—Yishimu 17:17.

A Elise itwashimuna hakusambila ahosheli nawu: “Bayi mudambula kudi akwenuku. Itejenu wukwashu kufuma kudi amabwambu jenu. Kudi mpinji yikwawu yimunateli kuneña nikutoñojoka nenu Nzambi hanakuyitiyililaku, ilaña bayi mudambula kudi akwenuku.”

    Lunda Publications (2006-2025)
    Fumenumu
    Iñulenu
    • Lunda
    • Inkenuhu akwenu
    • Hakusetiñila
    • Copyright © 2025 Watch Tower Bible and Tract Society of Pennsylvania
    • Nshimbi Jakulondela
    • Nshimbi Jakujinda
    • Privacy Settings
    • JW.ORG
    • Iñulenu
    Inkenuhu akwenu