Yuma Yimwatela Kwanuka haChanukishu

Aeluda atela kusha kashinshi kuniyi yuma hampinji yinakuloñeshawu kutalisha haChanukishu:

◼ Mwatela kwiluka nenu yifwikija akayihitishamu neyi itañwa dinahumi dehi.

◼ Mwatela kuloñeshela chadimu dinkendi nivinyu yinakukeñeka kulonda kuyizatisha.—Talenu Kaposhi Kakutalila kaChibemba kaFebruary 15, 2003 mafu 14-15.

◼ Mwatela kuletelañahu dehi yeña yamawumba, malupasa, mesa yayiwahi niihina dahamesa mwitala dawanta.

◼ Itala daWanta hela iluña dikwawu dakupompela mwatela kudiwahisha chachiwahi henohu kuchidi mpinji.

◼ Atulama niakwakuhitishamu yifwikija atela kuyilejela chadimu kutalisha hamudimu wawu, njila yatela kulondelawu ninvwalilu yayiwahi nimmwekenu.

◼ Aeluda atela kuloñesha kulonda ayi nakuhana yifwikija kudi wawayishewa wakata, wunakañanyi kwinza.

◼ Neyi yipompelu yayivulu yikazatisha Itala daWanta dimu, yipompelu yatela kuloñesha yuma chiwahi kulonda kubula kudichima mwakuhitila, muyisu, nihamaluña akwimikila nyotoka.

◼ Neyi kudi iluña dikwawu dakupompela dikazatishawu, mwatela kwiluka nenu yihoshelu yayiwahi yidi kwoku kulonda ejima adi mwizaza akatweshi kumutiya nhoshi.